1 Juan 5:18 - Páez

¹⁸ Kwe'sxa' jiitha'w maawa Dxus luuçx yã'ja' peena yu' pkalte fxi'ze'çme'. Txã'wẽ yũuwe'sxte Dxus Nçxi'ka' txajx kusetek jxaawu' eçxthẽ'j suwkahmén. Txãa pa'gak pkalte fxi'ze'çmée.

1 Juan 5:18 Referans Kwoze

1 Juan 3:9

Dxus luuçxa' maa yuhwa pkalte fxi'ze'çmeeta', txãa pa'gatey txãawe'sx ũusa's Dxus yu'pthehçxa nvxiitnisata' naa pa'ga. Txãasa pkalte fxi'zewa'jsameeta' Dxus luuçx yã'ja'.

1 Juan 5:4

Maawa Dxus luuçxa' naa kiwete ewmeesa's nwẽese'jmée jxuka knayu'tx. Jesukristo's ũusuh jxuka yaakxpa'ga yuuçxáak naa kiwete ewmeesa's ya'knayu'.

Judas 1:21

Dxus peeygãanijũ txutemée ũythasna meswe, kwe'sx ãhmeekwetewa Jesukristo peeygãhçxa bagaçxte yuhwa pçumée ĩtxi fxi'zewa'ja's ũswa'j en ãhpkaçx.

1 Juan 5:1

Maawa Jesusa' Dxus tasxu yuusa Kristona sũhnaçxáa ũuste yaakxsa', Dxus luuçxçxa txã'wẽ yaakina. Dxusnawa peeygãjaççxa', Dxus luuçxtxiwa peeygãhna fxi'zewa'ja'.

Judas 1:24

Dxus kwe'sxtxi nwe'wesa txãa yuuçxáa kĩhte yuhwa sxiigmée jxpe'jsa i'kwe'sx ewmeete wetekahmen ewte jxpe'jya' ãjawa'jsa'. Txã'wẽ yũuçxa i'kwe'sxtxi kĩh pkal yuhwa ji'phmée txajx weçxana ũsnite nuypa'jana. Txãa yuuçxáa jxtuhthesa', maatewa jxthaakwe walasa, kĩhtewa jxuka ãjasa'. Txãa yuuçxáa jxkaahsa'. Sa' Dxus ũsnite i'kwe'sx pa'jya' ãjakahn kwe'sxtxi jxpe'jsa Jesukristo' pu'çxhina. Nyafxiiteywa txã'wẽk pu'çx na' ãçxwa txã'wẽy íiçxáa pu'çxhina, sa' bagaçxtewa pu'çxna nes yuuna.

1 Juan 3:3

Aça' maawa txãa na'wẽy yuu wẽesa' pkal ji'phmée fxi'zena, Jesukristowa ma'wẽ kĩh pkal yuhwa ji'phmeesana txã'wẽy.

Santiago 1:27

Dxus dxi'pte kĩhte yuhwa jxpubamée ew fxi'zesa' na'wẽ yũuwa'ja': Nmi' ji'phmée puuplesatx pu'çxna nxuste fxi'zesatx kvxiisxa'jna luuçx wakçxahtxwa txã'wẽy yũuwa'ja', sa' naa kiwete ewmeesa peekx ũuste khẽewe'sxte wala jxpa'yakxwa'ja'.

1 Pedro 1:23

Txãa pa'gatey i'kwe'sxa' nasa naa kiwete pkalsa ji'jmée, kĩh pkal yuhwa ji'phmeesa ji'ji'kwe yuu. Dxus yuwe bagaçxte yuhwa pçuwa'jsame's wẽse'jçxa i'kwe txã'wẽ yuu. Dxus yuwe' bagaçxte yuhwa pçuwa'jsame'.

1 Juan 2:29

I'kwe'sxa' jiiyã'ji'kwe Jesukristo' kĩhtewa jxuka ew yũusaatewa, aça' maawa txãa na'wẽy kĩhtewa jxuka ew yũuna fxi'zeçxa', Dxus luuçxçxa txã'wẽ yuuna.

San Juan 15:9

Adx Tata' adxa's wala peeygãja'k, aça' adxa' txã'wẽythu i'kwe'sxtxi peeygãja'. Aça' adx peeygãanijũ txutemée meswe.

Apocalipsis 2:13

Dxus dxi'pte i'kwe'sx ma'wẽ fxi'zesatewa jxuka jiith. I'kwe'sxa' eçxthẽ'j jxkaahna ũsni ksxavxyte ũsçxawa, adx tasxu yu' txutemée i'kwe fxi'ze'. Adx kaapiya'jni's pta'sxsa Antipas nakwe wala seena' pxthaa i'kwe'sx ksxavxyte ikhni yuuk txãa enteçxáa yuhwa ũukhçxa adx yase's kxsusmée yu' yuumée i'kwe, kxteek eçxthẽ'j ũsu' nawa.

1 Juan 5:21

Adx luuçxwe'sx, mpa'yajkxwe dxusmeeçxá's yaakxni's.

1 Juan 4:6

Nawa kwe'sxa' Dxus luuçxtha'w, aça' maawa Dxusna jiisa' kwe'sx pta'sxni's nwẽese'je'tx. Nawa Dxus luuçxmeesa', kwe'sx pta'sxni's nwẽese'je'çmeeta'. Kxah kwe'sxa' jiyu'nja'w kim Dxus Espiritu's isa ũuste ji'phtewa, txã'wẽy kim kaypuba'jsatewa.

San Juan 15:7

I'kwe'sxa' adx yakh txutemée fxi'zeçxa adx kaapiya'jni's peçxkanameeçxa', kĩhwa pẽyine'kwe, aça' ya'ũsuna.

San Juan 1:13

Txãa pa'ga txãawe'sxa' naa kiwete neywe'sx kakweju kakwe yakh upxhi'tx neywe'sx jxthãasni txã'wẽsameeta', txãawe'sxa' Dxus luuçx yuuna pa'jsata'.

1 Juan 3:12

Eçxthẽ'j yakh ũssa Kaina' txajx nyakha's ikhku, nawa kwe'sxa' txãa na'wẽy yuuwa'jsameetha'w. ¿Kĩh yuutega ikh wakx? Kain mjĩini' ewmeek yu', aça' nyakh mjĩini' ewsak yu' txãa pa'ga yuuçxáak ikh.

Hechos 11:23

Aça' Bernabea' kxte pa'jçxa' wala weçxak Dxus txã'wẽ pu'çxni's uyçxa. Sa' jxukaytxi yu'kxpejk jxpubamée ew Dxus yakh fxi'zekahn.

San Juan 15:4

Adx yakh txutemée meswe, adxwa ma'wẽ i'kwe'sx yakh txutemée ũstka txã'wẽy. I'kwe'sxa' peekx jii i'kwe: ku'ta çxpiteçxa ũssa' yũnu'çme'. Txã'wẽy i'kwe'sxwa adx yakh txuteeçxa ũsçxa', Dxus dxi'pte selpiiya' ãjameene'kwe.

San Juan 14:30

I'kwe'sx yakh jwee yu' we'wena ũsya' ãjame'nja, txãa pa'gatey naa kiwete jxkaahna ũssa eçxthẽ'ja' adxa's kĩhwa yũuya' ãjane'jmeeçxawa, yuja'.

Santiago 1:18

Txãak kwe'sxtxi peeygãhçxa txajx yuwe isasa's pta'sxçxa ewte fxi'zewa'ja's ũs, kwe'sx nyafxte txãa yakh utxasáa yuukahn.

San Mateo 5:37

Jurãywa'j peejxme', isasa's teeçx jwedçxáa mwe'wewe, jiiçxa' jii íith jĩna, jiimeeçxa' jiimeeth jĩna. Txã'wẽme', ĩsxiina we'wenisa' eçxthẽ'j kwe'we'jni'.

San Mateo 6:13

Ewmeete wetekahmén, meen nwe'we. Txãa pa'gatey idx yuuçxáa kĩhtewa jxuka ãjawa'jsag, sa' bagaçxtewa idx yuuçxáa jxkaahna nes yuuwa'jsag.

1 Juan 5:15

Kwe'sx pxthaa we'weni's Dxusa' wẽse'jna ũstewa ma'wẽ ew jiitka'w txã'wẽy kwe'sx pẽyni's jxpa'gawa'ja'swa ew jiitha'w.

1 Juan 5:19

Kwe'sxa' Dxus luuçx yuhtha'w, nawa naa kiwete nasa jxukaysa Dxusna yajkxmée fxi'zesa' eçxthẽ'j kusetewe'sxta' txã'sa' jiitha'w.

1 Juan 5:20

Jiitha'w Dxus Nçxi'k naa kiwete kĩhçxa', Dxus ĩtxisa's jiyuwa'ja's kwe'sxtxi ũsku. Txãa pa'ga Dxus ĩtxisa Nçxi'k Jesukristo yakh fxi'zena ũstha'w. Txãa Dxus ĩtxisa' bagaçxte yuhwa pçumée ĩtxi fxi'zewa'ja's kwe'sxtxi peessa'.