Yohanes 20:20 - Perjanjian Baru Bahasa Melayu Maluku Utara

²⁰ Kong abis Yesus bilang bagitu, Dia kase lia pa dorang Dia pe tangan deng lambung. Murit-murit itu sanang skali waktu dorang lia pa Tuhan.

Yohanes 20:20 Referans Kwoze

Yohanes 16:22

Bagitu lagi deng ngoni. Skarang ini ngoni pe hati sedi, tapi nanti torang mo baku dapa ulang. Di situ, ngoni pe hati mo sanang skali kong tara ada orang biar cuma satu yang bole rampas ngoni pe sanang itu.

1 Yohanes 1:1

Surat ini torang tulis tentang Yesus Kristus. Dia itu Firman yang biking orang bole dapa hidup deng Tuhan Allah slama-lamanya. Firman itu memang so ada dari pertama dunia bolong jadi. Torang so dengar deng so lia pa Dia deng torang pe mata kapala sandiri. Torang me so pegang pa Dia deng tong pe tangan sandiri.

Yohanes 20:27

Kong Dia bilang pa Tomas, “Tomas, lia Kita pe tangan ini kong ngana cucu suda ngana pe jari pa Kita pe tangan. Ngana kase maso ngana pe tangan pa Kita pe lambung ini. Jadi jang bilang ngana tara percaya lagi Kita so hidup ulang, tapi percaya suda.”

Yohanes 16:20

Inga bae-bae yang Kita mo bilang ini. Waktu ngoni so tara lia lagi pa Kita, ngoni memang mo manangis deng bataria, tapi orang-orang yang tara percaya pa Kita mo sanang. Ngoni mo sedi, tapi nanti ngoni pe sedi itu mo beruba jadi sanang.

Yohanes 19:34

Tapi satu dari tentara-tentara di situ tikam Yesus pe lambung deng tombak, kong langsung dara yang baku tacampur deng aer kaluar.

Matius 28:8

Jadi, parampuang-parampuang itu langsung kase tinggal kubur itu. Dorang tako tapi dorang me rasa sanang skali. Dorang lari capat-capat la mo kase tau samua itu pa Yesus pe murit-murit.

Yohanes 20:25

Jadi Yesus pe murit-murit laeng bilang pa Tomas, “Tomas, torang so lia pa Tuhan!” Tapi Tomas bilang pa dorang, “Kalu kita bolong lia bakas paku pa Dia pe tangan, deng kalu kita bolong cucu kita pe jari di situ, deng kita bolong kase maso kita pe tangan pa Dia pe lambung, kita tara akan percaya.”