Yudas 1:11 - Perjanjian Baru Bahasa Melayu Maluku Utara

¹¹ Cilaka suda dorang! Tuhan Allah akan kase hukuman pa dorang nanti karna dorang orang yang jahat macam deng Kain. Dorang me berdosa sama deng Bileam, yang bawa orang Israel biking dosa cuma karna golojo doi. Kong dorang me sama deng Korah yang malawang pa Tuhan Allah, jadi dorang akan dapa hukuman lagi.

Yudas 1:11 Referans Kwoze

2 Petrus 2:15

Guru-guru palsu itu so tara iko Tuhan Allah pe ajaran, jadi dorang so tara butul. Dorang so iko conto nabi dulu-dulu, yang dia pe nama Bileam. Bileam ini Beor pe ana. Dia suka biking barang yang jahat, yang penting dapa doi.

1 Yohanes 3:12

Jang ngoni sama deng Kain. Iblis so kuasai pa dia jadi dia bunu dia pe ade sandiri. Kain bunu pa dia pe ade karna Kain itu jahat, deng karna samua yang dia pe ade biking, Tuhan Allah lia itu butul.

Wahyu 2:14

Tapi biar bagitu me, Kita mo bilang pa ngoni, ngoni pe sala bagini: ada babarapa orang dari ngoni yang jaga iko Bileam pe ajaran sesat. Bileam itu yang ajar pa Balak supaya pengaru pa orang Israel la biking dosa. Lebe kusus Bileam ajar pa dorang untuk makang makanang yang so kase pa dong pe puji-puji, deng dong me jaga baseks sabarang.

Ibrani 11:4

Kong karna Habel percaya pa Tuhan Allah, jadi dia kase binatang korban persembahan pa Tuhan Allah iko apa yang Tuhan Allah suru, tara sama deng dia pe kaka Kain. Deng karna Habel pe percaya itu, Tuhan Allah tarima deng hati sanang Habel pe persembahan itu, deng bilang, Habel itu so tara sala pa Tuhan Allah pe muka. Jadi biar Habel so mati, dia pe percaya itu jadi conto pa torang. Itu sama saja deng dia masi hidup kong bicara untuk ajar pa torang.

Matius 11:21

Yesus bilang, “Ee ngoni orang-orang Khorazim deng Betsaida! Cilaka suda ngoni! Tuhan Allah mo hukum pa ngoni barát skali, karna Kita so biking mujizat-mujizat pa ngoni tapi ngoni tara mau percaya kong bertobat. Padahal kalu jaman dulu mujizat-mujizat itu Kita biking pa orang-orang di kota Tirus deng Sidon, biar dorang jahat, pasti dong so bertobat kong taru abu pa dong pe kapala deng pake baju karong, tanda dong manyasal dari dong pe dosa.