Yesus bilang pa dia, “Orang yang sementara bapacol tapi salalu balia ka balakang, dia pe karja jadi tara butul. Bagitu lagi deng orang yang mau jadi Tuhan Allah pe umat yang Dia Berkuasa sebagai Raja, orang itu so tara bole inga hal-hal laeng lagi.”
Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.
Tapi Kita pe umat yang hidup butul pa Tuhan Allah pe muka, dorang itu hidup cuma bagantong deng dorang pe percaya pa Kita. Tapi kalu ada dari dorang yang so tara mau percaya lagi, Kita tara akan sanang deng dia.”
Waktu orang yang jaga iko pa Yesus dengar apa yang Yesus bilang itu, banya dari dorang baku bilang, “Ajaran itu talalu barát. Tara mungkin orang bisa tarima ajaran itu.”
Karna Kreskes so pigi di Galatia, deng Titus so pigi di Dalmatia. Kong Demas so kase tinggal pa kita karna dia lebe suka iko hal-hal di dunia ini. Jadi dia so barangkat di Tesalonika.
Jadi, Yesus pe sudara-sudara baterek pa Dia, “Pigi suda kase tinggal tampa ini. Lebe bae Ngana pigi iko hari raya di daera Yudea, supaya orang banya yang jaga iko pa Ngana me bole lia mujizat-mujizat yang Ngana biking.