1 Pedro 1:19 - Páez

¹⁹ Naasáa Jesukristo ee yakh yuuçxáak dukhnisa yuu. Txã' piisxakuẽ kĩhte yuhwa ãça'meesa ewsa's ikhçxa pkaltxi yaateya' kabnisa na'wẽk yuu.

1 Pedro 1:19 Referans Kwoze

1 Juan 1:7

Nawa Dxuswa ma'wẽ eena'te ũsna txã'wẽy kwe'sxwa eena'te fxi'zete', kwe'sx pwe'sx puutx puiimée zhiçxkwe fxi'zewa'j kasejena, aça' Dxus Nçxi'k Jesukristo eea' kwe'sx pkaltxi jxuka khukhuna.

San Juan 1:29

Kuskuskhẽ' Juana' Jesus yuhte uyçxa', na'wẽk we'we: —Mthegwe, naaíi Dxus kaahni piisxakuẽ', jxukaysa pkaltxi txudewa'jsa.

Apocalipsis 5:9

Sa' memtxi teeçx mem u'sesa na'jĩna: Idxa' txãa eça's jxpa'gaçxa selxotx sudeya' ãjãwa'jsag, Txãa pa'gatey ikhni yuuçxa iidx eeju kwe'sxtxi's weygu Maa nasa ma'wẽsa, yuwe ma'wẽ we'wesa, mteewe'sxwa jxuka Dxus luuçx yuuya' ãjãkahn.

San Juan 1:36

Sa' Jesus jxkhẽuuçte uyçxa', Juana' na'jĩk: —Mthegwe, naaíi Dxus kaahni piisxakuẽ'.

Efesios 1:7

Txãa Jesukristok kwe'sxtxi' nwe'we txajx eeju kwe'sx pkaltxi jxuka peltunãyçxa. Nawa Dxusa' kwe'sxtxi wala peeygãhçxa yuuçxáak txã'wẽ yuuwa'ja's vxit.

Colosenses 1:14

txajx Nçxi'k peltunãyçxa nwe'wenisatha'w naa pa'ga.

Apocalipsis 1:5

Sa' txã'wẽy Jesukristo pu'çxni'swa mpa'gawe. Txã' Dxus yuwe's jxuka pta'sxsa' txãak uuçxawa ki' ĩtxĩ yuu nyafxte, sa' ãçxha' txãa jxkaajxa' ãjãwa'jsa' naa kiwete jxkaahsawe'sxtxi. Kristo' kwe'sxtxi's peeygãhçxa kwe'sx pkaltxi's txajx eeju pkhi'kxku.

San Mateo 20:28

Txãa pa'gatey Dxus Nçxi'k Nasa Yuusáa yuhwa txã'sna selpii jxthãasya' kĩhme', wejxwa nasatx nwe'wena selpiiya' kĩhçxak ya'dukh nxuste uuya' jĩk.

1 Juan 2:2

Jesukristok kwe'sx pkal pa'gate vxite' naa kiwete nasa jxukaysa pkal pa'gate yã'jçxa ya'dukhçxa uu.

Apocalipsis 7:14

—Txãawe'sxtxi' idxíiçxáa jiine'ga jĩnath pas. Aça' txã' na'wẽk pta'sx: —Txãawe'sxa' iiméh seena' wala nxuste skhẽwsaata', sa' txãawe'sx athni ropatxi's thethçxa Piisxakuẽ jĩnisa ikhni yuuk txajx eete yaatesata'.

Hechos 20:28

Aça' ãçxha' peekíi ya'mpa'yajkxwe, txã'wẽy Jesukristo ee pkawçxa weynisa Dxus luuçxtxiwa ew jxpe'jna, Dxus Espiritu' i'kwe'sxtxik thegwa'jsa nvxiht naa pa'ga.

1 Pedro 3:18

Kristowa txã'wẽyku pxthaa yuuçxa uu, tee dxi'jçxáa jxukaysa pa'gate. Txã' ewsak yu', nawa kwe'sx ewmeesa pa'gate pxthaa yuuk Dxus tasxte nuypa'jya'. Txã' isa uuyujk kakwe yu', nawa ũus yu' uume'.

San Mateo 26:28

Naa wasotewe'sxa' adx ee na'wẽsa'. Dxusa' maazkuẽesa pkaltxiwa khũkhçxa nwe'wewa'ja's vxitku, nawa adx eea's pkawçxa yuuçxáak txã'wẽ nwe'wewa'ja's vxit.

Apocalipsis 14:1

Txãa e'su' uythu Piisxakuẽ jĩnisa Sion thã'j vxiçte yujuçxa ũste. Txãa yakh vxite ũsu'tx, ciento kuarenta y kuatro mil nasa, txãawe'sx dxikthesu yu' Piisxakuẽ jĩnisa yase vxite' txajx Tata yase's ji'phsa.

Apocalipsis 5:6

Txajũ' jxkaahna ũsni pxãhte vxite' Dxus vxitni ĩtxĩsa pahz ũsu'tx vxite' Dxus luuçxtxi jxkaahna ũssawe'sx txã'wẽsawe'sx ksxavxyte Piisxakuẽ na'wẽsa yujuçxa ũste uythu. Txãa yu' kpã'vxitçxa ikhni snxalwa ji'phu'k, sa' siete kaaçxu siete yafxku ji'phu'. Txãa siete yafx yu' na'wẽ Dxus tasxte ũssa siete espiritutx naa kiwete jxuka kaahni yuutx txãatx yu'.

Romanos 3:25

Aça' Kristo txã'wẽ kluuste uuniijũk Dxusa's yaakxsa txãniiteywe'sx pkal peltunãynimée ũsu'ne'ta txãa pkaltxi Dxusa' peltunãy, aça' txajũtx yuuwemeesa jĩni yuu.

1 Pedro 1:2

I'kwe'sxtxi txhitxhwa'ja's Dxus kwe'sx Tata' nyafxiitey ma'wẽne' pheu'jçxa ji'phu' txã'sa' kxtey yuuk. Txãasak Dxus Espiritu' i'kwe'sxtxi ewmeejũ txuhdeçxa Jesukristo eeju nuyaate Jesukristoçxá's nwẽese'khan. Txã'wẽ Dxus pu'çxpa'ga ãçxha' seena' wala wẽt mfxi'zewe.

Apocalipsis 14:5

Sa' kĩhçxáa yuhwa ĩsxĩisa yu'çmeeta', sa' Dxus jxkaahna ũsnite kĩh pkal yuhwa ji'phmée ũsta'.