Yohanes 20:13 - Perjanjian Baru Bahasa Melayu Maluku Utara

¹³ Malaekat dua itu batanya pa dia, “Ibu, bikiapa kong ibu manangis?” Maria jawab pa dorang, “Kita manangis karna dorang so ambe kita pe Tuhan kong kita tara tau dorang taru di mana.”

Yohanes 20:13 Referans Kwoze

Yohanes 20:15

Kong Yesus batanya pa dia, “Ibu, bikiapa kong ibu manangis? Ibu cari pa sapa?” Maria pikir Yesus itu orang yang bajaga kobong di tampa itu, kong dia bilang pa Orang itu, “Bapa, kalu Bapa yang ambe kita pe Tuhan pe mayat, bilang suda pa kita, Bapa ada taru di mana mayat itu, supaya kita bole mo pigi ambe.”

Yohanes 2:4

Kong Yesus bilang pa Dia pe mama, “Mama, jang bilang bagitu pa Kita. Bolong sampe dia pe waktu untuk Kita kase tunju Kita pe kuasa.”

Kisah Para Rasul 21:13

Tapi Paulus bilang pa torang, “Bikiapa kong ngoni manangis? Ngoni bagini biking kita pe hati tamba barát. Kita siap pigi di Yerusalem biar apa saja yang mo jadi pa kita di situ. Kita so siap, bukang cuma mo dapa ika saja, tapi kita me so siap mati karna kase tau tentang Tuhan Yesus.”

Yohanes 20:2

Jadi dia lari pigi pa Simon Petrus deng pa murit yang Yesus sayang. Pe sampe pa dorang, Maria bilang, “Woe, orang-orang so ambe Tuhan pe mayat dari kubur, kong torang tara tau dorang taru pa Dia di mana!”

Yohanes 19:26

Waktu Yesus lia Dia pe mama deng Dia pe murit yang Dia sayang ada badiri pa Dia pe mama pe pinggir, Yesus bilang pa Dia pe mama, “Mama, Kita pe murit itu, mama anggap saja dia itu mama pe ana skarang.”

Lukas 24:17

Turus Yesus bilang pa dorang, “Sementara ngoni bajalang ini, ngoni ada bacarita apa?” Kong dorang berenti deng muka sedi.