Yohanes 9:5 - Perjanjian Baru Bahasa Melayu Maluku Utara

⁵ Jadi selama Kita masi ada di dalam dunia, Kita ini tarang dunia yang kase tarang manusia pe hati.”

Yohanes 9:5 Referans Kwoze

Yohanes 8:12

Yesus kase turus Dia pe bicara pa orang banya yang masi ada di situ bagini, “Kita ini tarang dunia yang kase tarang manusia pe hati. Sapa saja yang iko pa Kita, dia itu tara akan hidup dalam galap, tapi dia akan hidup di dalam tarang, yang biking dia dapa hidup deng Tuhan Allah slama-lamanya.”

Yohanes 12:46

Kita datang di dunia ini sebagai Tarang, supaya sapa saja yang percaya pa Kita, dia itu so tara hidup lagi di dalam galap.

Kisah Para Rasul 13:47

Barang, Tuhan Allah parenta pa torang bagini, ‘Kita so pili pa ngana jadi sama deng lampu yang biking tarang pa orang-orang bukang Yahudi, supaya samua orang di dunia ini bisa tau tentang slamat yang Kita kase pa manusia.’ ”

Efesus 5:14

Itu dia pe sebab sampe ada orang yang bilang bagini, “Ee ngoni yang masi tidor, bangun suda, ngoni ini sama deng orang yang so mati, ngoni musti hidup ulang. Barang, Yesus Kristus mo kase tarang ngoni pe hati.”

Kisah Para Rasul 26:18

Ngana ka sana untuk buka dorang pe pikiran supaya dorang tara hidup lagi di galap tapi hidup di tarang, supaya dorang talapas dari Iblis, setang-setang pe raja pe kuasa, kong Tuhan Allah pe kuasa mo ada sama-sama deng dorang. Kong karna dorang so percaya pa Kita, dorang pe dosa-dosa mo dapa ampun deng dorang mo dapa samua yang Tuhan Allah janji mo kase pa orang-orang yang Dia so biking jadi Dia pe umat.’

Wahyu 21:23

Kota itu tara perlu sinar matahari deng bulan untuk kase tarang, karna Tuhan Allah pe cahaya yang luar biasa yang kase tarang kota itu, deng Anak Domba itu yang so jadi sama deng lampu yang manyala.

Matius 4:16

Orang-orang di situ tara kanal pa Tuhan Allah, sama deng orang yang tinggal di dalam galap. Tapi dorang so lia Tarang satu yang luar biasa. Orang-orang yang tinggal dalam galap itu mo mati tapisa deng Tuhan Allah slama-lamanya, tapi Tarang itu so muncul di situ la kase tunju jalang supaya dorang bole dapa slamat.”

Kisah Para Rasul 26:23

Dorang so kase tau tentang Mesias, Raja yang Tuhan Allah janji mo kase slamat pa manusia. Dorang bilang, Dia musti tanggung siksa banya kong mati, tapi Dia itu yang pertama akan hidup ulang supaya Dia bole kase tau Kabar Bae pa orang Yahudi deng pa orang yang bukang Yahudi la dorang bisa dapa slamat. Itu sama deng Dia kase tarang di dorang pe hati.”

Lukas 2:32

Orang itu nanti sama deng tarang, yang kase tarang jalang. Dia kase tarang orang-orang yang bukang Yahudi pe hati, supaya dorang bole datang pa Tuhan Allah, deng supaya orang-orang puji deng hormat pa Tuhan Allah pe umat, bangsa Israel.”

Matius 5:14

Ngoni lagi sama deng tarang di dunia yang kase tarang pa orang-orang. Bagitu lagi deng ngoni pe hidup di dunia ini, ngoni musti bawa pengaru yang bae pa orang-orang. Kong orang-orang pasti mo lia hal-hal bae yang ngoni biking, sama deng dorang lia kota satu di atas gunung yang tara mungkin mo tasambunyi.