Yohanes 8:41 - Perjanjian Baru Bahasa Melayu Maluku Utara

⁴¹ Tapi ngoni so biking iko ngoni pe papa yang laeng pe conto.” Dorang jawab, “Ee, torang ini bukang ana di luar nika. Torang pe Bapa cuma satu, Dia itu Tuhan Allah.”

Yohanes 8:41 Referans Kwoze

Yohanes 8:44

Ngoni pe papa itu Iblis, setang-setang pe raja, barang ngoni suka biking ngoni pe papa itu pe mau. Iblis itu, dari dulu sampe skarang ini, dia pangbunu orang. Dia tara tau biking yang butul, karna pa dia itu tara ada yang butul. Waktu dia bafoya, dia bilang itu memang dari dia pe sifat sandiri, karna dia itu pangbafoya, kong dia itu samua pangbafoya pe papa.

Yohanes 8:38

Yang Kita ajar pa ngoni itu, apa yang Kita lia dari Kita pe Bapa. Tapi ngoni, ngoni iko apa yang ngoni dengar dari ngoni pe papa.”

1 Yohanes 3:12

Jang ngoni sama deng Kain. Iblis so kuasai pa dia jadi dia bunu dia pe ade sandiri. Kain bunu pa dia pe ade karna Kain itu jahat, deng karna samua yang dia pe ade biking, Tuhan Allah lia itu butul.