1 Corintios 14:12 - Páez

¹² Txãa pa'ga i'kwe'sxa' nakwe wala kĩjxa'wa ãjawa'ja's pakwe'i'kwe na' Dxus luuçxtxi kçxhãaçxha'jwa'jsaçxá's mpaakwewe.

1 Corintios 14:12 Referans Kwoze

1 Corintios 14:26

Txã'wẽ yã'the', na'wẽ myũuwe yakhthẽ'jwe'sx: i'kwe'sx yakh pkhaakhena ũssa maaíi yu' Dxusa's weçxana memwa'j wáa ji'phtxna, vxite' kaapiya'jwa'j wáa ji'phtxna, meeçxawa Dxus we'weni's wáa kaajiyu'jwa'j ji'phtxna. Naapkaçxha' vxite' yuwe fxiysaju wáa Dxusa's weçxawa'j ji'phtxna, meeçxa' txãa yuwe fxiysaju we'weni's wáa ãate pta'sxwa'jsa ũstxna, aça' txã'wẽ yũutewa, ew yuhna Dxus luuçxtxi selpiwa'jsate yu'.

1 Corintios 14:1

Nyafxte' peeygãawa'ja's khuẽ'y wejx thaakwe mpa'pçxuwe. Txãa e'su mpaakwewe ma'wẽ selpiwa'ja'swa Dxus Espiritu ũsu'k txãatx. Nawa i'kwe'sxtxi Dxus we'weni's pta'sxya' ãjanisaçxáa wejx seelpisa'.

1 Corintios 12:31

Selpiiya' ãjawa'j maaçxah wejx thaakwe peejxsatxna txãatx mpaakwewe. Nawa adxa' txãate jweeíiçxáa thaakwe peejxsa's pta'sxya'wath.

1 Corintios 12:7

Nasa iisa fxiyfxiy selpiwa'ja's Dxus Espiritu' jxukaysatx peesu'sku, nasaa nwe'sxtxi pu'çxna fxi'zekahn.

Tito 2:14

Txãa Jesukristo' kĩh ewmeejũwa kwe'sxtxi nwe'weçxa jxuka pkaltxi yaateçxa jxukate txãa jĩi vxit-ya' kwe'sx pa'gate uuk. Ewsa yuuçxá's jxuka kxtey yuu jxthãasçxak txã'wẽ yũu.

Romanos 14:19

Txã'wẽ puutx ew yũuna puiimée fxi'zewa'jçxá's pakwewa'j ji'ptha'w, Dxus yakh jweeíiçxáa çxhãçxha fxi'zewa'ja's puutx ya'pu'çxna.

1 Corintios 14:5

Yuwe fxiysaju we'weya' jxukaysa ãjawaça', wala yuh ewna sũju'th adxa'. Nawa Dxus we'weni's vxitetx ãate pta'sxya' ãjani'sthu wejx thaakwe jxthãasu'. Txã'wẽ yũunisaçxáa thaakwe ewsa'. Meeçxa' txã'wẽ yuwe fxiysaju we'wesa ũste', pukate vxite ãate kaajiyu'the yu' ew yuhna, txã'wẽ yu' Dxus luuçx jiyutxna Dxus yakh çxhãçxha fxi'zewa'ja's.

1 Corintios 14:13

Txã'wẽ yã'the', yuwe fxiysajuçxáa we'wesa' Dxusa's mpi'kxwe txãa yuwe fxiysaju we'weni's nasatx ãate kaajiyu'jya' ãjaya'.