Yohanes 6:52 - Perjanjian Baru Bahasa Melayu Maluku Utara

⁵² Pe dengar itu, pemimpin-pemimpin agama Yahudi baku malawang kong bilang, “Ii, Dia so bicara apa lagi ini? Bagimana kong Dia bisa kase Dia pe badan untuk torang makang?”

Yohanes 6:52 Referans Kwoze

Yohanes 10:19

Pe dengar Yesus bilang bagitu, orang-orang agama Yahudi mulai baku malawang, dorang deng dorang. Banya dari dorang yang bilang,

Yohanes 9:16

Kong ada dari dorang yang aliran Farisi itu bilang, “Orang yang kase sembu pa orang ini, tara mungkin Tuhan Allah yang utus, barang Dia tara iko aturan agama tentang hari Sabat.” Tapi yang laeng bilang, “Kalu Dia orang berdosa, tara mungkin dia bisa biking mujizat macam bagitu.” Kong dorang deng dorang baku malawang tara abis-abis.

Yohanes 6:41

Kong orang-orang agama Yahudi bafeto tentang Yesus, barang Dia bilang Dia itu suda makanang yang so turung dari sorga.

1 Korintus 2:14

Tapi orang-orang yang cuma iko manusia pe mau, dorang tara tarima ajaran dari Tuhan Allah pe Roh. Dorang anggap itu sama deng orang-orang bodo pe carita saja. Ajaran dari Roh Kudus itu dorang tara bisa mangarti, tapi ajaran itu orang bisa mangarti cuma kalu Roh Kudus yang bantu pa dorang untuk mangarti.

Kisah Para Rasul 17:32

Waktu orang-orang Atena itu dengar orang mati bole hidup ulang, babarapa dari dorang cuma kase tatawa pa Paulus. Tapi yang laeng bilang pa Paulus, “Torang masi suka mo dengar lagi yang ngana bilang tadi.”

Yohanes 4:11

Turus parampuang itu bilang, “Bapa, parigi ini dolom skali, baru Bapa tarada timba. Dari mana Bapa mo dapa aer hidup itu kong?

Yohanes 3:9

Kong Nikodemus tanya pa Yesus, “Bagimana kong bisa bagitu?”

Yohanes 3:4

Turus Nikodemus bilang pa Dia, “Masa orang tua mo bale lahir ulang? Tara mungkin dia bole mo maso ulang pa dia pe mama pe dalam puru kong lahir ulang.”

Yohanes 1:19

Satu kali bagini, Yohanes Pembaptis sementara kase tau pa orang-orang sapa itu yang Tuhan Allah ada utus untuk datang kase slamat pa dorang, kong ada babarapa imam deng orang-orang dari suku Lewi yang jaga layani di Ruma Ibada Pusat, dorang datang pa dia. Dorang dapa utus dari pemimpin-pemimpin agama Yahudi untuk batanya pa Yohanes bagini, “Ngana ini sebenarnya sapa?”

Yohanes 6:60

Waktu orang yang jaga iko pa Yesus dengar apa yang Yesus bilang itu, banya dari dorang baku bilang, “Ajaran itu talalu barát. Tara mungkin orang bisa tarima ajaran itu.”