Yohanes 4:12 - Perjanjian Baru Bahasa Melayu Maluku Utara

¹² Torang pe orang tua dulu-dulu Yakub yang kase parigi ini pa torang. Kong dia sandiri so minum dari parigi ini, bagitu lagi deng dia pe ana-ana deng dia pe binatang-binatang piara lagi. Masa Bapa ini lebe hebat dari torang pe bapa Yakub itu?”

Yohanes 4:12 Referans Kwoze

Ibrani 3:3

Tapi biar bagitu, Yesus Kristus lebe pantas dapa puji deng hormat. Itu sama deng tukang yang biking ruma lebe pantas dapa puji deng hormat dari ruma yang dia biking.

Yohanes 4:6

Di situ ada parigi satu yang orang sebut ‘parigi Yakub’. Yesus lala skali gara-gara Dia bajalang jao, jadi Dia dudu di parigi itu pe pinggir. Waktu itu, kira-kira jam dua blas siang,

Matius 12:42

Kong nanti di hari kiamat waktu Tuhan mo adili pa samua orang, raja parampuang yang dari selatan mo hidup ulang sama-sama deng ngoni orang-orang skarang ini, kong dia akan kase sala pa ngoni la ngoni dapa hukum. Barang, dulu waktu dia dengar kabar tentang raja Salomo pe hikmat, biar dia jao skali me dia pigi supaya dia bole dengar raja Salomo pe ajaran. Tapi skarang ini di sini, ada Orang yang lebe penting dari raja Salomo yang bawa ajaran pa ngoni, tapi ngoni tara mo dengar tu!”

Yohanes 8:53

Jang sampe Bapa bapikir Bapa lebe hebat dari torang pe orang tua dulu-dulu, Abraham. Memang dia so mati. Nabi-nabi laeng me so mati. Bapa ini sapa kong bicara macam bagitu?”

Yohanes 4:5

Dia bajalang sampe di kota satu di daera Samaria, yang pe nama kota Sikhar. Kota itu dekat deng tana yang dulu Yakub so kase pa dia pe ana Yusuf.

Yohanes 4:13

Turus Yesus bilang pa dia, “Sapa saja yang minum aer dari parigi ini, pasti dia mo aus ulang.

Yohanes 4:20

Kalu bagitu, kita mo tanya dulu. Torang orang Samaria pe orang tua dulu-dulu basambayang pa Tuhan Allah di gunung ini, tapi bikiapa kong ngoni orang Yahudi bilang, tampa orang basambayang itu musti di Yerusalem?”