Yohanes 8:17 - Perjanjian Baru Bahasa Melayu Maluku Utara

¹⁷ Di ngoni pe aturan-aturan di lima kitab Musa ada tatulis bagini: kalu mo basaksi tentang satu hal, musti ada dua orang yang basaksi supaya tau itu butul.

Yohanes 8:17 Referans Kwoze

Ibrani 10:28

Dulu, sapa saja yang tara iko aturan-aturan di lima kitab Musa, orang itu pasti dapa hukuman mati, kong tara dapa ampun, asal ada dua atau tiga orang yang basaksi bilang dia itu sala. Kalu ada dua atau tiga orang yang lia dia tara iko aturan itu kong dong sama-sama basaksi bilang dia sala, orang itu dapa hukum.

Matius 18:16

Tapi kalu sudara itu tara mau tarima dia sala, bawa lagi satu atau dua orang sama-sama deng ngoni, kong ngoni pigi pa dia. Ngoni biking bagitu karna ada tatulis di Kitab Suci bagini, ‘Kalu ada orang yang dapa tudu biking sala, musti ada dua atau tiga orang yang jadi saksi untuk bilang orang itu sala.’

Galatia 3:24

Jadi waktu itu, aturan-aturan di lima kitab Musa itu jadi sama deng torang pe guru yang ajar deng pimpin pa torang sampe di waktu Yesus Kristus datang di dunia. Waktu Yesus Kristus datang, sapa saja yang percaya pa Dia, Tuhan Allah biking dia jadi orang yang tara sala pa Tuhan Allah pe muka.

2 Korintus 13:1

Ini akan jadi yang ketiga kali kita mo pigi lia pa ngoni. Inga apa yang so tatulis di Kitab Suci, “Kalu ada orang yang dapa tudu biking sala, musti ada dua atau tiga orang yang jadi saksi untuk bilang orang itu sala.”

Wahyu 11:3

Kita akan utus dua orang untuk jadi Kita pe saksi, supaya dorang mo kase tau Kita pe pasáng tentang apa yang akan jadi nanti. Dorang mo kase tau pasáng itu pa orang-orang selama saribu dua ratus anam pulu ribu hari. Dorang akan pake baju duka karna sedi deng apa yang mo jadi di kota itu.”

Galatia 4:21

Ee, ngoni sudara-sudara yang mau hidup iko aturan-aturan di lima kitab Musa, ngoni musti mangarti dulu aturan-aturan itu pe maksut. Jang sampe ngoni tara mangarti conto yang tatulis di Kitab Suci.

1 Yohanes 5:9

Kalu manusia jadi saksi, torang percaya apa yang dia kase tau, apa lagi kalu Tuhan Allah yang jadi saksi, torang musti lebe percaya. Barang, yang Tuhan Allah kase tau itu tentang Dia pe Anak sandiri.

Yohanes 15:25

Tapi biar suda dorang binci pa Kita, supaya apa yang so tatulis di Kitab Suci, memang mo jadi. Bagini yang tatulis, ‘Dorang binci pa Kita tapi tara ada dia pe alasan.’

Yohanes 10:34

Turus, Yesus bilang pa dorang, “Di lima kitab Musa yang ngoni pegang kuat itu, so tatulis yang Tuhan Allah bilang dulu itu bagini, ‘Ngoni itu sama deng allah’.