1 Juan 1:6 - Páez

⁶ Aça' maawa Dxus yakh fxi'zena ũsthu jĩçxawa, Dxus jxkaahni's nwẽese'jmée çxhi'dxte fxi'zeçxa', ĩsxiisa yuuna.

1 Juan 1:6 Referans Kwoze

1 Juan 4:20

Maawa Dxusa's peeygãja'th jĩçxawa yakhthẽ'ja's ahçena fxi'zesa', ĩsxiisa yuuna. Peekx yakhthẽ'j uyna fxi'zenisa's ahçeçxa', ¿ma'wẽ yũuçxa Dxus uynimeesa's peeygãjxa' ãjakx?

1 Juan 2:4

Nawa maaíi yu' Dxusa's jiith jĩwáana nawa txajx jxkaahnitx kxtey nwẽese'jsame' txã' ĩsxiisa yuuna.

1 Juan 1:10

Txã'jĩte' kĩh yuhwa ewmée yũusameetha'w jĩ'nja'w na' Dxus we'weçxa': Ewmeesata' jĩçxa' ĩsxiija'k jĩsa yu'nja'w.

San Juan 8:12

Ki'kin nasa pkhaakhete', Jesusa' na'jĩnak we'we: —Adxa' eena'te kaafxi'ze'jsath, aça' maawa adx yakh yuusa' eena'te fxi'zewa'ja's ji'phutxna, sa' bagaçxte yuhwa çxhi'dxte fxi'zemeetxna.

San Juan 12:35

Jesusa' na'jĩnak pas: —Eena'sa' i'kwe'sx yakh nee ũsuna, nawa maz ençxáa ũsuna. Txã'wẽte' eena'te fxi'zewa'ja's mpa'gawe, eena'sa nee ũsiyna, kxah çxhi'dxsa' i'kwe'sxtxi kpajkxmeena. Txã'wẽme', çxhi'dxte u'jusa' maa dxi'j ewsatewa jiyuya' ãjã'çme'.

Santiago 2:14

Adx yakhthẽ'jwe'sx miiyajkxwe: Maawa Dxus yakh fxi'zesath jĩçxawa ew yũuna fxi'zeni yakh kaavxya'ja'jmeete', txã'wẽ yuwejuçxáa we'weniçxáa ¿seelpimanx?

San Juan 12:46

Adxa' nasatx eena'te kaafxi'ze'jya'th kĩh, kxah adxna ũuste jxpa'gasa' çxhi'dxte neeyũumeetxna.

1 Juan 1:3

Kwe'sx wẽse'jçxa yafxjuwa uyni's ãate pta'sxiçtha'w, i'kwe'sxwa kwe'sx yakh utxaaçxa fxi'zekahn, kwe'sxwa ma'wẽtka'w Dxus kwe'sx Tata yakh vxite' Nçxi'k Jesukristo yakh utxaaçxa fxi'ze' txã'wẽy.

San Juan 11:10

Nawa kus u'juçxa', yu'spẽ'thetxna, eena' kweethnite u'jupa'gamée.

Santiago 2:18

Nawa na'jĩwáatxna: Idxa' Dxus yakh fxi'zesaçxa', ¿ma'wẽ kaajiyu'juki'g Dxus yakh yuh fxi'zesan sũjkahn? Aça' kĩhwa yũumeeçxawa mkaajiyu'j aan ãjane'ga. Aça' adxa' ew yũuna pu'çxnisa yakhçxáa Dxus yakh fxi'zeni's ãate kaavxya'ja'jya' ãja'nja jĩtxna.

1 Juan 1:8

Txã'jĩte', kĩh pkal yuhwa ji'phmeetha'w jĩwá'nja'w na' peekíiçxáa ya'ĩsxiisa yu'nja'w.

Santiago 2:16

aça' txã'wẽsa's i'kwe'sxa' uyçxa': Pxthaaga yuuna fxi'ze'. Nawa ãçxha' wẽemée kumamée ew mfxi'ze jĩçxawa, txajx kakwete peejini's kĩhçxáawa kaatu'jmeeçxa yuwejuçxáa txã'jĩni' ¿kĩhçxá' selpiima'k?

San Mateo 7:22

Txãasa cielute u'kawa'j en ãhte', wala yuh maawa adxa's na'jĩtxna: Kwe'sxtxi jxpe'jsa mwẽese'j: Kwe'sxa' iidx yuwe's pta'sxtha'w, sa' iidx yase's kxsusçxa eçxthẽ'jtxwa kutxi'tha'w, sa' kim yuhwa ãjanimeesa'swa kaavxya'ja'tha'w maz uswa jĩtxna.

1 Timoteo 4:2

Txãa nasa ĩsxiina kaapiya'jsa' yuwejuçxáa ew we'weçxa', ũuste yu' eçx jxkaahniçxá's nwẽese'jna ewsa yu's nwẽese'jsame'

San Juan 8:55

Nawa i'kwe'sxa' txãa Dxusa's jii yuuwa meei'kwe. Nawa adxa' txã'sa' ew jiith. Txã'wẽ txã'sa' ew jiiçxa jiimeeth jĩ'nja na', i'kwe'sx na'wẽy ĩisxihsa yu'nja. Nawa adxa' ĩsxiimée Dxusa's jiith, sa' txajx jxkaahni's kxteythu yu'.