1 Juan 5:7 - Páez

⁷ Jesukristo' Dxus Nçxi'ktewa jiisa cielute' tekhta': Dxusa', vxite' Jesukristo íiçxá', vxite' Dxus Espiritu'. Aça' txãa tekhsa' txãa na'wẽçxaçxáatx we'we'.

1 Juan 5:7 Referans Kwoze

San Mateo 28:19

Txãasath i'kwe'sxtxi jxkaaja': Me'jwe Dxus yuwe's pta'sxya' maa kiwetewa nasa jxukaysatx. Txã'wẽ yũuçxa' yu'te bautisaĩne'kwe, Dxus vxite' Dxus Nçxi'k vxite' Dxus Espiritu txãawe'sxtxi neewe'weçxa.

2 Corintios 13:14

Dxus yakhçxáa mfxi'zewe. Jesukristo pu'çxhina, Dxus Espiritu yakh txutemée fxi'zekahn.

Hechos 5:32

Txã'wẽ yũuni's kwe'sxa' jiitha'w, aça' Dxusa' txajx Espiritu's ũsku txã'sna nwẽese'jsatx txãa Espirituwa jiia' jĩte',

San Juan 1:1

Nyafxiitey naa kiwe meeíin, Kristo' ũsyã'kh yu'. Txã' Dxus yakhku ũsu', sa' Dxus íiçxáak yu'.

Hechos 2:33

Sa' txãa Jesusíik Dxus pukate paçu ju'gte kãhpkaçx pe'jna u'jni yuu. Sa' kxte' Ney ũsya' neeyũuk txajx Espiritu's txã'sa' jxpa'gaçxak txãa Espiritu's kwe'sxtxi makwewa ũs. Aça' txã'si'kwe i'kwe'sxa' jxuka uyna wẽse'j.

1 Juan 5:6

Jesukristo naa kiwete kĩisa' Dxus Nçxi'ktewa kaajiyu'jsa' naata': Yu'te bautisãyni vxite' kluuste uuni. Nawa yu'te bautisãynijũçxáa yu' açxaméek ew ya'jiyu', naasáa kluuste uuniisa yakh txãa e'z jwedsa yakh yuuçxáak isa ew ya'jiyu' Dxus Nçxi'ktewa. Txã'sa' Dxus Espirituk txã'jĩ'. Txajx we'weni' isasata'.

San Juan 8:54

Jesusa' na'wẽk pas: —Adxíiçxáa ya'tuuthe'jna pta'sxi'nja na' txã' selpimeena. Nawa adxa's tuuthe'jsa' adx Tata' txã's i'kwe kwe'sx Dxusa' jĩna we'we'.

San Mateo 17:5

Txã'jĩna Pedro' we'wena ũsiyna, tãaph seena' zhiçxkwe çxihmesa kũhçxa aphku. Aça' txãa tãaphte na'jĩnak we'weni pthũuse: —Na' adx Nçxi'k wala wedxnisa', txãa pa'ga wala weçxana ũsthu. Txã'sa' nwẽese'jna kxtey myuuwe jĩni's

San Juan 10:30

Tata adx yakha' txãa na'wẽçxaçxáatha'w.

San Juan 5:26

Txãa pa'gatey adx Tata' ĩtxĩ vxit-ya' ãjãwa'ja's ji'pha', sa' adxnawa ũsku txã'wẽ ĩtxi vxit-ya' ãjãwa'ja's.

Apocalipsis 19:13

Txajx athni ropa yu' eete akhnisa'sku jxaath yu'. Sa' txãa yu' Dxus ma'wẽsatewa txã'sna kaajiyu'jsa' jĩnisak yu'.

San Juan 12:28

Tata, maawa idxna jiyuwa'jçxá's mkaavxya'ja'j. Txajũ' cielujũ we'weni na'wẽk pthũuse: —Adxna jiyuwa'ja's kaavxya'ja'jyã'th. Nawa maawa adxa's jiyukahn ki' kaavxya'ja'jya'wath jĩnik pthũuse.

San Juan 8:18

Aça' isa we'wesa teeçxsa' adxíiçxáath. Aça' vxite' adxna kaahsa Tataíiçxá'.

San Mateo 18:16

Nawa nwẽese'jmeewáana aça' testigo teeçx meeçxa' e'z txahçxa txãawe'sx dxi'pte we'wene'ga, kxah txãa e'z testigosa' jiyutxna iidx yuwe ewuuya' pa'pçxuni's.

1 Juan 1:1

Nyafxiitey ũsyã'kh yu' txã'sna kaajiyu'jna fxi'jaçthu i'kwe'sxtxi. Kwe'sxa' iiwẽse'tha'w sa' kwe'sx yafxju yuu iiuytha'w. Ĩ'neeçxáa uymée, kwe'sx kusejuwa iijxa'dxtha'w Dxus Nçxi'k ĩtxi kaafxi'ze'jwa'jsa's.

San Juan 14:17

Naa kiwetewe'sxa' txãa Espiritu's uyya' ãjameeçxa' jiyuya'wa ãjameetxna, txãasa jxpa'gaya'wa ãjameetxna. Nawa i'kwe'sxa' jii yã'ji'kwe, txãa Espiritu i'kwe'sx yakh ũstewa, sa' bagaçxtewa txutemée nes yuuna.

San Juan 15:26

Nawa i'kwe'sxtxi pu'çxwa'jsa Dxus Espiritu isa ew kaajiyu'jwa'jsa's adx Tata tasxu kaja'nja txã' adx kimtewa ew kaajiyu'juna.

1 Juan 5:8

Txã'wẽy Jesukristo' Dxus Nçxi'ktewa jiisa naa kiwete' tekhta': Dxus Espiritu, vxite' yu'te bautisãynisa vxite' kluuste uuniisa. Aça' txãa tekhsa' txãa na'wẽçxaçxáatx we'we'.