Yohanes 4:46 - Perjanjian Baru Bahasa Melayu Maluku Utara

⁴⁶ Abis itu, Yesus bale lagi di Kana, di daera Galilea. Kana itu tampa yang Dia perna biking mujizat aer jadi anggur. Tara jao dari Kana, di kota Kapernaum, ada pegawai istana satu. Dia pe ana laki-laki ada saki.

Yohanes 4:46 Referans Kwoze

Lukas 8:42

Barang, dia pe ana yang cuma satu itu ada saki amper mati. Dia pe ana itu parampuang, dia pe umur kira-kira dua blas taong. Yesus pigi pa Yairus pe ruma. Sementara Yesus bajalang ka sana, ada orang banya skali yang baku-baku gepe mo badekat pa Yesus.

Lukas 7:2

Di kota itu, ada komandan kompi Roma satu. Dia ada orang karja satu yang paling dia sayang. Dia pe orang karja itu sementara saki karas deng amper mati.

Matius 15:22

Di situ ada ibu satu orang Kanaan yang pe asal dari daera itu, jadi dia bukang orang Yahudi. Ibu itu datang pa Yesus kong bamohon pa Yesus deng suara yang kuat, “Bapa, raja Daud pe turunan, kasiang pa kita ka! Kita pe ana parampuang ada kemasukan setang kong dia sengsara skali.”

Matius 9:18

Waktu Yesus sementara bicara deng Yohanes Pembaptis pe murit-murit, ada satu orang datang pa Yesus. Dia itu kapala di satu ruma ibada agama Yahudi. Orang itu berlutut pa Yesus kong bilang bagini, “Guru, kita pe ana parampuang, baru saja mati. Tapi tolong Guru datang, kong taru Guru pe tangan pa dia, la dia hidup ulang.”

Yohanes 21:2

Satu kali, di talaga Tiberias pe pinggir itu, ada Simon Petrus, Tomas yang orang jaga pangge Kambar, Natanael dari kota Kana yang ada di daera Galilea, Zebedeus pe ana dua, deng Yesus pe murit dua orang laeng lagi, dorang bakumpul di situ.

Matius 4:13

Dari Nazaret, Dia pigi lagi kong tinggal di kota Kapernaum yang ada di pinggir talaga Galilea, di suku Zebulon deng suku Naftali pe daera.

Lukas 4:23

Turus Yesus bilang pa dorang, “Mangkali ngoni mo bilang bahasa satu pa Kita bagini, ‘Woe dokter, kase sembu ngana pe diri sandiri dulu.’ Ngoni bilang bagitu karna ngoni mo suru Kita biking mujizat di Kita pe kampong sandiri ini, sama deng Kita so biking di kampong Kapernaum.

Yohanes 2:12

Abis pesta kawing itu, Yesus pigi di kota Kapernaum sama-sama deng Dia pe mama, Dia pe sudara-sudara deng Dia pe murit-murit lagi. Dorang tinggal di sana babarapa hari.