1 Corintios 8:4 - Páez

⁴ Txã'wẽ dxus ĩtximeesatx weçxaya' tajkx ikhnisa çxiçxa's ũ'te ¿ewmée dxihmanx? Ew ũus miiyajkxwe. Txãa dxus ĩtximeesa' naa kiwete kĩh yuhwa meesata', naasáa teeçx Dxus yuuçxáa ĩtxisa ũsa', peena vxite yu' meeta'.

1 Corintios 8:4 Referans Kwoze

1 Timoteo 2:5

Txã'wẽme', ewte nvxiitwa'jsa' teeçx Dxus yuuçxáa ũsa', aça' txã'wẽy Dxus dxi'pte nasaa ju'gu yuuçxa we'we pu'çxsawa teeçx íiçxáa ũsa', txã' Jesukristo' kwe'sx kakwe's íiçxáa ji'phsa.

Efesios 4:6

Sa' teeçx Dxusçxáa ũsa' jxukaysate Tata txã' maatewa puutejka walasa' jxukaysatx jxkaahsa, sa' jxukaysa yakh ũsa'.

San Marcos 12:29

Jesusa' pta'sxku: —Dxus ley maatewa jxthaakwesa nyafxtewe'sxa' na'wẽ': Israelwe'sx, mwẽesẽ'jwe: Kwe'sxtxi taki'sa Dxusa' teeçx yuuçxá'.

1 Corintios 8:10

Meeçxawa na'wẽ wáa yuune'ga: dxus ĩtximeesatx weçxanisa çxiçx txweyni's wáa ũ'ya' kaçxhiine'ga, aça' Dxusa's açxamée ew jiisa uyçxa', txãawa txã'wẽy ũ'wena.

1 Corintios 8:1

Ãçxha' Dxus ĩtximeesa ũsta' txãatx weçxaawa'j tajkx ikhnisa's pta'sxya'wath. Txãa çxiçxa' kĩhwa suwwa'jsameetewa txã'sa' ew jiitha'w kwe'sxa'. Nawa txã'wẽ jiith sũhnisa' weeçx we'wewa'jçxáak kaseje', aça' puutx ya'peeygãhna Dxus yakh çxhãçxha fxi'zewa'j yu' ya'ji'phu'çme'.

Hechos 19:26

Nawa i'kwe'sxa' iiwẽse'jne'kwe Pablo jĩnisa' naa çxhab Efxesoteçxáamée, Asia kiwete msuuwa nasatxi' jxuka txajx ju'gu tuphiça', txã'wẽ piçthẽ'jwe'sx pheu'jni dxusa' ĩtximeesata' jĩçxa.

Hechos 14:15

—I'kwe'sxa' ¿kĩjxa'kwe txã'wẽ yũ'? Kwe'sxa' nasa i'kwe'sx na'wẽysa íiçxáatha'w. Sa' txã'wẽ yũuna fxi'zenisa' seelpimeesa' naa pa'ga nvxihtçxa Dxus ĩtxĩsa cielu's pheu'kh, kiwe, ĩkh wala kxte kĩhçxah ũstxna txãatx jxuka txã'snaçxáa selpiina neewe'wewa'ja' jĩna pta'sxya' yuusaçxáatha'w.

1 Timoteo 1:17

Txãa pa'ga bagaçxtewa weçxana nes yuuwa'j ji'ptha'w jxkaahsa pçuwa'jsame's. Txã' kwe'sx yafxte vxyaasame', nawa bagaçxte yuhwa pçuwa'jsawame'. Dxus txãa yuuçxáa kĩhte yuhwa sxiigwa'jsame'.

Hechos 15:20

naasáa na'wẽ pta'sxna fxi'theçxáa ewna: Naa kiwega dxus ĩtximeesa's weçxaya' tajkx ikhni çxiçxa's ũ'wa'jme'. Sa' ptammeesa pkal yuuna fxi'zewa'jme'. Txã'wẽy tajkxnawa thukçxa ikhnisa çxiçxa's ũ'wa'jme', eenawa ũ'wa'jme'.

1 Corintios 8:11

Aça' iidxpa'gaçxáa Dxusa's açxamée ew jiisa iidx yakhthẽ'j ũusa' vxituna, txajx pa'gate makwe Kristo uutewa.

Gálatas 4:8

I'kwe'sxa' nyafxíi yu' Dxusa's jiimeeçxa', Dxusmeeçxáatx i'kwe selpiina fxi'zesa yu'.