Yudas 1:15 - Perjanjian Baru Bahasa Melayu Maluku Utara

¹⁵ Dia datang untuk adili pa samua orang, deng Dia lagi mo hukum pa orang-orang yang tara semba pa Tuhan Allah karna samua dong pe kalakuang yang tara iko Tuhan Allah pe mau deng samua dong pe kata-kata kasar tentang Tuhan.”

Yudas 1:15 Referans Kwoze

1 Korintus 4:5

Karna itu, jang ngoni nilai orang laeng sala kalu bolong dia pe waktu. Nanti waktu Tuhan datang ulang, itu dia pe waktu untuk Tuhan mo adili pa samua orang. Kong waktu itu, Dia mo buka samua hal yang orang sambunyi dalam galap. Dia me akan buka apa yang orang rencana dalam hati. Waktu itu, Tuhan Allah akan puji pa tiap orang yang pantas dapa puji.

Roma 2:16

Kong kalu so hari kiamat, Kristus Yesus pake kuasa dari Tuhan Allah untuk mo adili pa manusia iko apa yang dorang biking, sampe barang yang tasambunyi di dorang pe dalam hati me, Dia mo adili samua. Itu yang kita jaga kase ajar pa orang-orang waktu kita kase tau Kabar Bae tentang Yesus Kristus di mana-mana.

1 Timotius 1:9

Torang tau aturan-aturan yang ada di lima kitab Musa itu Tuhan Allah pe tujuan bukang untuk orang yang so hidup butul pa Dia pe muka, tapi untuk larang orang-orang yang bagini: yang malawang Tuhan Allah pe parenta, yang tara iko Tuhan Allah pe aturan, yang jaga biking dosa, yang cuma iko dorang pe mau sandiri, yang tara percaya pa Tuhan, yang bunu pa dorang pe papa deng mama deng pa orang laeng,

Roma 14:10

Jadi, ngoni yang makang samua macam makanang, tara bole pandang enteng pa ngoni pe sudara yang percaya yang makang sayor saja. Bagitu lagi ngoni yang cuma makang sayor, ngoni tara bole kase sala ngoni pe sudara yang percaya yang makang samua macam makanang. Karna nanti satu waktu torang samua akan mangada pa Tuhan Allah di kursi raja untuk dapa adili.

Roma 2:5

Tapi ngoni ini kapala batu, ngoni tara mau bertobat. Karna itu, ngoni sandiri yang biking ngoni pe hukuman lebe tamba barát di hari kiamat. Di waktu itu, Tuhan Allah mo kase tunju Dia pe mara deng mo kase hukuman yang adil pa samua orang.

Kisah Para Rasul 17:31

Barang, Tuhan Allah so ator satu waktu nanti mo adili pa torang samua deng adil. Tuhan Allah so tunju satu Orang untuk adili pa torang samua. Kong torang bole yakin samua itu akan jadi, karna Orang yang mo adili itu Tuhan Allah so kase hidup ulang pa Dia waktu Dia mati.”

Yohanes 5:27

Bapa so kase kuasa pa Dia pe Anak untuk adili orang, karna Dia pe Anak itu Anak Manusia yang dari sorga suda.

Wahyu 22:20

Yesus yang so kase tau pa kita tentang samua pasáng itu, Dia bilang bagini, “Butul, so tara lama lagi Kita akan datang!” Karna itu kita bilang, “Amin. Datang suda Tuhan Yesus!”

Wahyu 13:11

Abis itu, kita lia binatang jahat satu lagi kaluar dari dalam bumi. Binatang kedua itu ada tandu dua yang sama deng ana domba pe tandu. Dia pe suara sama deng naga pe suara.

Yudas 1:16

Orang-orang itu cuma mengelu-mengelu deng suka kase sala orang laeng. Dorang hidup cuma iko dong pe keinginan tara bae. Dorang pe bicara angka-angka dong pe diri sandiri, kong suka cari muka deng baambe hati di orang la dorang dapa untung.

1 Korintus 5:13

Dorang di luar jemaat yang bolong percaya itu, nanti Tuhan Allah yang mo adili pa dorang. Ngoni musti biking apa yang so tatulis di Kitab Suci, “User kase kaluar dari ngoni pe jemaat orang yang bilang kata, dia sama-sama percaya deng ngoni, padahal dia jaga biking barang yang jahat!”