Yohanes 3:35 - Perjanjian Baru Bahasa Melayu Maluku Utara

³⁵ Bapa sayang pa Dia pe Anak, kong so kase samua-samua yang ada untuk Dia pe Anak kuasai.

Yohanes 3:35 Referans Kwoze

Matius 28:18

Yesus badekat pa dorang kong bilang, “Kita so tarima samua kuasa di sorga deng di bumi.

Yohanes 5:22

Bapa tara adili orang, tapi Dia so serakan tugas pa Dia pe Anak untuk adili orang.

Yohanes 5:20

Barang, Bapa sayang pa Dia pe Anak kong Dia kase tunju pa Dia pe Anak samua yang Dia sementara biking. Deng nanti Dia akan kase tunju lagi hal yang lebe basar dari mujizat-mujizat yang Dia pe Anak so biking ini, supaya ngoni jadi herang skali.

Lukas 10:22

Samua yang ada pa Kita pe Bapa, Bapa so kase pa Kita. Tara ada satu orang yang tau sapa sebenarnya Kita Anak Allah, cuma Bapa yang tau. Kong tara ada satu orang yang tau sapa itu Bapa, cuma Kita, Anak Allah yang tau, deng orang-orang yang Kita pili untuk kanal pa Bapa.”

Yohanes 17:2

Barang, Bapa so kase kuasa pa Kita untuk berkuasa pa samua orang yang ada di dunia ini, supaya samua orang yang Bapa so kase pa Kita, Kita bole kase hidup deng Bapa slama-lamanya.

Matius 11:27

Samua yang ada pa Kita pe Bapa, Bapa so kase pa Kita. Tara ada satu orang yang kanal pa Kita Anak Allah, cuma Bapa saja. Kong tara ada satu orang yang kanal pa Bapa, cuma Kita Anak Allah, deng orang-orang yang Kita pili untuk kanal pa Bapa.

Efesus 1:22

Tuhan Allah kase kala samua-samua yang ada, supaya samua-samua itu ada di bawa Yesus Kristus pe kuasa. Deng Tuhan Allah biking Yesus Kristus jadi kapala pa samua orang yang percaya pa Dia.

Yohanes 13:3

Yesus tau Dia pe Bapa so kase samua kuasa pa Dia. Dia me tau Dia itu datang dari Tuhan Allah, Dia pe Bapa, kong Dia lagi nanti mo bale ulang pa Tuhan Allah.

1 Petrus 3:22

Kong skarang, Yesus Kristus so nae ka atas di sorga, so dudu di tampa yang terhormat, pa Tuhan Allah pe sabla kanan. Kong samua malaekat, samua yang ada kuasa, deng samua yang ada pengaru, ada di bawa Yesus Kristus pe kuasa.

1 Korintus 15:27

Barang, di Kitab Suci so tatulis bagini, “Tuhan Allah biking samua yang malawang pa Dia ada di bawa Kristus pe kuasa.” Deng bagitu, torang jadi mangarti, samua-samua ada di bawa Yesus Kristus pe kuasa. Cuma Tuhan Allah saja yang tarada, karna Tuhan Allah yang biking sampe samua ada di bawa Yesus Kristus pe kuasa.

Ibrani 1:2

Tapi skarang, di waktu yang so dekat hari kiamat ini, Tuhan Allah so utus Dia pe Anak sandiri yang bicara langsung pa torang. Dia pe Anak itu yang dulu Tuhan Allah pake untuk biking dunia ini deng samua-samua dunia pe isi. Kong Dia pe Anak itu suda yang Tuhan Allah so tentukan supaya jadi ahli waris dari samua-samua yang ada.

Yohanes 17:26

Kita so biking dong tau sapa Bapa sebenarnya, kong Kita mo kase tau turus itu pa dorang, supaya dorang baku sayang sama deng Bapa sayang pa Kita, kong dorang lagi mo jadi satu hati deng Kita.”

Yohanes 17:23

Kita suka dorang itu jadi satu hati deng Kita, kong Bapa jadi satu deng Kita, supaya dorang itu butul-butul jadi satu hati satu deng yang laeng. Deng bagitu, orang-orang yang tara percaya pa Bapa di dunia ini bole tau, Bapa yang utus pa Kita kong Bapa itu sayang pa dorang, sama deng Bapa sayang pa Kita.

Yohanes 15:9

Yesus bilang lagi, “Kita sayang pa ngoni, sama deng Kita pe Bapa sayang pa Kita. Jadi, ngoni hidup satu hati turus suda deng Kita, supaya ngoni bole rasa Kita pe sayang itu.

Matius 17:5

Waktu Petrus masi bicara, kage-kage awan yang tarang turung tutu pa dorang. Kong dorang dengar dari dalam awan itu ada suara yang bilang bagini, “Ini Kita pe Anak yang Kita sayang. Dia biking Kita pe hati sanang. Dengar suda pa Dia!”

Matius 3:17

Kong dapa dengar Tuhan Allah pe suara dari sorga bagini, “Ini Kita pe Anak, Kita paling sayang pa Dia. Dia yang biking Kita pe hati sanang.”