1 Corintios 14:1 - Páez

¹ Nyafxte' peeygãawa'ja's khuẽ'y wejx thaakwe mpa'pçxuwe. Txãa e'su mpaakwewe ma'wẽ selpiwa'ja'swa Dxus Espiritu ũsu'k txãatx. Nawa i'kwe'sxtxi Dxus we'weni's pta'sxya' ãjanisaçxáa wejx seelpisa'.

1 Corintios 14:1 Referans Kwoze

1 Corintios 14:39

Yakhthẽ'jwe'sx, na'wẽ myũuwe: Dxus we'weni's ãate pta'sxwa'jçxá's wejx miiyajkxwe. Nawa yuwe fxiysaju we'weni's yup yu' meeçxawa,

Hebreos 12:14

Jxukaysa yakh ew fxi'zewa'jçxá's pa'pçxuna meswe, pkalte fxi'zemée. Txã'wẽ pkalte fxi'zeçxa', kim yuhwa Dxusa's uyya' ãjameena.

1 Timoteo 4:14

Idx kĩhtewa sxiigmée ãjawa'ja's Dxusa' ũsku ancianowe'sx idxa's peekizeçxa Dxus yakh puutx we'wete txãatxi' ivxiituya'mée wala mpa'yajkx.

1 Corintios 16:14

Kĩh yũuççxawa peeygãawa'ja's yuuçxáa yajkxna txã'wẽ myũuwe.

1 Corintios 12:1

Na'wẽ Dxus Espiritu' nasa iisa fxiyfxiyçxah Dxusa's selpiiya' ãjawa'ja's ũsu'k txã'sna pta'sxya'wath, aça' yakhthẽ'jwe'sx jxpa'yakx mwẽese'jwe.

1 Corintios 13:13

Khĩ'jíi pta'sxthu txãaçxáa pçuute', na'wẽsa tekh ũsta' txãa yu' bagaçxte yuhwa skhẽwwa'jsameeta': Dxusa' pu'çxhina sũhna yaakxnisa, vxite' Dxus yakh puutx uywa'ja's ũythasna fxi'zenisa, vxite' peeygãhna fxi'zenisa. Nawa txãa tekhsatx kxsusthu txãate thaakwesa' peeygãhna fxi'zenisa'.

1 Tesalonicenses 5:20

Dxus kaaũusuthe'jni's pta'sxni's weeçxnuwe.

1 Timoteo 6:11

Nawa idxa' Dxusna nwẽese'jsag naa pa'ga txãa ewmeejũ jxuka txuteeçxa kĩhte yuhwa jxpubamée Dxusçxáana yajkxna vxitetx peeygãhna thẽysa pa'thewa txãatxi' yajkxmée ũusuh jxuka manvxiht ewmeesa's.

1 Corintios 14:37

Na'wẽ we'wena fxi'jaçthu txã' Dxus jxkaahnita', aça' Dxus we'weni's jiyusa ũswá'kwe meeçxa' Dxus Espiritu kaaũusuthe'jni's jxpa'gasa ũsçxa', peekx mjiyuwe.

1 Timoteo 5:10

Txãawe'sxa' bagaçxtewa ew fxi'zesa yuutxna na'wẽ yũuna: luuçx ji'phsaçxa' txãatx ew jxpe'jsa yuutxna, yatte pa'jsatx jxpa'gasa yuutxna, yakhthẽ'jwe'sxtxi peeygãhna pu'çxsa yuutxna, nxuste pxthaa yuusatx pu'çxsa yuutxna, kĩhtewa jxuka ewçxáa yũuna fxi'zesaçxáatx pu'çxwa'ja'.

Efesios 1:3

Kwe'sxtxi jxpe'jsa Jesukristo Tata's wala yuh weçxawa'j ji'ptha'w. Kwe'sxa' Kristo yakh utxaapa'ga kĩh yuhwa peejxmée jxukak txajx dxi'pte jxpubamée fxi'zewa'ja's nvxiht cielutewe'sx yuuwa'ja's.

1 Corintios 12:31

Selpiiya' ãjawa'j maaçxah wejx thaakwe peejxsatxna txãatx mpaakwewe. Nawa adxa' txãate jweeíiçxáa thaakwe peejxsa's pta'sxya'wath.

3 Juan 1:11

Yakhthẽ'j peeygãanisa, ewmeesa na'wẽy yu' fxi'zewa'jme', naasáa ewsa ma'wẽ fxi'zeçte', txã'wẽ yuuçxáa fxi'zewa'ja'. Ew yũuna fxi'zesa' Dxus yakh fxi'zesa'. Nawa ewmée yũusa', Dxus yakhmée fxi'zesaçxa txã'wẽ yuuna.

2 Pedro 1:7

Dxusa'sçxáa neewe'wena fxi'zewa'ja's ji'phuçxa', yakhthẽ'jwe'sx yakh ewçxáa wẽt fxi'zewa'ja's mpaakwewe. Txã'wẽsa's ji'phuçxa', peeygãawa'ja's mji'phuwe.

Romanos 12:6

Kwe'sx selpiiya' ãjawa'ja's Dxusa' fxiyfxiyçxajk ũs, kĩhteçxah selpiiya' ãjawa'jsa ne'tka'w yu' txãa yu'sa' jxukak ũs. Aça' txãatxi' wala jxpa'yakx iijxũwa'j ji'ptha'w. Meeçxawa Dxusa' txajx yuwe's pta'sxya' ãjawa'ja's ũste', txajx kaajiyu'jniçxá's kxtey yuuwa'j ji'ptha'w.

2 Timoteo 2:22

Idxa' piçtakxwe'sx ewmée yajkxna fxi'zenijũ txuteeçxa kĩhte yuhwa jxpubamée ewçxáa mfxi'ze, Dxusçxáana yajkxna, maa yakhwa ewçxáa fxi'zena peeygãhna Dxusa's ũusuh jxuka neewe'wesawe'sx yakh utxaaçxa.

Romanos 9:30

Ãçxha' na'wẽ yũuni's miiyajkxwe: Judiu ji'jmée vxite nasa' yuuwemeesa yuuwa'ja's pakwesameeçxawa, Kristo's ũuste wa'lmée jxpa'gasa yuupa'gaçxáa yuuwemeesatx yuuna pa'j.

Romanos 14:19

Txã'wẽ puutx ew yũuna puiimée fxi'zewa'jçxá's pakwewa'j ji'ptha'w, Dxus yakh jweeíiçxáa çxhãçxha fxi'zewa'ja's puutx ya'pu'çxna.

1 Corintios 13:2

Dxus kĩh yũuya'watewa dxiikhẽy jiyuya' ãjawa'ja's ji'ph yu'nja, sa' kim yuhwa jiyunimeesa kĩjkĩhnawa jxuka jiisa yu'nja, sa' txã'wẽy Dxusa' pu'çxhina sũhwa'j yuuçxá's ũuste yajkxçxa vxiç walatxwa fxiite ki'pxa' ãjawa'ja's ji'phu'nja, nawa peeygãawa'j yu'sa' ji'phmée yu'nja aça' makwe txã'wẽsaçxawa kĩhte yuhwa seelpimeesa yu'nja.

1 Corintios 14:22

Txã'wẽ yuwe jiyunimeesaju we'wenisa' Dxusa's weeçxsawe'sx Dxus ũsyuhna sũhna kaayaki'jwa'jsaçxá', sa' Dxusa's jiiyã'jsawe'sx jĩi me'. Naapkaçxha' Dxus we'weni's pta'sxya' ãjanisa', Dxusa's jiisa ũstxna txãawe'sx jĩiçxá'. Dxusa's weeçxsawe'sx jĩi me'.