1 Corintios 15:34 - Páez

³⁴ I'kwe'sxa' jxpubamée fxi'zenite sxawedçxa, peena yu' pkalte fxi'zenuwe. Txã'wẽ yũumeeçxa' i'kwe'sx maaíi yu' ãçxpa'jwa Dxusa's jiimeei'kwe. Txã'wẽth ãate we'we' thaameçxa jxpa'yakx fxi'zekahn.

1 Corintios 15:34 Referans Kwoze

1 Corintios 6:5

Na'wẽth we'we' i'kwe'sx thaamekahn: ¿Yakhthẽ'jwe'sx pwe'sx yuwe susni's pheu'jwa'jsa teeçxçxáawa jiisameewáana açne'kwe txã'wẽ vxitetx pi'kxya' u'jwe'?

Romanos 13:11

Txã'wẽ peeygãawa'ja's jxpa'yakxmeene'kwe aça' ãçxha' jweeíiçxáa utxaana u'jweça' kwe'sxtxi jxukate nwe'wewa'j ena', txãa pa'ga jxpa'yakx meswe.

Efesios 5:14

Txã'sna we'weçxak na'jĩ': Jxpa'yakxmeeg fxi'ze', miiyajkx. Sa' pkalte uuníi na'wẽ fxi'zenijũ mkaaseh, Aça' Kristo' eena'te kaafxi'ze'jena jĩ'k.

1 Corintios 8:7

Aça' txãa yakh ũssa yakha' çxiçx txã'wẽsa's ũ'tewa, kĩh yuhwa suwwa'jsameetewa txã'sa' jiimeeta' jxuka yu'. Txãasatx naa kiwete dxus ĩtximeesatx nyafxíi neewe'wesawe'sx Dxusa's açxamée ew jiisa' çxiçx txã'wẽsa's ũ'te', ewmeena sũju'.

Romanos 1:28

Txã'wẽ Dxusa's nwẽese'jya' wa'lyã'the', Dxusa' pu'çxmée nvxihtku, txãawe'sx kazx yaakxniçxá's nwẽese'jçxa peekx ma'wẽwa ewmée yũuna fxi'zekahn.

San Juan 8:11

txãa u'ya' na'jĩnak pas: —Maa yuhwa ãjãmeeta' jĩte', Jesusa' na'jĩk: —Adxwa i'kwe's ewmeete nvxihtme'nja. Me'jwe, nawa peena yu' ewmée yũuna u'junuwe jĩk.

San Juan 5:14

Txãa e'su' Jesusa' dxuus yatte txãa piçthẽ'j katxhisa's puutx uyçxa', na'jĩk: —Ãçxha' katxhgu neeyũu na', naa weete jxthaakwe nxussa pa'khamen pa'yajkx mfxi'ze, ewmée yũuna u'jumée jĩte',

1 Tesalonicenses 4:5

Dxusna jiimeesa na'wẽ kazx ewmée yajkxna yu' fxi'zenuwe.

San Mateo 22:29

Jesusa' na'wẽk pta'sx: —I'kwe'sxa' Dxus librute fxi'jni ũsa' txã' isa yuhna sũju'çmeei'kwe, sa' Dxusa' kĩjxa'wa jxuka ãjana sũju'çwameei'kwe. Txãasa jxpubana ũsi'kwe.

Hechos 26:8

Dxusa' txã'wẽ uusaawe'sxtxi ĩtxi vxituna ¿sũju'çmeekwe' wakx i'kwe'sxwa?

1 Corintios 4:14

I'kwe'sx thaamekahn txã'wẽ fxi'jaçmeeth, wejxwa adx luuçx wedxnisa na'wẽ yu'kxpehnaçxáath fxi'ja'.