1 Corintios 11:26 - Páez

²⁶ Txã'wẽ yã'the', bagaçxtewa naa pana's ũ' iisa, naa wasotewe'sxnawa tudx iisa i'kwe Jesukristo uuni's yajkxna nes yu', txãa sxawedna kĩhpkaçx.

1 Corintios 11:26 Referans Kwoze

Apocalipsis 1:7

Txã'sa' mthegwe, tãaphte yuja'. Txã'sa' jxukaysa uyuutxna, txã'sna kpã'vxit-sawa. Sa' uyçxa' naa kiwete nasa jxukaysa ũ'netxna. Isath we'we', txã'wẽ yuh yuutxna.

Hebreos 9:28

txã'wẽy Kristowa tee dxi'j yuuçxáak kluuste uu maazkuẽesa pkaltxiwa jxuka khukhya'. Sa' txãa e'su' ki' vxyaana, nawa pkaltxi khukhya' ki' uuya'mée, naasáa txã'sna ũythassatx pe'jna u'jya'çxáa txã'wẽ vxyaana.

San Juan 14:3

Sa' u'jçxa kxtee i'kwe'sx pa'jwa'ja's pheu'jçxa', ki' sxawedu'nja i'kwe'sxtxi pe'jna u'jya', kxah i'kwe'sxwa adx ũsnitey adx yakh ih ũsune'kwe.

1 Juan 2:28

Adx luuçxwe'sx, ãçxha' Kristo yakh txutemée mfxi'zewe. Txã'wẽ fxi'zeçxa', thaamemée weçxana jxpa'ga'nja'w Kristo' naa kiwete kĩhçxa vxyaatewa.

Hechos 1:11

Txã'wẽ vxyaaçxa', na'wẽtx we'we: —Galileajuwe'sx, ¿kĩh yuupa'ga cielute pagayna ũskwe? Jesusa' i'kwe'sx ksxavxyuh ma'wẽ cielun u'jweçtekwe uy, txã'wẽyçxáa ki'kin kĩijana txãaíiçxáa jĩnatx pta'sx.

2 Pedro 3:10

Txãasa Kristo kĩiwa'j ena' ãhçxáa yuuna yajkxmée ũsiyna, pesweewa ma'wẽga kus yaakxnimeete pa'ja' txã'wẽy. Naapkaçxha' cielu' jxuka suweetxna seena' susniite, aça' kĩjkĩhwa jxuka ipxte çxhavxyna pçuutxna. Kiwewa txã'wẽy çxhavxiina kxtee kĩhçxah ũstxna txãa jxuka.

San Juan 21:22

Jesusa' na'wẽk pas: —Adx jxthãaste' naa piçthẽ'ja' uumée u'juma'k adx sxawedna kĩhpkaçx, nawa txã'sa' idxa' yaakxwa'j ji'phmeeg. Idxa' adx yakh fxi'zewa'jçxá's miiyajkx.

Apocalipsis 22:20

Txã'wẽ yũuwa'jsa' na'jĩ'k: —Txaçxmey yuuyuju'nja jĩte', passa': —Txã'jĩwaççxáawa, wẽt yuuna. Nawa dud myuh, Jesus.

Judas 1:14

Adan nçun sietetewe'sx Enokha' na'jĩk Dxus kaaũusuthe'jni's: Txã'wẽ ewmée yũuni's jxukaysatx paapẽjxçxa nasa seena' ewmeesatxi's jxukaysatx kastigãyya' Dxusa' txajx nasa iiméh wala kuhsa yakh yuhte uythu, txãawe'sx makwethẽ'jne'ta ewmée yũuna fxi'zeçxa txã'wẽy Dxusnawa açewe'we txãa pa'ga kastigãyya' jĩ'k Enokha'.

1 Tesalonicenses 4:16

Txãa pa'gatey Kristoíiçxáa cieluju kĩiwa'jsa' seena' jxkaahwa'ja's we'wena, Dxus angeleswe'sx npiiçthẽ'jwa we'wena, naapkaçxha' Dxus tukani zhiçxkwesawa susuna. Naapkaçxha' Kristona jxpa'gaçxa uusaawe'sx khuẽ'y ĩtxi yuutxna.

1 Corintios 15:23

Nawa txãawe'sx ĩtxi yuuwa'j en ãhte fxiifxiiçxah ĩtxi yuutxna. Nyafxte' Kristo khuẽ'yku yaçte ĩtxi yuu. Txãa e'suh Kristo ki' kĩijana naapkaçx Kristo's jxpa'gaçxa uusaawe'sx ĩtxi yuutxna.

2 Tesalonicenses 1:10

Naapkaçxha' na'wẽ kwe'sx pta'sxni's i'kwe'sx jxukaysa jxpa'gai'kwe txãa yã'jçxa vxite' Dxus luuçx jxukaysa yakh wala weçxana Jesukristo's jxpa'gasa yuune'kwe txajx sxawedna kĩi ente'.

1 Corintios 4:5

Txãa pa'ga mjĩini's we'wewa'j en ãhmeyna yu', i'kwe'sxa' nuywe'wenuwe. Mũythaswe Jesukristo kĩhpkaçx. Txãa yuuçxáa ew ma'k yuu ewmée ma'k yuu nawa kaajiyu'juna makwe jiyunimeesa ũusteçxáa yaakxnisa sũthni yuu ma'k nawa jxuka. Txã'wẽ yũunijũ ya'jiyuna nasaa iisa ma'wẽ yũusaaçxawa.

San Juan 21:23

Jesus txã'wẽ we'wepa'ga, txãa piçthẽ'ja' uuwa'jsamée wáana sũhnatx ũsu' Jesus yakh u'jusawe'sx vxite yu'. Nawa uumeena jĩçxa Jesusa' txã'wẽ we'weme', naasáa adx jxthãaste', uumée u'juma'k adx sxawedna kĩhpkaçx, nawa idxa' txã'sa' yaakxwa'j ji'phmeeg jĩnaçxáak we'we.