Yohanes 19:9 - Perjanjian Baru Bahasa Melayu Maluku Utara

⁹ Kong dia bawa pa Yesus maso ulang di dalam istana, turus dia bilang pa Yesus, “Ngana ini dari mana?” Tapi Yesus tara jawab.

Yohanes 19:9 Referans Kwoze

Yohanes 18:33

Abis itu, gubernur Pilatus maso ulang di istana kong pangge pa Yesus, turus batanya pa Dia, “Butul Bapa ini orang Yahudi pe Raja?”

Filipi 1:28

Ngoni tara usa tako pa orang-orang yang lawan pa ngoni. Kalu dorang lia ngoni tara tako, itu kase tunju dorang itu akan dapa hukuman tapisa deng Tuhan Allah slama-lamanya, kong itu lagi kase tunju, ngoni yang percaya itu akan dapa slamat dari Tuhan Allah.

Yohanes 8:14

Yesus bilang pa dorang, “Biar lagi Kita basaksi tentang Kita pe diri sandiri, tapi yang Kita kase tau itu butul, karna Kita tau dari mana Kita datang deng ka mana Kita pigi. Tapi ngoni, ngoni tara tau, dari mana Kita datang deng ka mana Kita pigi.

Matius 26:63

Tapi Yesus cuma badiam. Kong imam basar itu bilang lagi pa Dia, “Demi Tuhan Allah yang hidup, Ngana bilang kamari pa torang, apa butul Ngana itu Mesias, Raja yang Tuhan Allah janji dari dulu? Kong apa butul Ngana me Anak Allah ka bukang?”

Yohanes 18:37

Turus gubernur Pilatus batanya lagi pa Yesus, “Jadi Bapa ini Raja?” Yesus jawab pa dia, “Bapa yang bilang Kita ini Raja, deng memang itu butul suda dia pe tujuan Kita lahir deng Kita datang di dunia ini, supaya Kita bole kase tau yang butul. Kong sapa yang suka yang butul, dia pasti dengar pa Kita.”

Matius 27:27

Abis itu, gubernur Pilatus pe tentara-tentara bawa pa Yesus di dorang pe tampa yang ada di gubernur pe istana pe kintal. Kong dorang pangge pa dorang pe tamang-tamang tentara samua bakumpul kase kuliling pa Yesus.

Lukas 23:9

Jadi Herodes banya batanya pa Yesus, tapi Yesus tara jawab apa-apa.

Yohanes 18:28

Waktu masi pagi-pagi skali, dorang bawa pa Yesus dari imam basar Kayafas pe kintal ruma antar di gubernur Roma pe istana. Tapi orang-orang agama Yahudi sandiri tara maso di situ karna gubernur itu bukang orang Yahudi. Barang, kalu iko agama Yahudi pe aturan, dorang mo jadi berdosa kalu ada sama-sama deng orang yang bukang agama Yahudi, kong orang agama Yahudi yang jadi najis itu sabantar so tara bole makang pa dong pe hari raya Paska.

Yohanes 18:34

Kong Yesus bilang, “Yang bapa tanya itu, bapa sandiri yang mau tau, atau ada orang laeng yang bilang pa bapa tentang Kita?”

Yohanes 19:8

Waktu Pilatus dengar yang dorang bilang itu, dia jadi lebe tako.

Yohanes 19:10

Jadi Pilatus batanya lagi pa Dia, “Ngana tara mau bicara deng kita? Ngana tara tau kita ini ada kuasa kase bebas pa Ngana? Deng kita me ada kuasa untuk kase salib pa Ngana?”