Yohanes 6:27 - Perjanjian Baru Bahasa Melayu Maluku Utara

²⁷ Jang ngoni cuma cari-cari makanang yang biasa torang jaga makang di dunia ini, karna makanang itu capat mo abis deng mo busu. Tapi ngoni musti berusaha karas supaya dapa makanang dari sorga yang tara akan busu, kong bole biking ngoni hidup deng Tuhan Allah slama-lamanya. Makanang itu yang Anak Manusia mo kase pa ngoni, barang Tuhan Allah so kase kuasa itu pa Anak Manusia.”

Yohanes 6:27 Referans Kwoze

Kolose 3:2

Ngoni pikir suda turus hal-hal yang ada di sorga, bukang hal-hal yang ada di dunia.

Yohanes 6:54

Sapa saja yang makang Kita pe badan deng minum Kita pe dara, dia mo dapa hidup deng Tuhan Allah slama-lamanya, kong Kita mo kase hidup ulang pa dia di hari kiamat.

2 Timotius 2:19

Biar bagitu me, Tuhan Allah pe ajaran tetap kuat sama deng ruma pe fandasi. Di Tuhan Allah pe ajaran itu so tatulis bagini, “Tuhan Allah kanal Dia pe umat” deng “Sapa saja yang bilang, dia itu Tuhan Allah pe umat, dia musti berenti biking yang jahat”.

Yohanes 6:40

Barang, ini yang Kita pe Bapa mau: Dia mau supaya tiap orang yang lia pa Dia pe Anak kong percaya pa Anak itu, dorang itu mo dapa hidup deng Tuhan Allah slama-lamanya, deng nanti di hari kiamat, Kita mo kase hidup ulang pa dorang.”

Roma 6:23

Karna orang yang jaga biking dosa, dia pe akibat dia mo mati kong tapisa deng Tuhan Allah slama-lamanya. Tapi Tuhan Allah kase deng cuma-cuma hidup deng Dia slama-lamanya karna torang so satu hati deng Kristus Yesus, torang pe Tuhan.

Yohanes 10:28

Kong Kita mo biking dorang hidup deng Tuhan Allah slama-lamanya deng dong pasti tara akan mati sampe slama-lamanya. Deng tarada satu orang yang bisa rampas pa dorang dari Kita pe tangan.

Yohanes 6:51

Kita ini suda makanang yang so turung dari sorga, yang bole kase hidup pa manusia. Sapa saja yang makang makanang ini, dia akan dapa hidup deng Tuhan Allah slama-lamanya. Kong makanang yang Kita mo kase itu, Kita pe badan suda, yang Kita mo kase pa samua orang di dunia ini supaya dorang bole hidup.”

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Yohanes 17:2

Barang, Bapa so kase kuasa pa Kita untuk berkuasa pa samua orang yang ada di dunia ini, supaya samua orang yang Bapa so kase pa Kita, Kita bole kase hidup deng Bapa slama-lamanya.

Matius 6:19

Yesus bilang lagi, “Jang ngoni kumpul harta di dunia, karna gai deng karat mo kase rusak, deng papancuri mo bulengkar kong ambe harta itu.

Yohanes 6:58

Kita ini suda makanang yang so turung dari sorga. Kita ini tara sama deng manna yang torang pe orang tua dulu-dulu makang di padang gurun, barang, biar dorang makang, dorang tetap mati. Tapi sapa saja yang makang makanang yang dari sorga ini, dia akan hidup deng Tuhan Allah slama-lamanya.”

2 Petrus 1:17

Perna satu kali, torang nae gunung yang kudus satu sama-sama deng Yesus. Di situ torang dengar sandiri suara dari sorga, suara itu dari Tuhan Allah, torang pe Bapa yang paling hebat. Dia puji deng hormat pa Yesus, bilang bagini, “Ini Kita pe Anak yang Kita sayang. Dia biking Kita pe hati sanang.”

Filipi 2:13

Barang, Tuhan Allah sandiri yang bakarja di ngoni pe hati, supaya ngoni mau deng mampo iko apa yang Dia ingin ngoni biking.

1 Petrus 1:24

Karna di Kitab Suci ada tatulis bagini, “Manusia pe hidup deng pe hebat tara mo tahang lama. Manusia sama deng rumpu yang babunga bagus, tapi tara lama bunga itu mo jatu, turus rumpu itu mo kiring,

Lukas 3:22

Turus, Roh Kudus datang pa Dia. Roh itu pe model sama deng burung pombo. Kong dapa dengar Tuhan Allah pe suara dari langit bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

1 Tesalonika 1:3

Tiap kali torang berdoa pa Tuhan Allah torang pe Bapa, torang inga pa ngoni jemaat di kota Tesalonika. Torang inga samua yang ngoni biking karna ngoni pe percaya. Torang inga ngoni pe bae pa orang-orang karna ngoni sayang pa dorang. Torang inga lagi bagimana ngoni tetap biking barang yang bae biar ngoni dapa susa, karna ngoni salalu batahang percaya deng yakin pa Yesus Kristus, torang pe Tuhan.

Kolose 1:29

Karna itu, kita berusaha sunggu-sunggu biking kita pe karja ini pake kekuatan yang luar biasa, yang Yesus Kristus kase pa kita.

Yohanes 3:33

Tapi sapa yang percaya deng apa yang Dia kase tau itu, orang itu setuju, samua yang Tuhan Allah bilang itu butul.

Kisah Para Rasul 2:22

Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau.

Yohanes 6:68

Tapi Simon Petrus bilang pa Dia, “Guru, torang mo pigi pa sapa lagi? Cuma Guru pe ajaran yang kase tau bagimana torang bole dapa hidup deng Tuhan Allah slama-lamanya.

Lukas 9:35

Dorang dengar suara dari dalam awan itu bagini, “Ini Kita pe Anak yang Kita so pili. Dengar suda pa Dia!”

Ibrani 12:16

Ngoni jaga supaya jang ada dari ngoni yang baseks sabarang. Jang lagi ada yang tara hormati pa Tuhan Allah sama deng dulu Esau. Esau itu ada hak untuk dapa janji berkat dari Tuhan Allah, tapi dia pandang enteng janji berkat itu kong jual dia pe hak sebagai ana yang tua, cuma untuk makanang satu piring.

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

Ibrani 4:11

Jadi, mari suda torang berusaha supaya torang bole baistrahat sama-sama deng Tuhan Allah. Jang sampe ada satu dari torang yang tara dapa baistrahat itu karna dia iko torang pe orang tua dulu-dulu pe sifat yang tara dengar-dengaran pa Tuhan Allah.

Kolose 2:22

Tara usa iko suda! Aturan-aturan itu manusia anggap penting jadi suru orang iko, padahal aturan-aturan itu cuma tentang makang deng minum yang tara tahang lama, abis makang deng minum, so abis suda.

1 Korintus 9:2

Kong biar orang laeng tara percaya kita ini rasul, tapi ngoni percaya kita ini rasul, karna ngoni percaya pa Tuhan waktu kita kase tau firman pa ngoni. Itu bukti kita ini memang rasul.

1 Korintus 6:13

Ada lagi yang bilang bagini, “Makanang ada dia pe guna untuk tong pe puru, kong tong pe puru Tuhan Allah biking untuk perlu makanang.” Tapi nanti waktu kiamat, dua-dua itu Tuhan Allah akan kase ancor. Tapi biar Tuhan Allah mo kase ancor, torang tara bole pake tong pe badan untuk baseks sabarang. Torang musti pake tong pe badan ini untuk biking Tuhan pe mau, kong Tuhan lagi yang akan jaga tong pe badan.

Roma 4:11

Jadi Abraham so percaya dulu pa Tuhan Allah, baru dia dapa sunat. Kong sunat itu yang jadi tanda, Tuhan Allah so tarima pa dia jadi orang yang tara sala karna dia pe percaya pa Tuhan Allah. Deng karna dia pe percaya itu, Abraham jadi samua orang yang percaya pe papa. Biar orang-orang yang percaya itu tara sunat, Tuhan Allah tetap tarima pa dorang jadi orang yang tara sala, karna dorang pe percaya.

Yohanes 15:24

Kalu misalnya Kita tara biking mujizat-mujizat sama deng yang orang laeng tara perna biking, pasti Tuhan Allah tara bilang dorang itu berdosa kalu dorang binci pa Kita. Tapi ini, dorang so lia mujizat-mujizat yang Kita biking, tapi dorang tetap binci pa Kita deng pa Kita pe Bapa lagi.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Yohanes 11:42

Kita tau, Bapa salalu dengar pa Kita, tapi karna banya orang di sini, jadi Kita bilang deng suara kuat, supaya dorang percaya Bapa yang so utus pa Kita.”

Yohanes 8:18

Bagitu lagi, ada dua yang basaksi tentang Kita: Kita pe diri sandiri, deng Bapa yang so utus pa Kita.”

Markus 9:7

Turus, awan turung tutu pa dorang. Kong, dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dengar suda pa Dia!”

Markus 1:11

Kong, dapa dengar Tuhan Allah pe suara dari sorga bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”

Yakobus 1:11

Waktu matahari nae kong panas kanal di bunga, bunga itu jadi layu kong jatu, kong dia pe bagus me ilang. Bagitu lagi deng orang kaya, waktu dia sementara sibuk deng karja untuk cari doi lebe banya, dia pe hidup di dunia ini me akan abis.

2 Korintus 4:18

Sudara-sudara, sengsara itu torang rasa cuma selama tong ada di dunia ini saja. Jadi jang cuma torang perhatikan apa yang tong dapa lia deng mata kapala sandiri saja. Tapi perhatikan suda apa yang torang akan dapa nanti, yang Tuhan Allah so kase sadia untuk torang di sorga, karna itu yang akan ada sampe slama-lamanya.

Matius 8:20

Yesus bilang pa dia pake umpama bagini, “Anjing utang ada dia pe tampa batidor. Bagitu lagi deng burung, ada dia pe sarang. Tapi Anak Manusia yang dari sorga, tara ada tampa untuk baistrahat.”

Matius 25:46

Turus Yesus bilang lagi, “Orang-orang yang jahat itu akan pigi ka sana di api yang tara mati-mati itu slama-lamanya. Tapi orang yang hidup biking barang yang butul, akan hidup deng Tuhan Allah slama-lamanya.”

Yohanes 3:15

supaya sapa saja yang percaya pa Anak Manusia bole mo dapa hidup deng Tuhan Allah slama-lamanya.

Yohanes 6:47

Dengar bae-bae yang Kita bilang ini. Sapa saja yang percaya pa Kita, dia itu so dapa hidup deng Tuhan Allah slama-lamanya.

Yohanes 6:53

Kong Yesus bilang pa dorang, “Dengar bae-bae yang Kita mo bilang ini. Kalu ngoni tara makang Kita Anak Manusia pe badan deng tara minum Kita pe dara, ngoni tara dapa hidup deng Tuhan Allah slama-lamanya.

Yohanes 6:62

Kalu ngoni tara sanang deng Kita pe ajaran ini, bagimana lagi kalu ngoni lia Anak Manusia taangka di sorga, bale pa Dia pe tampa yang dulu?