Yudas 1:17 - Perjanjian Baru Bahasa Melayu Maluku Utara

¹⁷ Tapi ngoni sudara-sudara yang kita sayang, inga apa yang torang pe Tuhan Yesus Kristus pe utusan-utusan so perna bilang.

Yudas 1:17 Referans Kwoze

2 Petrus 3:2

Ngoni musti inga Tuhan Allah pe pasáng yang dulu Dia pe nabi-nabi so perna kase tau. Ngoni me musti inga parenta dari torang pe Tuhan Yesus yang kase slamat pa torang. Parenta itu, Yesus pe utusan-utusan yang orang sebut rasul ada kase tau pa ngoni.

1 Yohanes 4:6

Torang ini dari Tuhan Allah. Jadi orang yang kanal pa Tuhan Allah, dia dengar pa torang. Tapi orang yang tara kanal pa Tuhan Allah, dia tara dengar pa torang. Dari situ torang dapa tau, orang yang ada Tuhan Allah pe Roh, dia bawa ajaran yang butul, deng orang yang tarada Tuhan Allah pe Roh, dia bawa ajaran yang tara butul.

Efesus 4:11

Yesus Kristus itu suda yang kase kemampuan pa Dia pe umat yang baku-baku beda: ada yang jadi Yesus Kristus pe utusan-utusan yang orang sebut rasul-rasul, ada yang jadi nabi-nabi yang jaga kase turus Tuhan Allah pe pasáng, ada yang kase tau Kabar Bae tentang Yesus Kristus di tampa yang orang-orang bolong dengar, ada yang jadi pemimpin di jemaat sama deng gembala jaga dia pe domba bae-bae, deng ada lagi yang mangajar di jemaat.

Kisah Para Rasul 20:35

Deng karja karas bagitu, kita so kase conto pa ngoni la ngoni me karja karas untuk bantu pa orang-orang yang tara mampo. Torang musti inga yang Tuhan Yesus so bilang, karna Dia sandiri yang bilang, ‘Kalu torang dapa apa-apa dari orang, torang pasti sanang, tapi yang lebe sanang itu torang yang bakase apa-apa pa orang laeng.’ ”

Efesus 2:20

Skarang torang yang so jadi Tuhan Allah pe keluarga bole kase sama deng ruma yang Tuhan Allah ada kase badiri. Kong kalu orang kase badiri satu ruma, musti taru kamuka batu yang paling penting di fandasi itu untuk kase kuat ruma itu. Kristus Yesus itu bole kase sama deng batu yang paling penting di fandasi itu. Kong ada Yesus Kristus pe utusan yang orang sebut rasul-rasul, deng ada lagi nabi-nabi yang jaga kase turus Tuhan Allah pe pasáng, dorang itu bole kase sama deng ruma pe tiang-tiang.

Ibrani 2:3

Ajaran itu memang penting skali torang iko, tapi lebe penting lagi ajaran dari Tuhan Yesus yang Dia bilang langsung pa torang manusia! Ajaran itu tentang Dia yang kase slamat pa torang, kong ajaran itu bagus skali! Jadi kalu torang tara peduli, jang kira torang mo lolos dari hukuman! Yesus sandiri yang pertama kase tau ajaran itu, kong dorang yang dengar itu kase tau pa torang. Jadi, deng dorang pe kesaksian itu, torang bisa tau, ajaran itu memang butul.

Yudas 1:3

Sudara-sudara yang kita sayang, sementara kita tulis surat pa ngoni tentang slamat yang torang so tarima, kita rasa ada yang musti kita tulis kamuka, supaya ngoni berusaha butul-butul untuk tetap batahang deng ngoni pe percaya. Kong ngoni pe percaya itu musti iko Tuhan Allah pe ajaran yang Dia so kase satu kali untuk slama-lamanya pa torang yang so jadi Dia pe umat.