Yohanes 6:45 - Perjanjian Baru Bahasa Melayu Maluku Utara

⁴⁵ Ada tatulis di nabi-nabi pe kitab bagini, ‘Tuhan Allah mo kase ajar pa dorang samua.’ Kong tiap orang yang so dengar deng tarima ajaran dari Kita pe Bapa, akan datang iko pa Kita.

Yohanes 6:45 Referans Kwoze

Ibrani 10:16

“Tuhan Allah bilang bagini, ‘Nanti Kita mo biking janji yang baru deng dorang. Kita akan taru Kita pe aturan-aturan di dorang pe hati, deng tulis itu pa dong pe pikiran.’ ”

1 Tesalonika 4:9

Turus tentang bagimana cara ngoni hidup baku sayang deng sudara-sudara yang percaya, kita rasa itu so tara perlu torang mo kase ajar lagi, barang Tuhan Allah sandiri so kase ajar pa ngoni.

Yohanes 6:65

Turus Yesus bilang, “Karna ada dari ngoni yang tara percaya, itu Kita pe maksut waktu Kita so bilang pa ngoni, tara ada orang biar cuma satu lagi yang bole mo datang iko pa Kita, kalu Bapa tara biking sampe dia bisa datang.”

Yohanes 6:37

Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Efesus 1:17

Kita berdoa pa Tuhan Allah, torang pe Tuhan Yesus Kristus pe Bapa yang hebat. Kita minta supaya Dia pe Roh pe kuasa buka ngoni pe pikiran deng biking ngoni lebe mangarti tentang Tuhan Allah, sampe ngoni kanal pa Dia lebe dalam lagi.

Yohanes 10:27

Barang, Kita pe umat dengar Kita pe suara kong Kita kanal pa dorang, turus dong iko pa Kita, sama deng domba iko dia pe gembala.

Lukas 18:31

Yesus kase kumpul pa Dia pe dua blas murit, kong bilang pa dorang, “Dengar e! Skarang torang mo pigi ka atas di kota Yerusalem. Di sana, samua yang nabi-nabi so tulis tentang Anak Manusia yang dari sorga itu mo jadi.

Lukas 1:70

Tuhan Allah janji dari dulu, kong Dia pe nabi-nabi yang kudus kase tau Dia pe janji-janji bagini:

Markus 1:2

Dari dulu, Kabar Bae ini so tatulis di kitab nabi Yesaya bagini, “Perhatikan e! Kita mo suru Kita pe utusan datang kamuka dari Ngana. Dia itu yang mo buka jalang untuk Ngana, supaya orang pe hati siap mo tarima pa Ngana.

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Kisah Para Rasul 7:42

Pe lia itu, Tuhan Allah so tara mester pa dorang lagi, kong kase biar dorang semba bintang-bintang di langit. Samua itu jadi, sama deng yang nabi-nabi so tulis memang di Kitab Suci bagini, ‘Ee, orang-orang Israel! Selama ampa pulu taong ngoni tinggal di padang gurun itu, ngoni tara perna kase binatang korban persembahan pa Kita.

Kisah Para Rasul 13:40

Jadi skarang, ngoni musti bae-bae, supaya apa yang Tuhan Allah bilang dulu itu pa Dia pe nabi-nabi, tara mo jadi pa ngoni. Bagini yang Tuhan Allah bilang,

Filipi 3:15

Jadi mari suda, torang yang so butul-butul percaya pa Tuhan Yesus, torang samua musti hidup sama deng yang kita so bilang itu. Tapi kalu ada dari ngoni yang pikir laeng dari apa yang kita so bilang itu, nanti Tuhan Allah sandiri yang tolong pa dorang untuk biking dorang mangarti.

1 Yohanes 2:27

Tapi untuk ngoni sandiri, Tuhan Allah so kase Roh Kudus untuk kuasai pa ngoni. Roh itu masi tetap ada pa ngoni, jadi ngoni so tara perlu lagi orang laeng ajar. Roh Kudus itu so ajar pa ngoni tentang samua hal. Apa yang Dia kase ajar itu butul deng tara foya. Kong karna ngoni so tarima ajaran itu dari Dia, ngoni musti tetap hidup satu hati deng Yesus Kristus.