1 Corintios 2:8 - Páez

⁸ Txã'sa' naa kiwete ne'jwe'sx kim yuhwa jiyumeeta'. Jiyuwaça', kluuskhẽ ki'pçxa ikhwa'jmée ne'ta yu' kwe'sxtxi jxpe'jsa cielujũwe'sxa's.

1 Corintios 2:8 Referans Kwoze

Santiago 2:1

Adx yakhthẽ'jwe'sx i'kwe'sxa' Jesukristo txakwe ewsana ũuste jxpa'gayã'jçxa', nasa maatxwa puutx ja'daçxah txãa na'wẽçxaçxáa ew yũuwa'j ji'phi'kwe.

Hechos 13:27

Nawa Jerusalente ũssa vxite' txãawe'sx npiiçthẽ'jsawa jiyumeeta' Jesusa' kimtewa. Sa' Dxus yuwe pta'sxsa fxi'jni'swa jiyumeeta' pkhaakheni yat-su jxkaase een isa lẽeyçxawa. Sa' txãawe'sxíiçxáa Jesusa's ewmeete nvxihtçxa', Dxus yuwe pta'sxsa fxi'jni txãawe'sx lẽeyni's kxtey yuutx.

Hechos 7:2

Estebana' pta'sxya' takhku: —Yakhthẽ'jwe'sx, na's mwẽese'jwe: Kwe'sx Dxus cielutewe'sxa' yaçgathẽ'j Abrahana's vxyaak Harán kiwete u'pxa' u'jmey nee Mesopotamia kiwete ũsiyna.

1 Corintios 2:6

Txã'wẽçxawa, Dxusna ew yã'j jiisa yakh yu' txã'wẽ we'weni' seena' yuh jiisa we'wenisata'. Nawa txã'wẽ we'weni' naa kiwetewe'sxmeeta', sa' naa kiwete ne'jwe'sx skhẽwwa'jsa ũsta' wala jiisa txãawe'sx we'weniwa meeta',

1 Timoteo 1:13

Adxa' nyafxíi yu' ahçeçxa wẽesxuuna pkxuuya' pakwesaath yu'. Nawa Dxusa' adxa's peeygãhçxa jxpa'gak, jiimeeçxane'tka txã'wẽ yũuna ũsu' naa pa'ga.

2 Corintios 3:14

Sa' Moisesa' kĩh yuukahn txã'wẽ yaaphtewa Israelwe'sxa' jiyumeeta'. Sa' ãçxh pa'jwa aphni ũsna jiyukahmen, txãa pa'gatx txãa leya's lẽeyçxawa jiyu'çmée. Aça' txãa aphnisa's Kristo's pi'kxçxa yuuçxáa phaadeya' ya'ãjana.

San Juan 16:3

Txãa açesawe'sxa' adx Tata's jiimeeta', sa' adxnawa jiimeeta', txãasa txã'wẽ pkxuutxna.

San Juan 8:19

Txã'jĩte', fxariseowe'sxa' na'jĩtx: —Iidx Tata' ¿mtee ũsna? jĩte', Jesus pasçxa': —I'kwe'sxa' adxa's jiyu'çmeei'kwe, sa' adx Tatanawa jiyu'çmeei'kwe. Adx kimtewa jiyuwaça', adx Tatanawa jiyune'kwe jĩnak pta'sx.

San Juan 7:48

¿Kwe'sx npiiçthẽ'jwe'sx meeçxawa fxariseowe'sx maaçxá' txãa piçthẽ'j kaapiya'jni's jxpa'gaçxa ũste i'kwe'sxa' jiikwe'?

San Mateo 11:25

Txãa ensu' Jesusa' na'jĩnak Dxus yakh puutx we'we: —Tata, cielute vxite' naa kiwete jxkaahsa idxa' txakwe wala kĩhtewa jxuka jiisawe'sx yuutxi' kaajiyu'jmeeçxawa, pxthaa ãhmeekwesa yuutxi' kaajiyu'jg, txãa pa'gath txakwe wala weçxá' idxa's.

San Lucas 23:34

Txã'wẽ kluuste fxuçuçte', Jesusa' na'jĩnak we'we: —Tata, meen peltunaĩ adxa's açesawe'sxtxi. Txãawe'sxa' jiimeeçxatx txã'wẽ yũ' jĩk. Txajũ' soldauwe'sxa' swerte kaahtx, Jesus athni ropa's maa soldau knaytewa jiyuya'.

San Mateo 13:22

Skuutxh fxiw çhũçh ksxavxysu ũsxisa' Dxus yuwe's wẽse'jçxawa naa kiwetewe'sxçxá's wejx wala yajkxna ji'phunisaçxá's pa'pçxusa na'wẽsata'. Aça' txã'wẽsaçxá's wejx wala yajkxte', txãaçxáa jxuka knayu'k Dxus yuwe yu'sa' kaapeçxkana'jna.

1 Corintios 1:20

Txã'wẽ' aça' naa kiwetewe'sxçxá's jiyuni' ¿kĩhte selpiikx? Kĩhtewa jxuka jiisa kaapiya'jsatha'w sũhsa' ¿mtee yuutxki? Naa kiwete kĩh ũsna txã'sna jxuka jiisathẽ'j ¿kĩh yuukx? Ãçxha' txã' ¿kĩhteçxá' selpiima'k? Naa kiwetewe'sxçxá's jiyunisa's kĩhtewa seelpimeek vxit Dxusa'.

Efesios 1:17

Sa' kwe'sxtxi nwe'wesa Jesukristo Tata cielutewe'sxa's pẽyi'th, txãa yakh jweeíiçxáa ew fxi'zewa'ja's kaajiyu'khan,

Efesios 4:18

Txã'wẽ Dxusa's jxpa'gaya' wa'lpa'ga Dxus yakhmée ũsçxa ew eena' yaakxwa'j yu'sa' ji'phmeeta'.