Yohanes 5:34 - Perjanjian Baru Bahasa Melayu Maluku Utara

³⁴ Kita tara perlu sapa-sapa untuk basaksi tentang Kita, tapi Kita cuma mo bilang pa ngoni apa yang Yohanes kase tau tentang Kita itu, supaya ngoni percaya pa Kita la Tuhan Allah bole mo kase slamat pa ngoni.

Yohanes 5:34 Referans Kwoze

1 Yohanes 5:9

Kalu manusia jadi saksi, torang percaya apa yang dia kase tau, apa lagi kalu Tuhan Allah yang jadi saksi, torang musti lebe percaya. Barang, yang Tuhan Allah kase tau itu tentang Dia pe Anak sandiri.

Yohanes 20:31

Tapi samua yang so tatulis di kitab ini, itu ada tulis supaya ngoni percaya Yesus itu Mesias, Raja yang Tuhan Allah janji mo kase slamat pa manusia, deng Dia itu Anak Allah. Kalu ngoni so percaya pa Dia, ngoni mo dapa hidup deng Dia slama-lamanya.

1 Timotius 4:16

Ngana musti jaga bae-bae ngana pe cara hidup, deng jaga supaya ngana cuma ajar ajaran yang butul. Ngana musti biking samua itu turus. Kalu ngana biking samua itu, Tuhan Allah mo kase slamat pa ngana deng orang-orang yang dengar pa ngana.

1 Korintus 9:22

Waktu kita sama-sama deng orang yang dong pe percaya pa Tuhan Yesus bolong kuat, kita batamang deng dorang kong tara biking apa-apa yang dong anggap tara bagus, supaya kita bole pengaru pa dorang la jadi percaya kuat pa Tuhan Yesus, biar cuma sadiki orang dari dorang yang iko.

Roma 10:1

Sudara-sudara, kita ingin skali supaya orang-orang Yahudi yang satu bangsa deng kita bole dapa slamat dari dosa-dosa. Itu yang kita minta deng butul-butul pa Tuhan Allah.

Roma 3:3

Tapi ada dari torang orang Yahudi yang tara setia pa Tuhan Allah. Kalu bagitu, apa Tuhan Allah tara mau setia lagi deng Dia pe janji?

Yohanes 8:54

Yesus jawab, “Kalu Kita cari puji deng hormat, pujian itu tara ada dia pe guna. Tapi Kita pe Bapa yang puji deng hormat pa Kita. Kong Dia itu suda yang ngoni jaga bilang ngoni pe Tuhan Allah.

Yohanes 5:41

Kita tara perlu manusia mo puji deng hormat pa Kita.

Lukas 24:47

Deng nanti Kita pe umat mo bawa Kabar Bae pake Kita pe nama pa samua suku bangsa di dunia supaya dorang bertobat dari dorang pe dosa kong Tuhan Allah mo kase ampun pa dorang. Kong dorang mo kase tau Kabar Bae itu pa orang-orang, mulai dari kota Yerusalem.

Roma 12:21

Jadi, jang ngoni balas yang jahat pa orang yang biking jahat pa ngoni, supaya yang jahat itu tara kase kala pa ngoni. Tapi lebe bae ngoni balas yang bae pa dorang. Deng ngoni biking yang bae, itu berarti, ngoni so kase kala yang jahat.

Roma 10:21

Tapi tentang orang Israel, nabi Yesaya kase tau Tuhan Allah pe pasáng pa dorang bagini, “Siang malam Kita buka Kita pe tangan pa ngoni, supaya ngoni bale ulang pa Kita. Tapi, ngoni ini tara dengar-dengaran pa Kita, ngoni memang pangmalawang.”

Lukas 19:10

Kita bilang bagitu, karna Anak Manusia yang dari sorga datang untuk mo cari pa orang-orang yang jao dari Tuhan Allah deng kase slamat pa dorang.”

Lukas 13:34

Kasiang ngoni orang-orang Yerusalem! Ngoni yang bunu pa nabi-nabi yang jaga kase turus Tuhan Allah pe pasáng, deng ngoni me lempar deng batu sampe mati pa orang-orang yang Tuhan Allah utus pa ngoni. So ulang-ulang kali Kita ingin kumpul pa ngoni supaya dekat deng Kita, sama deng ayam mai yang tutu dia pe ana-ana deng dia pe sayap, tapi ngoni tara mau.

Yohanes 5:32

Tapi Tuhan Allah sandiri yang jadi saksi bilang butul Kita ini yang Dia utus, kong Kita tau apa yang Dia kase tau tentang Kita itu butul, jadi orang bole percaya.