Yohanes 21:17 - Perjanjian Baru Bahasa Melayu Maluku Utara

¹⁷ Yesus batanya lagi pa dia untuk yang ketiga kali, “Simon, Yohanes pe ana, apa ngana sayang pa Kita?” Kong Petrus jadi sedi, barang Yesus ada tanya pa dia sampe tiga kali, apa dia sayang pa Yesus ka tarada. Kong Petrus jawab pa Yesus, “Tuhan, Tuhan tau samua hal, Tuhan tau kita sayang pa Tuhan.” Yesus bilang lagi pa Petrus, “Urus bae-bae Kita pe umat, sama deng gembala yang urus bae-bae dia pe domba-domba.

Yohanes 21:17 Referans Kwoze

Yohanes 13:38

Turus Yesus jawab bagini, “Ngana bilang, ngana siap mati untuk Kita? Inga bae-bae yang Kita bilang ini. Malam ini sebelum ayam bakuku, ngana so manyangkal tiga kali, bilang ngana tara kanal pa Kita.”

Markus 14:72

Kong waktu itu suda, langsung ayam bakuku yang kedua kali. Di situ, Petrus langsung dapa inga yang Yesus so perna bilang pa dia, sebelum ayam bakuku dua kali, dia so manyangkal tiga kali, bilang dia tara kanal pa Yesus. Kong Petrus manyasal, dia manangis sampe tahek-hek.

Yohanes 16:30

Skarang torang tau, Guru tau samua hal, kong orang so tara perlu mo tanya-tanya lagi pa Guru. Karna itu torang so percaya, Guru itu dari Tuhan Allah.”

Wahyu 2:23

Kita akan bunu orang-orang yang jaga iko parampuang itu pe ajaran, supaya samua jemaat akan tau, Kita ini yang tau manusia pe pikiran deng manusia pe isi hati. Kong, Kita mo hukum tiap orang iko deng apa yang dia biking.

Efesus 4:30

Jang sampe deng ngoni pe bicara yang tara bae itu, ngoni biking Tuhan Allah pe Roh Kudus jadi sedi. Inga, Tuhan Allah pe Roh Kudus yang ada pa torang itu jadi tanda, torang ini Tuhan Allah punya, sampe di waktu Dia datang ulang untuk kase slamat pa torang.

Kisah Para Rasul 15:8

Tuhan Allah yang tau manusia pe hati, kong Dia yang kase Roh Kudus pa dorang orang-orang yang bukang Yahudi, sama deng Dia kase pa torang orang Yahudi, supaya torang tau Dia me tarima pa dorang.

Yohanes 15:10

Kalu ngoni biking Kita pe parenta, ngoni mo rasa turus Kita pe sayang, sama deng Kita biking Kita pe Bapa pe parenta, kong Kita bole rasa turus Dia pe sayang.

Yohanes 14:15

Yesus bilang lagi, “Kalu ngoni sayang pa Kita, ngoni akan biking Kita pe parenta-parenta.

2 Petrus 3:1

Sudara-sudara yang kita sayang, ini kita pe surat yang kedua pa ngoni. Di dua surat yang kita tulis pa ngoni, kita berusaha kase inga ulang apa yang ngoni so tau, supaya ngoni tetap smangat untuk pikir yang bae tentang itu.

1 Petrus 1:6

Tuhan Allah so biking samua itu, karna itu ngoni basimore suda, biar untuk sementara waktu ngoni pe hati susa karna macam-macam sengsara yang ngoni dapa di dunia skarang ini.

2 Korintus 1:12

Sudara-sudara, yang biking torang pe hati sanang, itu karna tong pe dalam hati sandiri yang kase tau ini butul: torang pe kalakuang pa samua orang di dunia itu bae deng lebe-lebe lagi tong pe hubungan deng ngoni me bae. Torang pe hidup jujur, deng tong pe tujuan butul iko Tuhan Allah pe mau. Kong samua yang tong biking itu bukang karna tong iko manusia pe pande, tapi karna Tuhan Allah pe bae sampe tong mampo biking samua itu.

Kisah Para Rasul 1:24

Abis itu, dorang samua berdoa, dong bilang, “Tuhan, Tuhan lebe tau samua orang pe hati. Jadi kase tunju pa torang, dari dong dua ini sapa yang Tuhan mo pili pa dia,

Yohanes 18:27

Tapi Petrus manyangkal ulang, dia tara kanal pa Yesus. Kong pas waktu dia manyangkal, ayam langsung bakuku.

Yohanes 18:4

Tapi, Yesus so tau samua yang mo jadi pa Dia nanti. Jadi, Dia maju di muka kong bilang pa dorang, “Ngoni cari pa sapa?”

Yohanes 12:8

Orang-orang miskin salalu ada, jadi tempo apa saja ngoni bole bantu pa dorang. Tapi Kita tara sama-sama deng ngoni turus-turus.”

Matius 25:40

Kong nanti Raja itu akan bilang pa dorang bagini, ‘Inga bae-bae yang Kita bilang pa ngoni ini, samua yang ngoni biking untuk tolong pa satu orang dari Kita pe sudara-sudara yang orang anggap tara penting, itu sama deng ngoni so biking untuk Kita.’

Wahyu 3:19

Kalu orang-orang yang Kita sayang biking sala, dorang itu Kita mo togor deng kase hukuman supaya dorang jadi lebe bae. Karna itu, ngoni musti iko pa Tuhan butul-butul deng bertobat suda.

Yohanes 21:18

Inga bae-bae yang Kita mo bilang ini. Waktu ngana masi muda, ngana pake baju sandiri deng ngana bajalang ka mana saja ngana suka. Tapi kalu ngana so jadi tua, ngana mo kase ngana pe tangan kong orang mo ika, turus bawa pa ngana di tampa yang ngana tara suka mo pigi.”

Yohanes 4:16

Tapi Yesus bilang pa dia, “Pigi suda, pangge ngana pe laki la ngoni dua datang kamari.”

Kisah Para Rasul 11:10

Kita batahang bilang tara bisa, sampe tiga kali. Abis itu, barang yang sama deng kaeng itu taangka ulang ka atas di langit.