Yohanes 20:29 - Perjanjian Baru Bahasa Melayu Maluku Utara

²⁹ Yesus bilang pa dia, “Tomas, ngana jadi percaya pa Kita cuma karna ngana so lia pa Kita. Paling sanang suda orang yang tara lia pa Kita tapi dia jadi percaya pa Kita.”

Yohanes 20:29 Referans Kwoze

1 Petrus 1:8

Biar ngoni bolong perna lia pa Yesus Kristus, tapi ngoni sayang pa Dia. Deng biar lagi skarang ngoni tara lia pa Dia, tapi ngoni percaya pa Dia. Ngoni sanang skali, sampe tara bisa bilang pake kata-kata lagi tentang ngoni pe sanang itu.

2 Korintus 5:7

Tapi, waktu torang masi hidup di dunia ini, torang hidup iko tong pe percaya pa Yesus Kristus saja, bukang iko apa yang torang dapa lia, karna torang bolong dapa lia samua yang Tuhan Allah so janji mo kase pa torang.

Ibrani 11:1

Sudara-sudara, skarang torang bicara tentang apa itu percaya pa Tuhan Allah. Percaya pa Tuhan Allah itu pe arti bagini: torang yakin torang akan tarima apa yang Tuhan Allah so janji pa torang, biar torang bolong dapa lia.

Ibrani 11:27

Kong karna nabi Musa pe percaya itu, dia barani kase tinggal tana Mesir untuk pimpin pa bangsa Israel, deng dia tara tako raja Mesir mara pa dia. Dia sabar kong bajalang maju turus deng dorang, barang dia lia sama deng Tuhan Allah ada sama-sama deng dia. Tuhan Allah itu yang tara dapa lia.

Lukas 1:45

Ngana paling sanang suda karna ngana so percaya apa yang Tuhan bilang itu mo jadi.”

Yohanes 4:48

Yesus bilang pa dia, “Kalu ngoni tara lia mujizat-mujizat deng tanda-tanda yang kase tunju Kita pe kuasa, ngoni tara mo percaya.”

Yohanes 20:8

Turus murit satu yang lebe kamuka sampe di kubur itu maso lagi. Dia lia samua itu kong dia percaya Yesus so hidup ulang.

Ibrani 11:39

Dorang samua itu hidup di dunia kase sanang Tuhan Allah pe hati, karna dorang pe percaya pa Tuhan Allah. Padahal dorang bolong tarima apa yang Tuhan Allah janji pa dorang.

Matius 13:16

Tapi ngoni yang iko pa Kita ini, ngoni paling sanang suda karna Tuhan Allah so biking ngoni bole lia deng mata kapala sandiri, deng ngoni bole dengar deng talinga sandiri.

Yohanes 20:28

Tomas bilang pa Yesus, “Bapa ini memang kita pe Tuhan deng kita pe Tuhan Allah.”