Yohanes 6:37 - Perjanjian Baru Bahasa Melayu Maluku Utara

³⁷ Samua orang yang Kita pe Bapa kase percaya pa Kita, dorang itu mo datang pa Kita. Kong sapa saja yang datang pa Kita, Kita tara akan tolak pa dia.

Yohanes 6:37 Referans Kwoze

Matius 11:28

Mari suda datang pa Kita, ngoni samua yang lala deng banya beban, kong Kita mo kase lapas pa ngoni dari samua itu supaya ngoni pe hati jadi tenang.

Yohanes 6:39

Dia pe mau itu supaya samua orang yang Dia so kase pa Kita, tara akan mati slama-lamanya, tapi di hari kiamat, Kita mo kase hidup ulang pa dorang.

Yohanes 17:24

Bapa, Kita ingin dorang yang Bapa so kase pa Kita itu salalu ada sama-sama deng Kita di Kita pe tampa tinggal nanti, supaya dorang bisa lia Kita pe kuasa yang luar biasa. Kuasa yang luar biasa itu Bapa so kase pa Kita karna Bapa sayang pa Kita dari waktu dunia bolong ada.

Yohanes 17:6

Yesus masi berdoa turus, Dia bilang, “Bapa, orang-orang yang Bapa so kase pa Kita di dunia ini, Kita so kase ajar pa dorang sampe dong kanal pa Bapa. Dorang itu Bapa punya yang Bapa kase pa Kita, kong skarang dorang so iko Bapa pe firman.

Yohanes 17:2

Barang, Bapa so kase kuasa pa Kita untuk berkuasa pa samua orang yang ada di dunia ini, supaya samua orang yang Bapa so kase pa Kita, Kita bole kase hidup deng Bapa slama-lamanya.

Ibrani 4:15

Barang, Yesus Kristus torang pe Imam Basar itu, Dia mangarti skali torang manusia ini tara kuat kong gampang tagoda biking barang jahat. Karna waktu Dia di dunia, Dia me perna dapa goda macam-macam sama deng torang, cuma Dia tara perna tagoda sampe biking dosa.

2 Timotius 2:19

Biar bagitu me, Tuhan Allah pe ajaran tetap kuat sama deng ruma pe fandasi. Di Tuhan Allah pe ajaran itu so tatulis bagini, “Tuhan Allah kanal Dia pe umat” deng “Sapa saja yang bilang, dia itu Tuhan Allah pe umat, dia musti berenti biking yang jahat”.

1 Timotius 1:16

Tapi biar bagitu, Kristus Yesus kase tunju Dia pe rasa kasiang pa kita deng Dia tara hukum pa kita. Apalagi, karna kita ini orang yang paling berdosa, Yesus Kristus kase tunju Dia pe sabar pa kita. Deng bagitu kita jadi conto untuk orang laeng yang berdosa, supaya dorang me bole percaya pa Yesus Kristus la hidup deng Tuhan Allah slama-lamanya.

Yohanes 6:65

Turus Yesus bilang, “Karna ada dari ngoni yang tara percaya, itu Kita pe maksut waktu Kita so bilang pa ngoni, tara ada orang biar cuma satu lagi yang bole mo datang iko pa Kita, kalu Bapa tara biking sampe dia bisa datang.”

Roma 5:20

Tuhan Allah kase aturan di lima kitab Musa supaya manusia tau persis, dorang so paling banya biking dosa. Tapi biar manusia pe dosa tamba banya, Tuhan Allah pe bae pa manusia lebe tamba banya.

Wahyu 22:17

Kong Tuhan Allah pe Roh deng pengantin parampuang itu bilang, “Mari suda!” Sapa saja yang dengar itu, lebe bae dia bilang, “Mari suda!” Sapa yang aus, lebe bae dia datang. Deng sapa yang mau minum, lebe bae dia ambe aer deng cuma-cuma, aer yang biking orang hidup deng Tuhan Allah slama-lamanya.

1 Yohanes 2:19

Dorang yang musu pa Yesus Kristus itu, dulu dorang satu jemaat deng torang. Tapi dorang so kaluar dari torang. Kalu dorang butul iko Tuhan sama deng torang, dorang tara kase tinggal pa torang. Tapi biar bagitu suda, supaya torang tau, dorang itu tara sama deng torang yang iko pa Tuhan.

Ibrani 7:25

Kong karna Dia Imam slama-lamanya, Dia ada kuasa kase slamat pa orang-orang yang mau datang pa Tuhan Allah, dari skarang sampe slama-lamanya. Dia kase slamat pa torang, barang Dia hidup slama-lamanya untuk kase berdoa pa torang pa Tuhan Allah.

Matius 24:24

Karna nanti ada banya orang datang bilang kata, dorang Mesias, atau bilang kata, dorang nabi yang kase turus Tuhan Allah pe pasáng. Deng dorang me biking mujizat-mujizat deng tanda-tanda yang kase tunju dong pe kuasa yang hebat, supaya orang percaya pa dorang kong jang percaya pa Tuhan yang butul lagi. Deng kalu bisa, dorang me mo biking sesat pa orang-orang yang Tuhan Allah so pili.

Filipi 1:29

Jang ngoni tako, karna Tuhan Allah kase Dia pe bae pa ngoni bukang supaya ngoni percaya pa Yesus Kristus saja, tapi Dia me ator supaya ngoni dapa siksa dari orang yang tara percaya, kong deng bagitu, Yesus Kristus dapa puji.

Yohanes 17:11

Kita tara lama lagi di dunia ini karna Kita mo pigi pa Bapa, tapi dorang akan tetap ada di dunia ini. Ya Bapa yang kudus, tolong jaga pa dorang pake Bapa pe kuasa yang Bapa so kase pa Kita, supaya dorang bole jadi satu hati satu deng yang laeng, sama deng Kita deng Bapa lagi so satu.

Yohanes 9:34

Kong dorang bilang pa dia, “Ee, ngana ini so berdosa memang dari ngana lahir, kong masa ngana mo ajar pa torang lagi?” Kong mulai waktu itu suda, dorang larang pa dia maso di ruma ibada agama Yahudi.