Yohanes 20:19 - Perjanjian Baru Bahasa Melayu Maluku Utara

¹⁹ Di hari Minggu malam itu, Yesus pe murit-murit ada bakumpul di ruma satu. Samua pintu ruma dong kunci, barang dong tako pa pemimpin-pemimpin agama Yahudi. Waktu itu, Yesus datang pa dorang kong badiri pa dorang pe tenga-tenga, turus Dia kase salam pa dorang bagini, “Dame dari Tuhan Allah ada pa ngoni!”

Yohanes 20:19 Referans Kwoze

Yohanes 20:26

Pe minggu brikut, Yesus pe murit-murit bakumpul ulang di ruma itu. Kong kali ini, Tomas lagi ada di situ sama-sama deng dorang. Samua pintu-pintu ada takunci lagi. Biar bagitu, Yesus datang, turus badiri pa dorang pe tenga-tenga kong Dia bilang, “Kita minta pa Tuhan Allah supaya Dia salalu biking ngoni pe hati tetap tenang.”

Yohanes 14:27

Skarang Kita mo pigi, tapi hati tenang yang ada pa Kita, Kita mo kase itu pa ngoni. Hati tenang yang Kita kase itu, dunia tara bisa mo kase pa ngoni. Jang ngoni hawater deng tako.

Yohanes 20:21

Kong Yesus bilang ulang pa dorang, “Tuhan Allah biking ngoni hidup deng hati tenang! Kita pe Bapa so utus pa Kita, bagitu lagi Kita utus pa ngoni skarang.”

Efesus 2:14

Barang, Yesus Kristus itu suda yang biking torang samua pe hubungan deng Tuhan Allah jadi bae-bae ulang, supaya torang orang Yahudi deng ngoni orang yang bukang Yahudi jadi baku bae-bae ulang kong jadi satu. Dulu, torang orang Yahudi deng ngoni orang yang bukang Yahudi baku musu sama deng ada pagar tembok basar yang kase pisa pa torang. Tapi waktu Yesus mati di kayu salib, itu sama saja deng Dia so kase ancor pagar itu.

2 Tesalonika 3:16

Tuhan yang biking manusia pe hati tenang. Jadi, torang minta pa Dia supaya Dia salalu biking ngoni pe hati tetap tenang. Torang me minta supaya Tuhan sama-sama deng ngoni samua.

Yohanes 7:13

Tapi tara ada satu orang yang barani bicara di orang banya pe muka tentang Dia, karna dorang tako pa pemimpin-pemimpin agama Yahudi itu.

Markus 16:14

Dia pe ahir kabawa, Yesus kase tunju Dia pe diri pa Dia pe murit-murit seblas orang itu waktu dorang sementara makang. Kong Yesus togor pa dorang karna dorang pe hati karas deng karna dorang tara percaya pa orang-orang yang so lia, Dia so hidup ulang.

Wahyu 1:4

Salam untuk ngoni sudara-sudara di tuju jemaat yang ada di daera Asia Kecil. Surat ini dari kita Yohanes. Tuhan Allah yang so ada dari dulu sebelum dunia ini ada, sampe skarang, deng yang mo datang ulang sampe slama-lamanya. Kita minta pa Dia supaya Dia kase Dia pe bae pa ngoni deng salalu biking ngoni pe hati tetap tenang. Kita minta itu lagi pa tuju roh yang puji deng layani pa Dia di Dia pe kursi raja di sorga,

1 Korintus 15:5

Abis itu, Dia so kase tunju Dia pe diri pa Petrus. Abis pa Petrus, Dia kase tunju Dia pe diri pa Dia pe murit dua blas orang.

Yohanes 16:33

Kita kase tau samua yang mo jadi itu, supaya ngoni bole hidup deng hati tenang, karna ngoni so percaya pa Kita. Di dunia ini ngoni mo rasa menderita karna mo dapa siksa, tapi kase kuat suda ngoni pe hati! Barang, Kita so kase kala samua kuasa di dunia ini.”

Ibrani 7:2

Turus, Abraham kase pa Melkisedek spulu persen dari barang-barang yang dia dapa waktu prang itu. Melkisedek pe nama pe arti, ‘Raja yang adil’. Deng, karna dia raja dari kota Salem, orang jaga pangge pa dia lagi raja Salem, yang pe arti, ‘raja yang bawa dame’.

Filipi 1:2

Torang minta pa Tuhan Allah, torang samua pe Bapa, deng pa Tuhan Yesus Kristus, supaya kase yang bae pa ngoni, deng salalu biking ngoni pe hati tetap tenang.

Efesus 6:23

Kita minta pa Tuhan Allah torang pe Bapa, deng pa Tuhan Yesus Kristus, supaya ngoni bole hidup baku bawa bae-bae, ngoni bole hidup baku sayang, deng ngoni lagi bole tetap percaya pa Yesus Kristus.

Roma 15:33

Tuhan Allah yang biking tong pe hati tetap tenang, jadi Kita minta supaya Dia ada sama-sama deng ngoni samua! Amin.

Yohanes 16:22

Bagitu lagi deng ngoni. Skarang ini ngoni pe hati sedi, tapi nanti torang mo baku dapa ulang. Di situ, ngoni pe hati mo sanang skali kong tara ada orang biar cuma satu yang bole rampas ngoni pe sanang itu.

Matius 18:20

Barang, kalu ada dua atau tiga orang bakumpul karna percaya pa Kita, di situ suda Kita ada sama-sama deng dorang.”

Matius 10:13

Kalu dorang tarima pa ngoni, berkat yang ngoni minta itu akan ada pa dorang. Tapi kalu dorang tara tarima pa ngoni, berkat yang ngoni minta itu tara jadi pa dorang.

Yohanes 21:1

Abis itu, Yesus kase tunju Dia pe diri pa Dia pe murit-murit lagi di talaga Tiberias pe pinggir. Bagini dia pe carita:

Yohanes 21:14

Itu yang so ketiga kali Yesus kase tunju Dia pe diri pa Dia pe murit-murit abis Dia mati kong hidup ulang.

Kisah Para Rasul 1:3

Pa dorang itu, waktu Yesus mati kong hidup ulang, Dia kase tunju Dia pe diri ulang-ulang la dorang tau butul-butul, Dia memang so hidup ulang. Dia kase tunju Dia pe diri pa dorang selama ampa pulu hari kong bicara pa dorang tentang bagimana Tuhan Allah Berkuasa sebagai Raja.

3 Yohanes 1:14

Kita harap, tara lama lagi tong dua baku dapa, la tong bacarita langsung.