Biblia Todo Logo
Bib sou entènèt

- Piblisite -




Yudas 1:21 - Perjanjian Baru Bahasa Melayu Maluku Utara

21 Tuhan Allah sayang pa ngoni, jadi ngoni musti tetap yakin Dia pe sayang itu. Ngoni me musti tunggu-tunggu Yesus Kristus torang pe Tuhan datang ulang. Waktu Dia datang ulang, Dia mo kase tunju Dia pe rasa kasiang pa torang supaya torang bole hidup deng Tuhan Allah slama-lamanya.

Gade chapit la Kopi




Yudas 1:21
31 Referans Kwoze  

Torang so tau deng so percaya, Tuhan Allah paling sayang pa torang. Tuhan Allah itu pangsayang. Jadi sapa yang sayang pa orang-orang, orang itu tetap satu hati deng Tuhan Allah, kong Tuhan Allah me satu hati deng dia.


sementara torang tunggu Yesus Kristus mo datang ulang di hari kiamat yang Tuhan Allah so tentukan, deng lagi biking apa yang mau supaya Yesus Kristus mo datang capat. Di hari itu, api akan bakar kase ancor langit, kong matahari, bulan deng bintang mo malele karna panas.


Bagitu lagi Yesus Kristus mati cuma satu kali saja, Dia mati itu supaya jadi korban persembahan untuk hapus banya orang pe dosa-dosa. Kong Dia akan datang lagi yang kedua kali, bukang untuk hapus manusia pe dosa-dosa, tapi untuk kase slamat pa orang-orang yang ada tunggu-tunggu Dia mo datang ulang.


Torang pe sudara-sudara yang percaya so menang, dorang so kase kala pa Iblis. Dorang so kase kala pa dia, karna Anak Domba pe dara so tatumpa untuk tebus dorang pe dosa-dosa. Dorang me kase kala pa dia, karna dong tara berenti mangaku tentang Anak Domba yang jadi dong pe Tuhan. Biar pa dorang pe hidup dorang dapa siksa atau dapa bunu, dong tara mundur, dong tetap kase tau itu turus.


Torang minta pa Tuhan supaya Dia bantu pa ngoni untuk lebe mangarti Tuhan Allah pe sayang, deng supaya ngoni bole tahang siksa sama deng dulu waktu Yesus Kristus tahang siksa.


Karna orang yang jaga biking dosa, dia pe akibat dia mo mati kong tapisa deng Tuhan Allah slama-lamanya. Tapi Tuhan Allah kase deng cuma-cuma hidup deng Dia slama-lamanya karna torang so satu hati deng Kristus Yesus, torang pe Tuhan.


Sapa saja yang tarima Kita pe parenta kong biking, dia itu yang sayang pa Kita. Kong sapa yang sayang pa Kita, Kita pe Bapa lagi akan sayang pa dia, deng Kita me mo sayang pa dia kong Kita mo kase tunju Kita pe diri pa dia.”


Satu conto lagi, kalu orang iko lomba kong juara, dia dapa hadia. Bagitu lagi deng kita, Tuhan so kase sadia kita pe hadia karna Dia lia kita hidup butul pa Dia pe muka. Hadia itu Dia simpang kong nanti Dia mo kase pa kita di hari yang Dia mo adili pa samua orang deng adil. Hadia itu bukang cuma kita yang mo dapa, tapi samua orang yang percaya yang tunggu-tunggu Dia datang lagi, dorang me mo dapa.


Timotius, kita sayang pa ngana sama deng kita pe ana sandiri. Kita minta pa Tuhan Allah, torang pe Bapa, deng pa Kristus Yesus, torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.


Biar lagi kuasa-kuasa yang ada di langit deng di bumi atau apa saja yang ada, tara ada yang bisa biking sampe torang tapisa deng Tuhan Allah pe sayang karna apa yang Kristus Yesus, torang pe Tuhan so biking.


Dulu, dosa kuasai pa samua orang, jadi torang musti mati kong tapisa deng Tuhan Allah slama-lamanya. Tapi skarang, karna apa yang Yesus Kristus torang pe Tuhan so biking, Tuhan Allah kase Dia pe bae pa torang, Dia biking torang jadi orang yang tara sala pa Dia pe muka. Turus, karna Tuhan Allah pe bae itu, samua orang bole hidup deng Dia slama-lamanya.


Torang tau, samua orang yang so jadi Tuhan Allah pe ana-ana, dorang so tara biking dosa lagi. Barang, Anak Allah jaga pa dorang, sampe Iblis, setang-setang pe raja tara mampo mo kase kala pa dorang.


Kong karna torang so baharap deng yakin pa Tuhan Allah, torang tau, torang tara akan kecewa karna Tuhan Allah akan kase samua yang Dia janji. Torang so tau itu butul karna Tuhan Allah so kase Roh Kudus yang bakarja di torang pe hati sampe torang bole rasa Dia pe sayang yang basar.


Waktu Barnabas sampe di sana, dia lia memang Tuhan Allah so kase Dia pe bae sampe banya orang so jadi percaya pa Yesus. Pe lia itu, dia sanang skali. Turus, dia kase smangat pa dorang supaya dorang sunggu-sunggu tetap setia pa Tuhan Yesus.


Tuhan Allah ada kuasa untuk jaga pa ngoni supaya ngoni tara taiko biking dosa. Dia me biking ngoni jadi orang yang tara sala apa-apa, kong bawa pa ngoni badiri deng hati yang paling sanang di Dia pe muka yang hebat itu.


Ee ngoni yang kita so sayang sama deng kita pe ana-ana, ngoni musti ati-ati, jang sampe ngoni semba pa apa yang bukang Tuhan.


Ngana tau butul, tempo hari dia so banya kali bantu pa kita di kota Efesus. Jadi, nanti waktu hari Kiamat, hari yang Tuhan adili pa orang-orang, kita minta supaya Tuhan kase tunju Dia pe rasa kasiang pa Onesiforus.


Memang dari nabi Musa, torang tau Tuhan Allah pe aturan di lima kitab Musa, tapi dari Yesus Kristus, torang bole tau Tuhan Allah pe sayang deng Dia pe ajaran yang butul.


Timotius, torang dua sama-sama percaya jadi kita so anggap ngana itu sama deng kita pe ana sandiri. Kita minta pa Tuhan Allah torang pe Bapa, deng pa Kristus Yesus torang pe Tuhan, supaya kase yang bae pa ngana, sayang pa ngana, deng salalu biking ngana pe hati tetap tenang.


Tapi cuma Onesiforus yang tara bagitu. Kita minta Tuhan kase tunju Dia pe rasa kasiang pa Onesiforus pe keluarga. Barang, dia banya kali hibur pa kita, dia lagi tara malu jaga datang pa kita, biar kita ada di penjara.


Sudara-sudara, ngoni yang Tuhan Allah torang pe Bapa so pangge untuk iko pa Dia, yang Dia sayang, deng yang Dia salalu jaga sampe Yesus Kristus datang ulang. Salam dari kita Yudas. Kita ini Yakobus pe sudara, deng kita me yang jaga biking apa yang Yesus Kristus suru.


Ngoni me musti kase tunju ngoni pe rasa kasiang, deng bantu pa orang-orang yang masi ragu pa Tuhan.


Swiv nou:

Piblisite


Piblisite