Yohanes 20:14 - Perjanjian Baru Bahasa Melayu Maluku Utara

¹⁴ Abis Maria bilang bagitu, dia balia ka balakang kong dia lia ada Orang badiri pa dia pe balakang, tapi dia tara tau, itu Yesus.

Yohanes 20:14 Referans Kwoze

Yohanes 21:4

Kong waktu so mo pagi, Yesus badiri di talaga pe pinggir, tapi Dia pe murit-murit tara tau itu Yesus.

Lukas 24:16

Dorang lia pa Yesus tapi Tuhan Allah biking dorang tara kanal, Dia itu Yesus.

Markus 16:9

Pe hari Minggu pagi-pagi skali itu, waktu Yesus so hidup ulang, Yesus kakamuka kase tunju Dia pe diri pa Maria orang Magdala. Maria itu yang Yesus perna user tuju setang dari dia.

Matius 28:9

Kage-kage di tenga jalang, Yesus datang kong kase salam pa dorang. Turus dorang badekat pa Yesus, polo Dia pe kaki, kong semba pa Dia.

Yohanes 8:59

Pe dengar Yesus bilang bagitu, pemimpin-pemimpin agama Yahudi itu ambe batu mo lempar pa Dia, tapi tara sangka-sangka Yesus so pigi kaluar dari Ruma Ibada Pusat.

Lukas 24:31

Kong waktu itu suda Tuhan Allah biking dorang sadar kong dorang tau itu Yesus. Tapi kage Yesus langsung ilang dari dorang pe tenga-tenga.

Markus 16:12

Abis itu, Yesus kase tunju Dia pe diri pa Dia pe murit dua orang yang sementara bajalang ka satu kampong. Waktu itu dorang tara kanal pa Yesus, barang dorang dapa lia Yesus pe rupa so laeng. Tapi lama-lama baru dorang dapa kanal pa Dia.

Lukas 4:30

Tapi Yesus cuma bajalang kaluar dari orang banya pe tenga-tenga itu kong pigi kase tinggal pa dorang di situ.