1 Juan 1:8 - Páez

⁸ Txã'jĩte', kĩh pkal yuhwa ji'phmeetha'w jĩwá'nja'w na' peekíiçxáa ya'ĩsxiisa yu'nja'w.

1 Juan 1:8 Referans Kwoze

Romanos 3:23

Txã'wẽme' maa yuhwa ewsamée, jxukay pkalsaçxaçxáa yuuna pa'jçxa Dxus tasxte pa'jwa'ja's ji'phmée ũsta'.

Santiago 3:2

Maa yuhwa jiisa yu' meetha'w. Txãasa íitha'w kĩhtewa jxuka jxpuba'. Nawa maawa txajx we'weni's jxpa'yakxya' ãjana txã' ewsaçxah txã'wẽ yuuna. Sa' txã'wẽ yũuçxa', txajx kakwe'swa jxuka neeweya' ãjana.

1 Juan 2:4

Nawa maaíi yu' Dxusa's jiith jĩwáana nawa txajx jxkaahnitx kxtey nwẽese'jsame' txã' ĩsxiisa yuuna.

1 Juan 1:10

Txã'jĩte' kĩh yuhwa ewmée yũusameetha'w jĩ'nja'w na' Dxus we'weçxa': Ewmeesata' jĩçxa' ĩsxiija'k jĩsa yu'nja'w.

Gálatas 6:3

Kĩhtewa jwee yu' thaakwe ewsameeçxa txã'wẽ iiwejçx yajkxçxa', ĩsxiisa yuuna.

Santiago 1:26

Maawa Dxus dxi'pte ewsath sũhçxawa ma'wẽwa we'weni's jxpa'yakxmeeçxa', peekíiçxáa jxpubasáa yuuna. Aça' Dxus dxi'pte ew fxi'zesath sũhni' kxul yuh yuuna.

1 Timoteo 6:5

puiiwa'j pçuwa'jmeek kaseje', txã'wẽ nasa Dxusa's jiimeesawe'sx yakh. Sa' ewmée kaapiya'jsawe'sxa' Dxus yakh fxi'zeni jĩnisa' vxyuu knaynisana sũju'tx. Txã'wẽsa yakha' pkhaakhenu.

1 Corintios 3:18

I'kwe'sxa' maa yuhwa jxpubanuwe, wala jiisatha'w sũhna. Maawa naa kiwetewe'sxa's wala jiisa ũsçxa', jiimeekwesa na'wẽçxáa miiyajkxwe. Txã'wẽ yuuçxáa, wala jiisa yuuna pa'jane'kwe.

2 Juan 1:2

Dxus we'weni isasa' kwe'sx yakh nesku yu', sa' bagaçxtewa kwe'sx ũuste nes yuuna. Txã'wẽ Dxus we'weni isasa's ũuste ji'phçxath i'kwe'sxtxi peeygãja'.

1 Juan 1:6

Aça' maawa Dxus yakh fxi'zena ũsthu jĩçxawa, Dxus jxkaahni's nwẽese'jmée çxhi'dxte fxi'zeçxa', ĩsxiisa yuuna.

Santiago 1:22

Nawa Dxus yuwe ma'wẽ jxkaathe' txã'sa' kxtey myuuwe. Wẽse'jsaçxáa yu' yuunuwe. I'kwe'sxa' jxpubanuwe. Ĩ'neeçxáa wẽse'jnisa' kxulsa'.

2 Timoteo 3:13

Naapkaçxha' ewmeesa ĩsxiisa' jweeíiçxáa ewmée yũuna u'jwetxna, aça' ya'ĩsxiisa' jweeju vxitetxwa ĩsxiina u'jwetxna.

3 Juan 1:3

Idxa' Dxus we'weni isasa's jxpubamée Dxus yakh ew fxi'zeni's yakhthẽ'jwe'sx pa'jçxa pta'sxte', wala weçxath.

2 Pedro 2:13

Vxitetx pkxuupa'ga txãawe'sxwa pkxuuni uutxna. Weeçx weeçxtxi yaaki' naa kiwete pçuwa'jsa yakhçxáa ũsçxawa. Sa' txãawe'sxa' i'kwe'sx yakh ũsçxa', i'kwe'sxtxi kaythame'jna yuwe susnatx fxi'ze' i'kwe'sx pkhaakhenite pa'jçxa.

San Juan 8:44

I'kwe'sx tata', eçxthẽ'ja', aça' i'kwe'sxa' txajx luuçxi'kwe. Txã'wẽçxaíi i'kwe txajx jxthãasni's kxtey yuu wẽje', eçxthẽ'ja' nyafxiitey nasaa kiikhe'jsa' naa pa'ga. Eçxthẽ'ja' bagaçxte yuhwa ewsa's yũ'çme', sa' bagaçxte yuhwa isa we'we'çme'. Txãa yuu txã'wẽesana na' ĩsxiinaçxáak we'we', sa' kaaĩsxiija'jsa'.

Romanos 3:10

Txajíik Dxus librutewa na'wẽ we'we': Teeçxçxáa yuhwa ewsa yu' meeta'.

1 Juan 4:20

Maawa Dxusa's peeygãja'th jĩçxawa yakhthẽ'ja's ahçena fxi'zesa', ĩsxiisa yuuna. Peekx yakhthẽ'j uyna fxi'zenisa's ahçeçxa', ¿ma'wẽ yũuçxa Dxus uynimeesa's peeygãjxa' ãjakx?