Yohanes 6:15 - Perjanjian Baru Bahasa Melayu Maluku Utara

¹⁵ Yesus tau dorang so mo datang la mo paksa pa Dia untuk jadi dong pe raja. Jadi, Dia pigi basandiri lagi di gunung.

Yohanes 6:15 Referans Kwoze

Yohanes 18:36

Kong Yesus bilang pa dia, “Kita pe kerajaan bukang dari dunia ini. Barang, kalu Kita jadi Raja di dunia ini, pasti orang-orang yang jaga biking apa yang Kita suru so datang baku prang untuk bela pa Kita, supaya Kita tara dapa serakan pa pemimpin-pemimpin agama Yahudi. Tapi Kita pe kerajaan memang bukang di dunia ini.”

Lukas 19:38

Dorang bilang, “Puji pa Dia yang Tuhan Allah so utus datang kamari sebagai Raja! Skarang Tuhan Allah di sorga deng manusia di dunia so baku dame. Mari torang puji deng hormat pa Tuhan Allah yang Paling Tinggi!”

Markus 11:9

Orang-orang yang bajalang pa Yesus pe muka deng yang iko dari balakang, puji pa Dia deng suara kuat, “Hosana! Puji pa Dia yang Tuhan Allah so utus datang kamari.

Ibrani 4:13

Di langit deng di bumi me tarada satu yang tasambunyi dari Tuhan Allah. Barang, Dia bisa lia samua-samua, sampe torang pe pikiran deng hati me Dia tau. Kong nanti torang musti tanggung jawab pa Tuhan Allah samua-samua yang torang so biking.

Yohanes 5:41

Kita tara perlu manusia mo puji deng hormat pa Kita.

Yohanes 6:3

Kong Yesus nae di gunung satu, turus Dia dudu deng Dia pe murit-murit di situ.

Matius 5:1

Waktu Yesus lia ada bagitu banya orang yang iko pa Dia, Dia nae di bukit satu. Dia dudu ka bawa, kong Dia pe murit-murit ka sana badekat pa Dia.

Yohanes 6:22

Dia pe beso bagini, orang banya yang masi ada di talaga pe sabla, cari-cari pa Yesus. Dorang cari pa Dia karna dong tau kalamaring cuma ada satu parau di talaga pe pinggir kong Yesus pe murit-murit so nae di situ, tapi Yesus sandiri tara nae di parau itu.