Yohanes 8:48 - Perjanjian Baru Bahasa Melayu Maluku Utara

⁴⁸ Pemimpin-pemimpin agama Yahudi langsung hina pa Yesus, “Ee Bapa, memang butul yang torang bilang, Bapa ini bukang orang Israel, tapi Bapa ini orang Samaria yang so kemasukan setang.”

Yohanes 8:48 Referans Kwoze

Yohanes 7:20

Kong orang banya itu bilang pa Dia, “Ngana so kemasukan kaapa! Sapa yang cari mo bunu pa Ngana kong?”

Yohanes 8:52

Pemimpin-pemimpin agama Yahudi itu bilang pa Dia, “Skarang so jelas, Bapa memang kemasukan setang. Abraham deng nabi-nabi laeng so mati samua, tapi Bapa bilang kata, sapa yang iko Bapa pe ajaran, orang itu tara akan mati sampe slama-lamanya.

Yohanes 10:20

“Bikiapa kong ngoni dengar pa Dia? Dia itu so kemasukan setang, deng so gila.”

Yohanes 4:9

Parampuang Samaria itu bilang pa Yesus, “Bapa, Bapa ini orang Yahudi to? Masa Bapa minta aer minum dari kita, orang Samaria?” (Dia bilang bagitu, barang orang Yahudi tara biasa batamang deng orang Samaria, karna orang Yahudi anggap dorang itu najis).

Matius 15:7

Ee, ngoni orang-orang munafik! Apa yang Tuhan Allah bilang dulu pa nabi Yesaya tentang ngoni itu so jadi, bagini,

Matius 12:24

Tapi waktu orang Yahudi dari aliran Farisi dapa dengar itu, dorang tara tarima. Kong dorang baku bilang, “Dia user setang itu pake Beelzebul, setang-setang pe raja pe kuasa.”

Matius 10:25

So cukup suda kalu satu murit jadi sama deng dia pe guru, kong so cukup suda kalu satu orang karja mo jadi sama deng dia pe tuang. Kita ini sama deng ngoni pe tuang, kong ngoni ini Kita pe umat. Kalu orang-orang bilang Kita ini Beelzebul, setang-setang pe raja, lebe soe lagi ngoni yang iko pa Kita. Jadi ngoni musti ati-ati!”

Matius 10:5

Yesus utus Dia pe murit dua blas orang itu deng kase pasáng pa dorang, “Jang ngoni pigi di orang yang bukang Yahudi, atau jang ngoni maso di orang Samaria pe kota-kota.

Yakobus 2:19

Ngoni percaya cuma ada satu Tuhan saja, Tuhan Allah. Itu bagus, tapi tara cukup. Setang-setang me percaya itu kong dorang tako sampe totofore.

Roma 15:3

Torang musti biking bagitu, karna Yesus Kristus me tara cari Dia pe sanang sandiri, tapi Dia siap orang hina. Itu sama deng yang ada tatulis di Kitab Suci bagini, “Kata-kata tara bae yang orang-orang bilang pa Tuhan Allah, itu so kanal pa kita.”

Yohanes 13:13

Ngoni pangge pa Kita ‘Guru’ deng ‘Tuhan’, kong memang itu butul skali, Kita ini ngoni pe Guru deng ngoni pe Tuhan.

Ibrani 13:13

Jadi, mari suda torang iko pa Yesus Kristus saja, biar orang hina pa torang bagimana lagi macam deng dong biking pa Yesus Kristus di luar kota Yerusalem.

Matius 12:31

Ngoni dengar bae-bae! Samua dosa yang orang biking, masi bole dapa ampun, bagitu lagi orang yang hina pa manusia, bole dapa ampun. Tapi kalu orang hina pa Roh Kudus, dia tara akan dapa ampun.

Matius 11:18

Orang-orang skarang ini sama deng ana-ana itu, karna waktu Yohanes datang, dorang tara tarima pa dia. Dia jaga bapuasa deng tara minum anggur, tapi dorang bilang kata, ‘Dia kemasukan setang!’

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 8:22

Pe dengar itu, pemimpin-pemimpin agama Yahudi baku bilang, “Dia mo bunu diri kaapa? Barang Dia bilang, di tampa yang Dia mo pigi, torang tara mungkin pigi di situ.”