Yohanes 21:25 - Perjanjian Baru Bahasa Melayu Maluku Utara

²⁵ Kong masi banya lagi hal-hal laeng yang Yesus biking. Kalu samua yang Yesus biking itu mo tulis satu-satu, kita rasa dunia ini tara cukup mo muat samua kitab yang ada tulis tentang apa yang Yesus biking itu.

Yohanes 21:25 Referans Kwoze

Ibrani 11:32

Ada banya lagi orang-orang yang percaya pa Tuhan Allah yang kita bisa kase carita pa ngoni, tapi kita pe waktu tara cukup. Kita tara ada waktu untuk carita tentang Gideon, Barak, Simson, Yefta, Daud, Samuel deng nabi-nabi laeng lagi.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 20:35

Deng karja karas bagitu, kita so kase conto pa ngoni la ngoni me karja karas untuk bantu pa orang-orang yang tara mampo. Torang musti inga yang Tuhan Yesus so bilang, karna Dia sandiri yang bilang, ‘Kalu torang dapa apa-apa dari orang, torang pasti sanang, tapi yang lebe sanang itu torang yang bakase apa-apa pa orang laeng.’ ”

Matius 11:5

orang buta so bisa dapa lia, orang lumpu so bisa bajalang, orang lepra so sembu, orang pongo so bisa dengar, orang mati so hidup ulang, deng orang miskin so dengar Kabar Bae dari Tuhan Allah.”

Matius 19:24

Kong ngoni inga lagi yang Kita bilang ini, masi lebe gampang unta satu ekor maso di lobang jarum daripada orang kaya mo kase dia pe diri la Tuhan Allah Berkuasa sebagai Raja pa dia pe hidup.”

Markus 5:16

Orang-orang yang lia samua itu, dorang carita apa yang jadi itu pa orang-orang yang baru datang itu. Dorang carita apa yang jadi pa orang yang ada kemasukan deng apa yang jadi pa babi-babi itu.