Yohanes 4:37 - Perjanjian Baru Bahasa Melayu Maluku Utara

³⁷ Jadi butul suda yang ngoni jaga bilang bagini, ‘Ada yang pe karja baambur bibit, deng ada yang pe karja bapanen.’

Yohanes 4:37 Referans Kwoze

Lukas 19:21

Kita biking bagitu, karna kita tau bapa itu orang karas jadi kita tako. Kalu bapa suru orang cari untung deng bapa pe doi, bapa harap dia mo dapa untung banya. Kong kalu bapa suru orang batanam, bapa harap dorang bapanen banya.’

Yohanes 4:36

Orang-orang yang bapanen pasti so mulai tarima dorang pe gaji kong dorang kase kumpul hasil kobong itu. Dorang deng orang-orang yang baambur bibit akan sama-sama basimore, barang sama-sama dapa hasil kobong. Hasil kobong yang ada panen itu, itu bole kase sama deng orang-orang yang so percaya kong dapa hidup deng Tuhan Allah slama-lamanya.

Yohanes 4:38

Kita suru pa ngoni untuk bapanen di tampa yang ngoni tara perna baambur bibit. Orang-orang laeng so baambur bibit, kong ngoni yang datang pete dia pe hasil.”

Yohanes 14:12

Inga bae-bae yang Kita mo bilang pa ngoni ini. Sapa saja yang percaya pa Kita, orang itu butul-butul mo biking apa saja yang Kita so biking. Mala, dia bole biking yang lebe basar lagi dari yang Kita so biking, karna Kita pigi pa Kita pe Bapa.