Yohanes 8:54 - Perjanjian Baru Bahasa Melayu Maluku Utara

⁵⁴ Yesus jawab, “Kalu Kita cari puji deng hormat, pujian itu tara ada dia pe guna. Tapi Kita pe Bapa yang puji deng hormat pa Kita. Kong Dia itu suda yang ngoni jaga bilang ngoni pe Tuhan Allah.

Yohanes 8:54 Referans Kwoze

Yohanes 8:50

Kita tara cari puji deng hormat untuk Kita pe diri sandiri. Ada Satu yang mau supaya Kita dapa puji deng hormat, deng Dia itu suda yang mo adili pa sapa yang sala deng sapa yang butul.

2 Petrus 1:17

Perna satu kali, torang nae gunung yang kudus satu sama-sama deng Yesus. Di situ torang dengar sandiri suara dari sorga, suara itu dari Tuhan Allah, torang pe Bapa yang paling hebat. Dia puji deng hormat pa Yesus, bilang bagini, “Ini Kita pe Anak yang Kita sayang. Dia biking Kita pe hati sanang.”

2 Korintus 10:18

Karna bukang orang yang puji diri sandiri yang biking Tuhan tarima pa dorang, tapi orang yang Tuhan Allah puji saja yang Dia tarima.

Kisah Para Rasul 3:13

Ngoni tau, Tuhan Allah yang torang pe orang tua dulu-dulu Abraham, Ishak deng Yakub jaga semba, Dia so biking Yesus dapa puji deng hormat. Yesus itu yang jaga biking apa yang Tuhan Allah suru. Tempo hari ngoni tara tarima pa Yesus, kong ngoni serakan Dia pa gubernur Pilatus supaya Dia dapa hukum. Padahal, waktu itu gubernur mo kase bebas pa Dia.

Yohanes 17:1

Abis Yesus bilang samua itu pa Dia pe murit-murit, Dia mangada di langit kong berdoa, “Bapa, skarang so dia pe waktu yang Bapa so tentukan. Jadi Kita minta, Bapa biking suda pa Kita, Bapa pe Anak ini la Kita dapa puji deng hormat, deng bagitu Kita me bisa biking Bapa dapa puji deng hormat.

Yohanes 8:41

Tapi ngoni so biking iko ngoni pe papa yang laeng pe conto.” Dorang jawab, “Ee, torang ini bukang ana di luar nika. Torang pe Bapa cuma satu, Dia itu Tuhan Allah.”

Yohanes 7:18

Sapa saja yang mangajar pake dia pe pikiran sandiri, dia itu cuma mo cari puji deng hormat untuk dia pe diri sandiri. Tapi sapa saja yang mau supaya orang-orang puji deng hormat pa Tuhan Allah yang utus pa dia, dia itu pasti bicara yang butul deng tara bafoya.

1 Petrus 1:21

Karna Yesus Kristus so kase slamat pa ngoni, ngoni bole percaya pa Tuhan Allah. Tuhan Allah itu yang so kase hidup ulang pa Yesus Kristus waktu Dia mati, deng yang biking Yesus Kristus dapa puji deng hormat. Deng bagitu, ngoni bole percaya deng baharap pa Tuhan Allah.

1 Petrus 1:12

Yesus Kristus pe Roh itu me yang kase tau pa nabi-nabi itu kalu pasáng yang dorang jaga kase tau itu bukang untuk dorang pe diri sandiri saja, tapi untuk ngoni skarang ini. Yang dorang kase tau itu, Kabar Bae tentang Yesus Kristus. Skarang, ngoni so dengar dari orang-orang yang kase tau Kabar Bae itu pa ngoni. Dorang kase tau itu deng kuasa Roh Kudus yang dari sorga. Kong yang dorang kase tau itu, itu yang malaekat-malaekat me suka cari tau.

Yohanes 17:5

Jadi skarang, Bapa, Kita minta Bapa biking Kita dapa lia luar biasa pa Bapa pe muka, sama deng dulu waktu Kita masi sama-sama deng Bapa waktu dunia ini bolong ada.”

Yohanes 7:39

Waktu Yesus bilang tentang aer itu, Dia pe maksut Tuhan Allah pe Roh yang orang percaya mo tarima. Barang, waktu Yesus masi ada di dunia, orang-orang bolong tarima Tuhan Allah pe Roh, karna Yesus bolong mati kong hidup ulang supaya orang lia Tuhan Allah pe hebat.

Yohanes 5:41

Kita tara perlu manusia mo puji deng hormat pa Kita.

Yohanes 2:11

Mujizat yang Yesus biking di Kana di daera Galilea, itu jadi Yesus pe mujizat yang pertama. Deng mujizat itu, Yesus so kase tunju Dia pe kuasa yang hebat sampe Dia pe murit-murit jadi percaya pa Dia.