Yohanes 7:15 - Perjanjian Baru Bahasa Melayu Maluku Utara

¹⁵ Pemimpin-pemimpin agama Yahudi herang skali, kong dorang baku bilang, “Orang ini tau skali tentang aturan-aturan di lima kitab Musa, padahal Dia itu tara perna balajar sama deng torang.”

Yohanes 7:15 Referans Kwoze

Lukas 4:22

Kong samua orang di situ yang dengar apa yang Dia bilang, kase iyo deng jadi herang deng Dia pe kata-kata pe bagus. Tapi abis itu dorang bilang bagini, “Dia itu cuma Yusuf pe Anak, to?”

Matius 13:54

Pe sampe di Dia pe kampong di Nazaret, Yesus mangajar di ruma ibada agama Yahudi di situ. Kong orang-orang jadi herang skali, turus bilang, “Dia tau ajaran itu dari mana? Turus sapa yang kase kuasa pa Dia la biking mujizat-mujizat itu?

Kisah Para Rasul 26:24

Waktu Paulus masi babela dia pe diri, gubernur Festus potong Paulus pe bicara. Dia bicara kuat-kuat bagini, “So gila ngana, Paulus! Ngana so talalu banya balajar jadi ngana pe pikiran me so tara butul.”

Yohanes 7:46

Penjaga-penjaga itu jawab, “Bolong perna ada orang yang bicara pe bagus macam deng Dia itu.”

Lukas 2:47

Samua orang yang dengar Yesus pe bicara, dorang jadi taherang-herang, barang Dia mangarti skali deng Dia bajawab butul samua.

Matius 22:22

Pe dengar itu, dorang herang deng so tara dapa akal lagi mo cari Yesus pe sala, jadi dong pigi kase tinggal pa Dia.

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Matius 22:33

Waktu orang banya yang ada di situ dengar apa yang Yesus bilang, dorang herang, barang dorang suka skali deng Dia pe ajaran itu.

Yohanes 7:11

Pe pas waktu hari raya di Yerusalem itu, pemimpin-pemimpin agama Yahudi cari-cari pa Yesus di acara itu, dorang babatanya, “Orang itu di mana e?”

Yohanes 7:13

Tapi tara ada satu orang yang barani bicara di orang banya pe muka tentang Dia, karna dorang tako pa pemimpin-pemimpin agama Yahudi itu.

Kisah Para Rasul 4:13

Orang-orang yang urus Petrus deng Yohanes pe perkara itu jadi herang, karna dorang lia Petrus deng Yohanes barani skali bicara. Apalagi dorang tau dong dua itu orang biasa yang tara skola. Dari situ baru dorang kanal, dua orang itu yang jaga iko-iko pa Yesus.