Yohanes 19:39 - Perjanjian Baru Bahasa Melayu Maluku Utara

³⁹ Nikodemus lagi datang di situ. Dia itu yang perna datang pa Yesus waktu malam-malam. Nikodemus ada bawa minya wangi mur yang kase campur deng minya wangi kayu gaharu untuk goso Yesus pe mayat. Minya itu pe barát kira-kira tiga pulu kilo.

Yohanes 19:39 Referans Kwoze

Yohanes 12:7

Tapi Yesus bilang, “Kase biar suda Maria biking bagitu pa Kita, karna apa yang dia biking itu sama deng dia so kase siap Kita pe mayat waktu Kita mo dapa kubur nanti.

Markus 16:1

Pe Sabtu malam, waktu so lewat hari Sabat, hari yang orang agama Yahudi tara bole bakarja, Salome, Maria orang Magdala deng Maria Yakobus pe mama, pigi bili minya wangi la mo goso Yesus pe mayat, iko orang Yahudi pe biasa.

Matius 19:30

Tapi banya orang yang jadi orang penting di dunia ini, nanti jadi orang yang tara penting, kong orang yang tara penting di dunia ini, nanti jadi orang penting.”

Matius 12:20

Dia bae pa orang-orang yang lema, itu sama deng Dia tara kase putus bulu yang so pata, sama lagi deng Dia tara mo kase mati pelita yang dia pe manyala so kacil. Dia mo pimpin pa manusia sampe yang adil menang dari yang tara adil.

Matius 2:11

Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan deng minya wangi mur.

Yohanes 12:3

Waktu dorang sementara makang, Maria ambe minya wangi narwastu asli stenga liter. Minya wangi itu pe harga mahal skali. Kong dia siram minya wangi itu palang-palang pa Yesus pe kaki, turus dia goso Yesus pe kaki deng dia pe rambu. Minya wangi itu pe bobou langsung dapa ciom di samua tampa di dalam ruma itu.