1 Juan 3:23 - Páez

²³ Dxusa' na'wẽ yũuwa'ja'sku jxkaaja': txajx Nçxi'k Jesukristo's ũuste jxpa'gaçxa, teeçxsa na'wẽçxah puutx ya'peeygãhnak fxi'zekaah.

1 Juan 3:23 Referans Kwoze

San Juan 13:34

I'kwe'sx yakh nvxiituçthu u'se jxkaahnisa's, puutx ya'peeygãhna fxi'zewa'ja's. Adx ma'wẽtka i'kwe'sxtxi peeygãhna fxi'ze', txã'wẽy i'kwe'sxwa puutx ya'peeygãhna mfxi'zewe.

1 Pedro 1:22

Ãçxha' i'kwe'sxa' Dxus Espiritu pu'çxte', isa pta'sxni's wẽse'jçxa', i'kwe'sx ũustxi yaate i'kwe ũusuh jxuka yajkxçxa yakhthẽ'jwe'sxtxi peeygãjxa'. Txã'wẽ yã'jçxa', puutx teeçxsa na'wẽçxah ya'mpeeygãhwe ũusuh jxuka yajkxna.

San Juan 15:12

Adxa' na'wẽth jxkaaja': adx ma'wẽtka i'kwe'sxtxi peeygãja', i'kwe'sxwa txã'wẽy puutx ya'peeygãhna mfxi'zewe.

San Juan 6:29

Jesusa' pta'sxku: —Dxus jxkaahnitxi' kxtey yuu wẽeçxa', adxa's mpa'gawe, adxa' Dxus kaahnisath naa pa'ga jĩk.

1 Pedro 4:8

Nawa i'kwe'sx pwe'sx puutx peeygãawa'ja's wejx jxthaakwe mpa'pçxuwe, txãa pa'gatey peeygãanisa' pkal makwesanawa jxuka kaapeltunaĩ'kh jĩ'k.

1 Juan 3:11

I'kwe'sxa' Kristo kaapiya'jni's iiwẽse'jne'kwe txã' na'wẽk yu': Teeçxsa na'wẽçxah puutx ya'peeygãhnak fxi'zewa'j yu'.

1 Juan 4:21

Dxusa' na'wẽk jxkaaja': Dxusa's peeygãjaççxa', txã'wẽy peekx yakhthẽ'jnawa peeygãawa'ja' jĩ'k.

1 Tesalonicenses 4:9

Yakhthẽ'j pwe'sx puutx ya'peeygãawa'ja's pta'sxna fxi'jwa'j ji'phmeeth, txãa pa'gatey Dxusa' kaapiya'jyã'kh teeçxsa na'wẽçxah puutx ya'peeygãawa'ja's.

Efesios 5:2

Puutx ya'peeygãhna mfxi'zewe, txã'wẽ yũukahníiçxáak Kristowa kwe'sxtxi peeygãhçxa Dxus dxi'pte peekíi ya'dukhçxa piisxakuẽ na'wẽ ikhni yuu.

San Marcos 9:7

Txajũ' tãaph kĩhçxa aphku, aça' tãaph dxiiju na'wẽk we'weni pthũuse: —Na' adx Nçxi'k wala wedxnisa', aça' txã'sa' nwẽesẽ'jna kxtey myuuwe jĩçpkaçxha'

San Mateo 22:39

E'stewe'sxa' txã'wẽydxi'a': Peekíi ma'wẽga ya'peeygãja', txã'wẽy mpeeygãh vxite nasatxwa.

Hechos 16:31

Pablowe'sxa' na'wẽtx pta'sx: —Kwe'sxtxi jxpe'jsa Jesukristo's jxpa'gaçxa yuuçxáa Dxus yakh fxi'zewa'ja's uyuune'ga petx iidx yattewe'sx yã'jçxa jxuka.

San Juan 17:3

Aça' pçuwa'jmée ĩtxi fxi'zewa'ja's ji'phu wẽeçxa', teeçx Dxusçxáa ũsgu txã'sna jiyuwa'j ji'phta', sa' txã'wẽy iidx kaahnisa Jesukristo'swa jiyuwa'j ji'phta'.

San Juan 14:1

Jesusa' na'jĩk: —I'kwe'sx ũuste fxĩikãhna nxusmée meswe. Wejx yuuwa Dxusçxá's yajkxna meswe, sa' adxnawa txã'wẽyçxáa yajkxna meswe.

1 Timoteo 1:15

Kristo Jesus naa kiwete kĩjk pkalsatx nwe'weya' jĩna pta'sxni' ĩsxiinisame', aça' txã'wẽ pta'sxni's nasa jxukaysa isa yuhna sũhwa'j ji'phta'. Nawa maatewa jxthaakwe pkalsa' adxthu yu'.

San Juan 1:12

Makwe txajx ji'j jĩnisa jxpa'gameetewa, maaíi yu' txã's nwẽese'jçxa ũuste jxpa'gatx. Aça' txã'sna jxpa'gasatxi's Dxusa' txajx luuçx yuuwa'ja's ũsku.

San Juan 2:23

Judiuwe'sx fxiesta ente Jesus Jerusalente ũste', nasa wala kuh jiyutx Jesusa' Dxus tasxu yuusatewa, txã'wẽ kim yuhwa ãjãnimeesa's kaavxya'ja'pha'ga.

San Juan 3:18

Maawa Dxus Nçxi'ka's ũuste jxpa'gasa', ewteyã'j neeyũutxna. Nawa txã'wẽ Dxus Nçxi'k teeçxçxáasana ũuste jxpa'gasame', ewmeeteyã'j neeyũuwa'jsata'.

1 Juan 2:7

Adx peeygãanisawe'sx, i'kwe'sxtxi' Dxus jxkaahni u'sesa pta'sxna fxi'jaçmeeth, Dxus jxkaahni nyafxíi pta'sxte iiwẽse'jyã'ji'kwe txãaíiçxá'.

1 Juan 4:15

Maawa Jesusa' Dxus Nçxi'ka' jĩna we'wesa' txã' Dxus yakh ũssaçxa txã'jĩna, aça' Dxuswa txajx ũuste nes yuuna.

1 Juan 5:13

Dxus Nçxi'ka's ũuste jxpa'gasa', pçumée ĩtxi fxi'zewa'ja's ji'phne'tka'w sũhna jiyukahnthu i'kwe'sxtxi pta'sxna fxi'ja'.