Yohanes 8:37 - Perjanjian Baru Bahasa Melayu Maluku Utara

³⁷ Kita tau, ngoni ini Abraham pe turunan, tapi biar bagitu ngoni berusaha mo bunu pa Kita, karna ngoni tara mau tarima Kita pe ajaran.

Yohanes 8:37 Referans Kwoze

1 Korintus 2:14

Tapi orang-orang yang cuma iko manusia pe mau, dorang tara tarima ajaran dari Tuhan Allah pe Roh. Dorang anggap itu sama deng orang-orang bodo pe carita saja. Ajaran dari Roh Kudus itu dorang tara bisa mangarti, tapi ajaran itu orang bisa mangarti cuma kalu Roh Kudus yang bantu pa dorang untuk mangarti.

Roma 9:7

Deng, tara samua Abraham pe turunan yang akan jadi Tuhan Allah pe ana-ana kong mo dapa Dia pe janji. Conto, Tuhan Allah so perna bilang pa Abraham bagini, “Cuma ngana pe turunan yang dari ngana pe ana Ishak saja, yang akan dapa Kita pe janji.”

Yohanes 7:1

Abis bicara pa orang banya, Yesus pigi bajalang dari tampa satu ka tampa yang laeng di daera Galilea. Dia tara mau pigi di daera Yudea karna pemimpin-pemimpin agama Yahudi di sana ada cari pa Dia la mo bunu.

Yohanes 8:59

Pe dengar Yesus bilang bagitu, pemimpin-pemimpin agama Yahudi itu ambe batu mo lempar pa Dia, tapi tara sangka-sangka Yesus so pigi kaluar dari Ruma Ibada Pusat.

Kisah Para Rasul 13:26

Sudara-sudara orang Israel, Abraham pe turunan, deng ngoni yang bukang Yahudi tapi jaga semba pa Tuhan Allah, pa torang samua ini, Tuhan Allah so kase tau Dia mo kase slamat pa manusia dari dosa-dosa.

Yohanes 8:43

Ngoni tara mangarti deng apa yang Kita so bilang, karna ngoni tara mau tarima Kita pe ajaran.

Yohanes 11:53

Mulai hari itu suda, pemimpin-pemimpin agama Yahudi baku ator la mo bunu pa Yesus.

Yohanes 7:19

Nabi Musa so kase aturan-aturan di lima kitab Musa la ngoni iko. Tapi tara ada satu orang dari ngoni yang butul iko aturan-aturan itu. Kalu memang ngoni iko aturan-aturan itu, bikiapa kong ngoni cari mo bunu pa Kita?”

Yohanes 10:31

Pe dengar Yesus bilang bagitu, orang-orang Yahudi ambe batu lagi mo lempar kase mati pa Dia.

Yohanes 8:6

Dorang tanya bagitu untuk tes pa Yesus, supaya kalu Dia jawab sala, dorang ada alasan untuk kase sala pa Dia. Tapi Yesus cuma maruku kong batulis deng Dia pe jari di tana.

Yohanes 7:25

Babarapa orang di kota Yerusalem dengar apa yang Yesus bilang, turus dorang bilang, “Dia ini kaapa Orang yang torang pe pemimpin-pemimpin cari-cari la mo bunu?

Yohanes 5:44

Ngoni suka dapa puji deng hormat dari orang, tapi ngoni tara biking Tuhan Allah pe mau supaya ngoni dapa puji dari Tuhan Allah yang cuma satu itu. Jadi, tara mungkin ngoni mo percaya pa Kita.

Matius 13:15

Karna orang-orang bangsa ini karas kapala. Dorang pe talinga tara mau badengar, deng dorang pe mata me dorang tutu kuat-kuat, supaya jang dorang lia deng dong pe mata, jang dorang dengar deng dong pe talinga, deng jang dorang mangarti deng dong pe hati. Jadi dorang tara mau bertobat, kong Kita tara akan kase slamat pa dorang.’

Yohanes 8:33

Kong dorang bilang pa Dia, “Torang ini Abraham pe turunan, kong torang tara perna jadi orang karja yang taika deng dia pe tuang. Jadi bagimana kong Bapa bilang, torang ini mo bebas?”

Matius 3:9

Jang ngoni kira ngoni so bebas dari hukuman karna ngoni Abraham pe turunan. Kita bilang pa ngoni, kalu Tuhan Allah mau, Dia bisa biking batu-batu ini jadi Abraham pe turunan.

Yohanes 8:56

Ngoni pe orang tua dulu-dulu Abraham sanang skali waktu dia masi hidup, barang dia tau Tuhan Allah pe janji, nanti dia mo lia Kita datang. Kong skarang waktu Kita datang, Abraham so lia Kita so datang, jadi dia sanang skali.”

1 Yohanes 2:14

Ana-ana, kita tulis surat ini pa ngoni, karna ngoni so kanal pa Tuhan Allah, torang pe Bapa. Bapa-bapa, kita tulis surat ini pa ngoni, barang ngoni so kanal pa Dia yang so ada dari dulu waktu dunia bolong ada. Kita me tulis surat ini pa ngoni pemuda-pemuda, karna ngoni pe percaya kuat, Tuhan Allah pe firman ada di ngoni pe hati, deng ngoni so kase kala pa Iblis, setang-setang pe raja.