Yudas 1:14 - Perjanjian Baru Bahasa Melayu Maluku Utara

¹⁴ Dulu, Henokh, Adam pe turunan yang ketuju, ada bilang apa yang Tuhan Allah pasáng pa dia bagini, “Perhatikan e, Tuhan mo datang deng Dia pe malaekat-malaekat kudus deng ribu.

Yudas 1:14 Referans Kwoze

1 Tesalonika 3:13

Torang minta bagitu, supaya nanti waktu torang pe Tuhan Yesus datang ulang sama-sama deng samua orang yang so jadi Dia pe umat, ngoni jadi orang yang pe hati bersi pa Tuhan Allah, torang pe Bapa pe muka, deng Dia tara dapa ngoni pe sala apa-apa.

Matius 16:27

Barang, Anak Manusia yang dari sorga mo datang ulang di dunia ini, sama-sama deng Bapa pe malaekat-malaekat deng Dia pe kuasa yang luar biasa. Kong waktu itu, Anak Manusia mo balas pa tiap orang iko deng apa yang dorang so biking.

Matius 25:31

Yesus bilang lagi, “Anak Manusia yang dari sorga mo datang ulang deng Dia pe kuasa yang luar biasa deng samua malaekat sama-sama deng Dia, kong Dia mo dudu di kursi raja yang luar biasa.

Wahyu 1:7

Jadi, ngoni dengar ini bae-bae! So tara lama Yesus mo datang di tenga-tenga awan. Kong samua orang akan lia pa Dia. Bagitu lagi deng orang-orang yang dulu tikam pa Dia pake tombak me akan lia pa Dia. Samua suku di dunia akan manyasal kong manangis waktu lia pa Dia. Samua itu memang pasti mo jadi. Amin.

Ibrani 12:22

Tapi sudara-sudara, ngoni ini so percaya pa Tuhan Yesus yang biking Tuhan Allah pe janji yang baru. Jadi ngoni macam deng so datang di gunung Sion, kota Yerusalem itu. Itu bukang Yerusalem yang ada di dunia, tapi di Tuhan Allah yang hidup pe tampa tinggal di sorga. Kong di situ ngoni baku dapa deng malaekat yang pe banya deng ribu yang bakumpul kong yang puji Tuhan pe nama deng hati sanang.

Wahyu 5:11

Abis itu, kita lia deng dengar malaekat banya skali pe suara. Dorang itu pe banya deng ribu-ribu sampe juta-juta. Malaekat-malaekat itu badiri kuliling Tuhan Allah pe kursi raja itu, sama-sama deng ampa binatang luar biasa itu deng dua pulu ampa pemimpin.