1 Corintios 1:29 - Páez

²⁹ Txã'wẽ i'kwe'sxa' ãhmeekwesatx txhitxhnisa i'kwe na' kim yuhwa Dxus dxi'pte iiwejçx yajkxna fxi'zeya' ãjameene'kwe.

1 Corintios 1:29 Referans Kwoze

Romanos 3:27

Aça' ¿kĩh yuupa'ga kwe'sxçxáa ewsatha'w sũhna weeçx yaakikxtha'w? Txã'wẽ yaakxwa'ja' pçuk. ¿Kĩh yuupa'gaga iiwejçx yaakxwa'ja' pçu? Jesusa's ũusuh jxuka yajkxçxa jxpa'ganisa yakha', iiwejçx yaakxwa'j kaseje'çme', txãa pa'gak iiwejçx yaakxwa'ja' pçu. Txã'wẽme' nyafxíi yu' ley jxkaahnitx kxteythu yu' sũhte', iiwejçx yaakxwa'jçxáak kaseje'.

Efesios 2:9

Dxus nwe'weni's kakweju ew yũuna fxi'zeçxa ya'jypa'ga'çme' naa pa'ga maa yuhwa iiwejçx yaakxwa'j ji'phmeeta'.

1 Corintios 4:7

Idxa's ¿kimga jxthaakwe walasa vxit? Txã'wẽ Dxus peesnimeesa ¿kĩhçxá' ji'phga'? Txã'wẽ kĩhwa jxuka Dxus peesniçxá's ji'phçxa', ¿ma'wẽçxaga iiwejçx yaaki', idxçxáa pakweçxa uysáa na'wẽ?

1 Corintios 1:31

Txãa pa'ga Dxus yuuçxá's weçxana tuuthe'jwa'ja's Dxus librute na'wẽ fxi'jni ũsa': Maawa jiith sũhna jxtuhthe yaakxwẽje'ççxa', Dxus yuuçxá's weçxana tuuthe'jwa'ja' jĩ'k.

Romanos 15:17

Txãasath adx ũuste wẽtwẽt yaaki', Jesukristo kaapiya'jni's pta'sxna Dxusa's selpi'th sũhna.

Romanos 3:19

Dxus librute na'wẽ ewmeesata' jĩna we'we'k txãa yu' Dxus leya's jiisawe'sxtxi we'weçxak txã'jĩ'. Aça' txãawe'sxa' Dxus yakh pdxi'puwa'j en ãhte', yuuwemeesatha'w jĩna pasya' ãjameetxna kim yuhwa.

1 Corintios 5:6

I'kwe'sxa' txã'wẽ kazx pkal yuusa's kutxi'jmée ũsçxa', iiwejçx yajkxna ũswa'j ji'phmeei'kwe. Jiimeewá'kwe na'wẽ we'weni's: Lewadura' le'çxkuẽeçxawa skuutxh ũ'wete jxuka pẽetheje'k jĩni's.

Romanos 4:2

Abrahana' kĩhçxáawa yũuçxa txã'wẽ yuuwemée ewsa yuuna pa'jwaça', txã'wẽ yũuçxath ewsa yuuna pa'j sũhna iiwejçx yaakxwa'ja's ji'phuwa'j ne' yu'. Nawa kĩhwa yũumeeçxak ewsa yuuna pa'j, naa pa'ga iiwejçx yaakxwa'j ji'phmeek yu'.