Yohanes 7:36 - Perjanjian Baru Bahasa Melayu Maluku Utara

³⁶ Deng apa Dia pe maksut waktu Dia bilang torang akan cari pa Dia, tapi torang tara akan dapa pa Dia? Turus Dia bilang lagi di tampa yang Dia mo pigi itu, torang tara bisa ka sana. Kira-kira Dia pe maksut apa e?”

Yohanes 7:36 Referans Kwoze

Yohanes 3:9

Kong Nikodemus tanya pa Yesus, “Bagimana kong bisa bagitu?”

Yohanes 7:34

Ngoni nanti mo cari pa Kita, tapi ngoni tara akan dapa pa Kita, karna ngoni tara dapa pigi di tampa yang Kita mo pigi itu.”

1 Korintus 2:14

Tapi orang-orang yang cuma iko manusia pe mau, dorang tara tarima ajaran dari Tuhan Allah pe Roh. Dorang anggap itu sama deng orang-orang bodo pe carita saja. Ajaran dari Roh Kudus itu dorang tara bisa mangarti, tapi ajaran itu orang bisa mangarti cuma kalu Roh Kudus yang bantu pa dorang untuk mangarti.

Yohanes 12:34

Kong orang banya itu bilang, “Di lima kitab Musa, Tuhan Allah janji mo utus Mesias, Raja yang mo kase slamat pa manusia. Tuhan Allah bilang Raja itu tetap mo hidup sampe slama-lamanya. Jadi, bagimana kong Bapa bilang, Bapa itu Anak Manusia yang mo dapa angka di atas bumi, abis itu mati? Sebenarnya yang Bapa maksut itu sapa?”

Yohanes 6:60

Waktu orang yang jaga iko pa Yesus dengar apa yang Yesus bilang itu, banya dari dorang baku bilang, “Ajaran itu talalu barát. Tara mungkin orang bisa tarima ajaran itu.”

Yohanes 6:52

Pe dengar itu, pemimpin-pemimpin agama Yahudi baku malawang kong bilang, “Ii, Dia so bicara apa lagi ini? Bagimana kong Dia bisa kase Dia pe badan untuk torang makang?”

Yohanes 6:41

Kong orang-orang agama Yahudi bafeto tentang Yesus, barang Dia bilang Dia itu suda makanang yang so turung dari sorga.

Yohanes 3:4

Turus Nikodemus bilang pa Dia, “Masa orang tua mo bale lahir ulang? Tara mungkin dia bole mo maso ulang pa dia pe mama pe dalam puru kong lahir ulang.”

Yohanes 8:21

Jadi, Yesus bicara lagi waktu Dia sementara mangajar di Ruma Ibada Pusat pe kompleks bagini, “Kita mo pigi di tampa laeng, deng ngoni mo cari-cari pa Kita, tapi ngoni tara dapa pa Kita. Ngoni tara percaya pa Kita, jadi waktu ngoni mati, ngoni pe dosa-dosa tara dapa ampun. Kong di tampa yang Kita mo pigi itu, ngoni tara mungkin pigi di situ.”

Yohanes 13:33

Ee, Kita pe ana-ana, so tara lama lagi Kita so tara sama-sama deng ngoni. Ngoni ini mo cari pa Kita, tapi sama deng tempo hari Kita so bilang pa pemimpin-pemimpin agama Yahudi, Kita bilang itu lagi pa ngoni, ‘Di tampa yang Kita mo pigi, ngoni tara akan bisa mo pigi di situ.’