1 Corintios 1:13 - Páez

¹³ Nawa Kristo' ¿teeçx ahtewe'sx yakhçxáa fxi'zewa'jsaga yuuá'? ¿I'kwe'sx pa'gate Pabloga kluuste uuá'? Meeçxawa ¿i'kwe'sxa' Pablo yase's kxsusçxakwe yu'te bautisãyni yuuá'?

1 Corintios 1:13 Referans Kwoze

Efesios 4:5

txãa pa'gatey jxukaysatx nwe'wesa' teeçxçxá', aça' txã'sçxáanak jxukaysa ya'nwẽese'je'. Sa' jxukaysa txã'sçxaçxáanak yajkxna bautismo's ya'jypa'ga'.

2 Corintios 11:4

Txã'wẽ yaakxkahníi i'kwe'sxa' wa'lmée jxpa'gana ũsi'kwe adx pta'sxi'th Kristo kaapiya'jni's txã'wẽmée fxiy pta'sxsatx. Sa' nyafxíi jxpa'gai'kwe Dxus Espiritu's txã'wẽmée fxiysanawa wa'lmée weçxana jxpa'gana ũsi'kwe. Txã'wẽy Dxus yuwe ewte nvxiitwa'jsa's nyafxíi wẽse'ji'kwe txã'wẽmée fxiysatewa wa'lu'çmeei'kwe.

Hechos 2:38

Pedro pasçxa': —I'kwe'sx pkaltxi nvxihtçxa, Dxus tasxte misxawedwe, sa' Jesukristo's ũuste jxpa'gaçxa yu'tewa ya'bautisãywe, kxah i'kwe'sx pkaltxi peltunãyni yuuna. Txã'wẽ yũute', i'kwe'sxtxiwa Dxusa' txajx Espiritu's ũsuna.

1 Corintios 10:2

Jxukay Moises yakh txutemée fxi'zeçxa yuuçxáatx jxukay tãaph dxiite Dxus nwe'weni yuu, sa' txã'wẽy ĩkhuywa uykhẽwtxi,

Hechos 19:5

txãawe'sxa' ya'bautisãytxi Jesusa's nwẽese'jya' sũhçxa.

Hechos 10:48

ya'bautisãy kaakh Jesukristo yasete. Txajũ' Pedro's neevxisxatx txãawe'sx yakh maz en kxtee ũskahn.

Gálatas 1:7

Ewte nvxiitwa'jsa Dxus yuwe vxite yu' meea', nawa i'kwe'sxtxi kaypuba'j wẽeçxaçxáa maaíi yu' Kristo kaapiya'jni's yu'pthehçxa fxiy kaapiya'jna ũsta'.

San Mateo 28:19

Txãasath i'kwe'sxtxi jxkaaja': Me'jwe Dxus yuwe's pta'sxya' maa kiwetewa nasa jxukaysatx. Txã'wẽ yũuçxa' yu'te bautisaĩne'kwe, Dxus vxite' Dxus Nçxi'k vxite' Dxus Espiritu txãawe'sxtxi neewe'weçxa.

Tito 2:14

Txãa Jesukristo' kĩh ewmeejũwa kwe'sxtxi nwe'weçxa jxuka pkaltxi yaateçxa jxukate txãa jĩi vxit-ya' kwe'sx pa'gate uuk. Ewsa yuuçxá's jxuka kxtey yuu jxthãasçxak txã'wẽ yũu.

1 Corintios 1:15

Txãa pa'ga kim yuhwa txã'wẽ Pablo yase's kxsusçxa bautisãynith jĩya' ãjameetxna.

Romanos 14:9

Txã'wẽ Kristo' ĩtxisawe'sx ma'tx yuu uusaawe'sx ma'tx yuu nawa jxukaysate namu yuuya'íiçxáak uuniijũwa ki' ĩtxi yuu.

Hechos 8:16

Txã'wẽme', nyafxíi yu' Dxus Espiritu's ji'phmeetx yu', naasáa Jesusa'sçxáatx jxpa'gaçxa yu'te ya'bautisãysa yu'.

San Mateo 3:6

Sa' txã'wẽ pkalsatha'w jĩna Dxusa's perdon pẽjxna pa'jsatxi' Juana' Jordan yu'walate bautisaĩ'k.