Yohanes 20:25 - Perjanjian Baru Bahasa Melayu Maluku Utara

²⁵ Jadi Yesus pe murit-murit laeng bilang pa Tomas, “Tomas, torang so lia pa Tuhan!” Tapi Tomas bilang pa dorang, “Kalu kita bolong lia bakas paku pa Dia pe tangan, deng kalu kita bolong cucu kita pe jari di situ, deng kita bolong kase maso kita pe tangan pa Dia pe lambung, kita tara akan percaya.”

Yohanes 20:25 Referans Kwoze

Yohanes 6:30

Pe dengar itu, dorang bilang pa Dia, “Kalu bagitu, coba Guru kase tunju mujizat satu pa torang supaya torang bole lia kong percaya Guru itu dari Tuhan Allah. Mujizat apa yang Guru mo biking?

Markus 16:11

Tapi waktu dorang dengar Maria bilang Yesus so hidup ulang deng dia so lia pa Yesus, dorang tara percaya.

Ibrani 3:18

Kong sapa yang Tuhan Allah bajanji deng basumpa, dorang itu tara akan maso di tana Kanaan yang Tuhan Allah mo kase pa orang percaya untuk baistrahat sama-sama deng Dia? Tantu dorang itu suda yang tara dengar-dengaran pa Tuhan Allah, to?

Ibrani 3:12

Jadi sudara-sudara, ngoni musti ati-ati. Jang sampe ada satu dari ngoni yang pe hati jahat sama deng itu, sampe so tara percaya deng tara iko lagi pa Tuhan Allah yang hidup.

Yohanes 21:7

Kong murit yang Yesus sayang itu bilang pa Petrus, “Itu Tuhan!” Waktu Petrus dengar itu Tuhan, dia pake dia pe baju, barang tadi dia ada buka baju, kong dia balumpa di talaga.

Yohanes 1:41

Abis dari Yesus pe tampa tinggal, Andreas capat-capat pigi pa dia pe sudara Simon, kong dia bilang bagini pa dia, “Simon, torang so baku dapa deng Mesias, yang torang ada tunggu-tunggu itu, Dia itu Raja yang Tuhan Allah janji mo kase slamat pa manusia.”

Lukas 24:25

Kong Yesus bilang pa dorang, “Wah, ngoni memang bodo skali. Pe lama ngoni masi bolong percaya samua yang nabi-nabi so tulis di Kitab Suci.

Matius 27:42

“Orang laeng Dia bisa kase slamat, tapi Dia pe diri sandiri Dia tara bisa kase slamat! Padahal kata, Dia itu orang Israel pe Raja. Kalu itu butul, turung suda dari salib itu la tong percaya pa Dia!

Markus 16:13

Kong dorang dua bale kase tau pa dorang pe tamang-tamang laeng. Tapi dorang pe tamang-tamang me tara percaya pa dorang.

Markus 16:14

Dia pe ahir kabawa, Yesus kase tunju Dia pe diri pa Dia pe murit-murit seblas orang itu waktu dorang sementara makang. Kong Yesus togor pa dorang karna dorang pe hati karas deng karna dorang tara percaya pa orang-orang yang so lia, Dia so hidup ulang.

Yohanes 20:27

Kong Dia bilang pa Tomas, “Tomas, lia Kita pe tangan ini kong ngana cucu suda ngana pe jari pa Kita pe tangan. Ngana kase maso ngana pe tangan pa Kita pe lambung ini. Jadi jang bilang ngana tara percaya lagi Kita so hidup ulang, tapi percaya suda.”