Yohanes 2:12 - Perjanjian Baru Bahasa Melayu Maluku Utara

¹² Abis pesta kawing itu, Yesus pigi di kota Kapernaum sama-sama deng Dia pe mama, Dia pe sudara-sudara deng Dia pe murit-murit lagi. Dorang tinggal di sana babarapa hari.

Yohanes 2:12 Referans Kwoze

Matius 12:46

Waktu Yesus masi bicara deng orang banya itu, Dia pe mama deng Dia pe sudara-sudara datang kong badiri di luar, dorang berusaha mo baku dapa la bacarita deng Dia.

Galatia 1:19

Tapi waktu itu, kita tara baku dapa deng rasul-rasul yang laeng. Kita cuma baku dapa deng Yakobus, Tuhan Yesus pe sudara.

1 Korintus 9:5

Torang me ada hak untuk kawing deng parampuang yang percaya pa Tuhan Yesus. Kong kalu kita ada bini, dia me bole kita bawa waktu tong bajalang jao kase tau Kabar Bae pa orang-orang, sama deng rasul yang laeng ada bawa dong pe bini yang percaya pa Tuhan, bagitu lagi Tuhan Yesus pe sudara-sudara deng Petrus. Iyo, to?

Markus 6:3

Padahal Dia itu cuma tukang kayu. Dia pe mama Maria, Dia pe sudara pa Yakobus, Yoses, Yudas deng Simon. Dia pe sudara-sudara parampuang me ada sama-sama deng torang di sini, to?” Karna orang-orang di situ tau itu, dorang tara tarima pa Dia.

Matius 4:13

Dari Nazaret, Dia pigi lagi kong tinggal di kota Kapernaum yang ada di pinggir talaga Galilea, di suku Zebulon deng suku Naftali pe daera.

Yohanes 6:17

Dorang di situ sampe malam, tapi Yesus bolong datang-datang pa dorang. Karna itu, dorang nae di parau, turus menyebrang mo pigi di kota Kapernaum.

Matius 11:23

Kong ngoni orang-orang Kapernaum, ngoni kira Tuhan Allah mo angka pa ngoni di sorga? Tarada. Mala, Dia mo buang pa ngoni di neraka, karna ngoni so lia-lia Kita biking mujizat-mujizat tapi ngoni tetap tara mau bertobat. Padahal kalu jaman dulu mujizat-mujizat itu Kita biking di kota Sodom, pasti kota itu masi ada sampe skarang.

Yohanes 2:2

Yesus deng Dia pe murit-murit dapa undang maso di pesta kawing itu.

Yohanes 4:46

Abis itu, Yesus bale lagi di Kana, di daera Galilea. Kana itu tampa yang Dia perna biking mujizat aer jadi anggur. Tara jao dari Kana, di kota Kapernaum, ada pegawai istana satu. Dia pe ana laki-laki ada saki.