1 Corintios 2:14 - Páez

¹⁴ Nawa Dxus Espiritu's ũuste ji'phmeesa' Dxus Espiritu we'weni's jiyuya' ãjameetxna. Txã'wẽsa yakha' jiimeekwesa we'weni na'wẽçxáa pthũusena. Dxus we'wenitxi' Dxus Espiritu yakhçxáa ya'jiyuna, txãa pa'ga Dxus Espiritu yakhmée yu' jiyuya' ãjameetxna. Dxus yaakxnitxi' Dxus Espiritu yakhçxáa jiyuya' ãjatxna.

1 Corintios 2:14 Referans Kwoze

1 Corintios 1:18

Kristo' kwe'sx pa'gate kluuste uuk jĩna pta'sxni' kĩhwa seelpimeesa na'wẽ ne' pthũuse' vxituçxa nxus kiwete u'jwa'jsatxi'. Nawa Dxus yakh ũsya' u'jwa'jsa kwe'sx yuutxi' txã'wẽ pta'sxni' seena' wala seelpisa', kwe'sxtxi ewte nvxiitwa'jsa' naa pa'ga.

1 Juan 2:27

Nawa i'kwe'sxa' Dxus Espiritu's ũuste ji'phi'kwe na' maa ĩsxiinisana aça' vxite' maa isasatewa thẽymée jiyune'kwe, txãa pa'gatey Dxus Espiritu' kĩhtewa jxukak kaajiyu'ju', sa' txajx kaapiya'jni' ĩsxiinisameeta'. Txã'wẽ jiyuçxa', Kristo yakh txutemée fxi'zene'kwe.

1 Corintios 15:46

Nawa nyafxte kakwe' Dxus tasxte fxi'zewa'jsa yu'çme'. Nyafxtewe'sxa' naa kiwete fxi'zeni kakweçxáak yu', naapkaçxha' nmehte kakwe' Dxus tasxte fxi'zewa'jsa'.

Judas 1:19

Txãawe'sx txã'wẽ nasatx kaapui'jsa yuutxna, txãawe'sx ũus yaakxni ewmeesa's nwẽese'jsa, Dxus Espiritu yu's ũuste ji'phmeesa.

Santiago 3:15

Txã'wẽ ewmée yũuwa'jçxáa ũusuthenisa' Dxus kaaũusuthe'jnime'. Naa kiwetewe'sx peekx i'kwe'sx ũus yaakxnisaçxá' eçxthẽ'j kaaũusuthe'jnisa.

1 Juan 2:20

Nawa i'kwe'sxa' Dxus Espiritu's ũuste ji'phi'kwe, txãasa maa isasatewa txã'sa' jxpubawa'jsamée i'kwe.

1 Corintios 15:44

Naa kiwete fxi'zeni kakwe' vxite', aça' Dxus tasxte fxi'zewa'j kakwewa vxite'. Txãa pa'ga kakwe naa kiwetewe'sxa's ya'peda'k, naapkaçxha' ki' ĩtxi yuusáa kakwe' Dxus tasxte ũswa'jsa'.

1 Corintios 2:12

Kwe'sxa' naa kiwetewe'sxa's jiyunisa's jxpa'gaçxa ũsmeetha'w. Dxus Espiritu txajx tasxu yuusa'stha'w jxpa'ga, Dxus peeygãhçxa kwe'sxtxi ew yũuk txãatx jxuka jiyuya'.

San Juan 12:37

Kim yuhwa ãjanimeesa's txakwe wala kaavxya'ja'thewa, nasa' jiyuya' ãja'çmeeta' Jesus kimtewa.

San Juan 5:44

¿Ma'wẽ yũuçxa adxa's jxpa'gaya' ãjaki'kwe, nasaa pwe'sx puutx ew tuuthe'jniçxáana jxthãasçxa, Dxus teeçxçxáasa tuuthe'jni yu'sa' jxpa'gameeçxa'?

San Mateo 16:23

Jesusa' yu'thegçxa na'wẽk we'we Pedro's: —Eçxthẽ'j, adx tasxuh mtxutée. Idxa' suw wẽenaçxáa ũsgu. Dxus jxthãasni yu'sa' kxtey yuumée, naa kiwega nasaa yaakxniçxá'sgu kxtey yuu wẽje'.

San Juan 14:26

Nawa Dxus Espiritu's Tata' kajana adx na'wẽy i'kwe'sxtxi pu'çxna ũskahn txã' jxuka kaapiya'jana. Sa' na'wẽ kĩhwa pta'sxthu txãatxi'sa' jxuka kaayaki'jina.

Hechos 16:14

Aça' kxte pkhaakhesa teeçxsa' Lidiak yaase yu', Tiatira çxhabuwe'sx, tela zhiçxkwesatx txweysáa. Txãa u'ya' Dxusna nwẽese'jsak txã'wẽ Pablo pta'sxni's wẽse'jna u'pu'. Aça' Dxusa' txajx ũuste kaajiyu'kh Pablo pta'sxni's.

San Juan 8:43

Na'swa adx kaapiya'jni's jiyu'çmeei'kwe, txã'wẽ adx we'weni's nwẽese'je'çmeei'kwe, txãasa i'kwe jiyu'çmée.

1 Corintios 1:23

Nawa kwe'sxa' Kristo's kluuskhẽ ki'pçxa ikhniçxá'stha'w pta'sxi'. Judiuwe'sxa' txã'wẽ pta'sxni'stxi jxpuba', naapkaçxha' griegowe'sx yuutxi'sa' kĩhtewa seelpimée luuku we'weni na'wẽ ne' pthũuse'.

1 Juan 5:20

Jiitha'w Dxus Nçxi'k naa kiwete kĩhçxa', Dxus ĩtxisa's jiyuwa'ja's kwe'sxtxi ũsku. Txãa pa'ga Dxus ĩtxisa Nçxi'k Jesukristo yakh fxi'zena ũstha'w. Txãa Dxus ĩtxisa' bagaçxte yuhwa pçumée ĩtxi fxi'zewa'ja's kwe'sxtxi peessa'.

Hechos 25:19

Txãa piçthẽ'ja's açesawe'sxa' txãawe'sx Dxusa's neewe'wena fxi'zeni vxite' teeçx piçthẽ'j Jesus yaasesa uuçxawa ki' ĩtxi yuuk jĩna Pablo pta'sxni'sçxáatx we'we.

San Juan 15:26

Nawa i'kwe'sxtxi pu'çxwa'jsa Dxus Espiritu isa ew kaajiyu'jwa'jsa's adx Tata tasxu kaja'nja txã' adx kimtewa ew kaajiyu'juna.

Hechos 18:15

Nawa i'kwe'sx pwe'sx fxi'zeni leyçxá' aça' txã'sa' i'kwe'sx pwe'sx mpheu'jwe. Adxa' txãasu' thegu ji'phmeeth jĩçxa,

Hechos 17:32

Txã'wẽ uuçxawa ki' ĩtxi yuuk jĩni's wẽse'jçxa', maaíi yu' weeçxtxi, naapkaçxha' vxite we'weçxa': —Vxite enkhẽ ki' pta'sxine'ga, txagaçx ki' wẽse'je'nja'w jĩ'tx.

San Juan 10:20

Maaíi yu' na'wẽtx ũusçxawe'we': —¿Kĩjxa'kwe nwẽese'je' eçxthẽ'j yakh ũsçxa luuku we'weni's? jĩ'tx.

Hechos 17:18

Txajũ' kxte epikúreo kaapiya'jni's piyana ũssawe'sx vxite' estóiko kaapiya'jni's piyana ũssawe'sx piçthẽ'ja' Pablo yakh puutx we'wetx, naapkaçxha' maaíi yu' na'jĩnatx we'we' txãawe'sx pwe'sx: —Naa thẽ'ja' ¿kĩjki'k txakwe wala we'we'? jĩ'tx. Naapkaçxha' vxite we'weçxa': —Dxus jiyunimeesatx kxsusnak pta'sxi' jĩ'tx. Pablo' Jesus uuçxa ki' ĩtxĩ yuuni's pta'sxpa'gatx txã'jĩna we'we'.

San Juan 14:17

Naa kiwetewe'sxa' txãa Espiritu's uyya' ãjameeçxa' jiyuya'wa ãjameetxna, txãasa jxpa'gaya'wa ãjameetxna. Nawa i'kwe'sxa' jii yã'ji'kwe, txãa Espiritu i'kwe'sx yakh ũstewa, sa' bagaçxtewa txutemée nes yuuna.

1 Corintios 1:21

Dxusa' jiyuk naa kiwetewe'sxçxá's jxuka jiyusa' Dxusa's jiyuya' ãjawa'jmeesatewa. Txãasak kĩhtewa jiimeeçxawa txã'sna ũusuh jxuka yajkxçxa txajx pta'sxni's wa'lmée jxpa'gateçxáa nwe'wewa'ja's vxit, makwe txajx pta'sxni' vxite yakh yu' seelpimée na'wẽtewa.

1 Corintios 1:25

Naa kiwete nasa jiisa ũstxna txãawe'sx yakh yu', Dxus jiimeesa na'wẽsaçxawa, txãawe'sxte jxthaakwe jiisa' Dxusa'. Aça' Dxus çxhãçxhameeçxa ãjasamée na'wẽsaçxawa, nasa naa kiwetewe'sxte jxthaakwe çxhãçxhasa'.

1 Corintios 3:1

Yakhthẽ'jwe'sx, makwe wala jiisa ne'kwe nawa Dxusa's ew jiisa yakh na'wẽ yu' we'weya' ãjameeth, Dxusa's kĩh yuhwa jiimeesa yakh na'wẽçxáath we'weya' ãja. Kristo kaapiya'jni yu's kĩh yuhwa jiimée luuçx le'çxkwe na'wẽçxáa i'kwe.